ROVER聯乘四隊重量級樂隊 打造不一樣的搖滾《旗跡》

新生代樂隊ROVER推出新歌《旗跡》，四子陳鎮亨（亨仔）、王希晉（希晉）、卓金樂（Kim）及雷濠權（Jason）特意邀請四隊風格各異的樂隊合作Cover企劃，打頭陣有ToNick，緊接有野佬、逆流，壓軸更請來殿堂級樂隊太極，各自演繹不同版本的《旗跡》，展現Band Sound的多樣魅力。

ROVER x ToNick

ROVER x 太極

ROVER x 逆流

ROVER x 野佬

這次Cover由ROVER親自策劃，Jason說：「我哋一路都好想同唔同嘅樂隊合作，想藉住《旗跡》呢首新歌，搵一啲有代表性嘅樂隊，集合唔同風格去玩。」當中逆流更是他從小聽到大的樂隊，Jason大讚他們的版本超級正，充滿逆流風格，聽得他們非常驚喜。

ROVER x 逆流

ToNick的參與亦令ROVER成員希晉格外興奮，「好多謝恆仔、晨曦、小龜，同埋啱啱飛返嚟嘅Ryan！之前團綜合作過，但當時Ryan唔喺度，今次終於齊人一齊玩呢首歌。」他更透露從ToNick身上感受到活力與能量，尤其欣賞主音恆仔的台風：「我都有偷師，睇咗佢哋之前演出嘅片段，好多謝ToNick同我哋玩！」

ROVER x ToNick

Kim則分享與野佬合作的愉快點滴：「之前佢哋有教我哋好多夾Band嘅技巧同心得，希望可以同佢哋一齊玩落去，一齊夾Band落去！」亨仔則特別鳴謝太極：「多謝前輩們嚟同我哋玩呢場充滿奇蹟嘅冒險之旅！太極肯同我哋玩《旗跡》，真係超級開心，希望有機會可以一齊再喺台上夾Band！」能夠獲前輩親自落場參與，對ROVER而言意義非凡。

ROVER x 野佬

除了Cover企劃，ROVER將於3月30日迎來首個演唱會，全企位設計讓樂迷能夠零距離感受Band Sound的震撼。距離演出尚餘不足兩星期，亨仔透露籌備工作已進入最後階段：「我哋籌備到密鑼緊鼓，差唔多搞掂晒，所有嘢都進入Rehearsal階段，加油！加碼爹！」

ROVER x 太極

Jason表示每日都努力練歌，準備不同類型的作品：「有Band嘅歌，亦有Solo、合唱嘅歌，好多唔同嘅歌準備畀大家。」Kim更透露今次演唱會的編曲心思：「我哋會玩返晒所有自己嘅歌，仲有好多唔同前輩同樂隊嘅歌，我哋重新編曲，Band sound同自己嘅歌都會有唔同編排，全部由我哋自己搞，雖然要花多啲時間，但絕對值得！」ROVER聯乘太極、ToNick、野佬及逆流的《旗跡》Cover已在YouTube推出，而3月30日ROVER在新蒲崗Portal舉行的演唱會門票亦現正公開發售。

樂隊ROVER成員亨仔（陳鎮亨）、Kim（卓金樂）、希晉（王希晉）及 Jason（雷濠權）推出全新單曲《白日夢之旅》，今次四位成員展現極高創作自主度，全團一同包辦曲、詞、編、監重任。歌曲以白日夢為核心主題，並以水的四種形態—雪、雲、霧及雨，比喻四人雖然性格各有不同，但追求夢想的本質依然一致，陪伴每一位在現實與夢想之間掙扎的追夢者。除了音樂上的突破，四位成員今次更首次齊齊擔當MV監製與導演，將最真實的私下相處日常呈現給觀眾。

樂隊ROVER推出全新單曲《白日夢之旅》。

談到新歌創作靈感，Jason坦言社會往往對追夢的人帶有偏見，「會想用白日夢做呢首歌嘅主題，係有好多人會覺得我哋追緊夢嘅人，其實都係發緊白日夢或者發明星夢。其實喺個白日夢入邊，係咩都有可能會發生，可以做啲估唔到會做到嘅事，又或者係有啲意想不到嘅結果。所以對於我哋嚟講，白日夢係一個好好嘅機會，去比我哋幻想吓喺自己嘅人生之後會變成點樣。」

亨仔

Kim

希晉

Jason

今次新歌在概念上亦加入了獨特的比喻，Kim解釋水的不同形態正正代表著四人的特質，「呢首歌我哋用咗四種水嘅形態去代表我哋四個，包括係雪、雲、霧、雨。雖然佢哋係唔會喺同一個氣候出現，但係四種都係水。就好似雖然我哋四個性格、想法有時都好唔一樣，但四個嘅本質都係一樣，只係化作咗唔同嘅形態去展示俾大家睇。」

除了音樂概念特別，今次MV拍攝對ROVER來說更是一次全新嘗試。Kim說：「覺得今次拍MV同埋首歌嗰個題材都好特別，去拍我哋玩嘅過程，而唔係一啲好嚴肅嘅嘢，呢一個主題我哋都係想做好耐，所以今次建議由我哋自己操刀。」

觀看相關影片按連結：https://youtu.be/8ZacHdeOiG4

為了提高參與度，成員亨仔今次更首次擔任MV監製。在挑選拍攝地點時，亨仔建議大家一起到長洲取景。首次踏足長洲的Jason笑言感到非常新鮮,「亨仔建議話不如我哋去長洲，咁我就真係第一次去長洲！今次去到長洲就覺得所有嘢都係好有標誌性，長洲有少少似澳門嘅feel，大家嘅節奏比較慢啲，係一個好適合發白日夢嘅地方。」

MV圖片

MV圖片

希晉亦補充表示，自己構思MV是希望拉近與粉絲的距離：「今次嘅MV我哋親自操刀、自己構思。咁點解會有今次諗法呢？其實我哋係想將我哋平時最真實嘅相處模式去呈現比觀眾。」向來喜歡設計的希晉，繼之前為團隊設計crew T外，今次亦為新歌封面設計字體。

MV圖片

MV圖片

自從去年拍攝團綜及遠赴台灣拍攝MV後，亨仔、Kim、希晉及 Jason已有一段時間沒有一同過夜。正當大家滿懷期待以為今次可以趁長洲取景重溫兩日一夜之旅，豈料在民宿休息時遇到的突發危機，竟徹底破壞了這個美好計畫！Kim說：「MV執行嘅時候，都係自己諗邊個揸機、拍咩位，感覺還好，係唯一到我哋拍完，返民宿休息，點知有隻半隻手掌咁大嘅曱甴！搵來搵去都唔知佢匿埋喺邊，我哋最後鼓起勇氣，同公司講我哋都係買船飛返香港！」

MV圖片

MV圖片

除了突發狀況，四人在剪輯時亦遇到素材不足的挑戰。希晉分享解決方法，反而為MV增添了珍貴畫面：「完咗之後發現唔夠片，咁我哋就要構思吓究竟要點樣可以填補返。最後諗到返band房，大家一齊去傾吓偈，然後攞部camera就錄住我哋一齊傾偈，係好美好嘅回憶。始終係第一次執導，希望之後都會有多啲呢啲嘅機會。」