南區年度盛事「2026鴨脷洲洪聖傳統文化節」正盛大舉行，昨日（3月22日）上午的祈福放水燈及龍舟拜廟活動將節慶氣氛推向高峯。三位「南區之友」、歌手及演員張馳豪（Aska）、潘靜文（Sherman）及藝員江嘉敏（Kaman）齊齊現身，參與放水燈儀式，祈求工作順風順水。
張馳豪、江嘉敏、潘靜文初次參與鴨脷洲百年寶誕慶典傳承歷史。
三人皆為首次參與 大讚傳統節慶有趣
點擊看圖輯
更多相片
張馳豪、江嘉敏、潘靜文初次參與鴨脷洲百年寶誕慶典傳承歷史。
潘靜文、江嘉敏、張馳豪
三人參與祈福放水燈活動 。
江嘉敏希望多人認識到洪聖寶誕文化歷史底蘊。
江嘉敏
潘靜文
張馳豪
三位同樣在南區成長或現居的藝人，均是首次參與鴨脷洲洪聖傳統文化節。他們對這個南區年度傳統節慶感到非常有趣，直言今年才能親身參與實在錯失太多。
潘靜文、江嘉敏、張馳豪
三人參與祈福放水燈活動 。
江嘉敏表示：「喺南區生活同讀書咁耐，當然有聽過洪聖寶誕傳統節慶，但今次真係第一次參與。我頭先八卦問嚇，原來唔只街坊，仲有好多區外人士甚至遊客嚟到，真係要多謝大會將呢個傳統節慶發揚光大，等更多人認識到洪聖寶誕同埋佢嘅文化歷史底藴。我主持嘅《100樣可能》下一季一定要嚟採訪，畀更多人知道！」
江嘉敏希望多人認識到洪聖寶誕文化歷史底蘊。
江嘉敏
自《聲夢傳奇》後鮮有合作的「組爸組媽」張馳豪與潘靜文今日在活動上重聚，二人見面立即寒暄一番。潘靜文説：「《聲夢》唔少學員都繼續留喺公司，但就分散喺唔同嘅節目，我同Aska其實好少見到面。我都希望好似Aska咁有得參與劇集拍攝呀，啱啱播完嗰套《非常檢控觀》我有追睇，Aska好型。」張馳豪回應：「多謝支持，我都希望我哋有機會可以合作，唔單只係唱歌，拍劇揾我哋做對手都可以呀！」二人藉放水燈為自己及對方祈願，希望事業像水燈一樣順風順水又閃亮璀璨。
潘靜文
張馳豪
