音樂劇《大象的告別式2.0》全面進化 黃靖程攜手Jeremy強尼馮志佑與觀眾再次直面人生遺憾

口碑載道、以廣東歌串連而成的本地原創音樂劇《大象的告別式》，自2019年首演及2023年重演以來感動無數觀眾。闊別三年，出品人兼女主角黃靖程(小龍)再度將「大象」帶回舞台，宣布《大象的告別式2.0》將於6月12日 起假東九文化中心劇院上演新一輪「告別式」， 並於明天3月24日早上10時起正式 公售。

強尼

馮志佑

黃靖程

Jeremy

今次演出除原班人馬黃靖程、強尼、馮志佑載譽歸來外，更邀得人氣偶像李駿傑(Jeremy@MIRROR)首次踏足劇場舞台，強勢加盟。配合新加劇本情節及重新編 排歌曲，《大象的告別式2.0》將全面進化，與觀眾再次直面人生遺憾，學習放下與告別。

《大象的告別式2.0》

《大象的告別式2.0》是一部以「遺憾」為主題，教導我們如何「放下」和「告別」的音樂劇。故事圍繞一個被稱為死後中轉站的神秘空間，職員Dr. Cheung(強尼 飾)致力 協助每顆迷失的靈魂在人生的終點敞開心扉，放下執念，重新啟程。因意外失去記 憶而滯留此地的Lily(黃靖程 飾)與Romeo(馮志佑 飾)，順理成章成為助手。直到 神秘男子陳朗Ron(Jeremy 飾)突然闖入，不但喚醒二人記憶，更揭開了那職員埋 藏多年的秘密。幾個看似毫無關係的陌生人，讓幾位看似毫不相干的人，在命運牽 引下再次相遇，完成一場真正的告別。

Jeremy首次參演音樂劇，坦言既期待亦充滿挑戰:「今次作品有好多唱歌元素，其 實都係我嘅comfort zone，反而要練習點樣喺一個大型舞台上，更直接咁將角色呈 現畀觀眾。」談到與強尼首度正式合作，他難掩興奮:「由《造星》開始，我同強尼大 哥一直都係主持人同嘉賓嘅關係，今次終於有機會一齊碰撞，相信一定會擦出唔 同火花。」他亦表示，角色歷來有不同版本，今次希望能建立屬於自己的演繹方式 ，為觀眾帶來新鮮感。

由《全民造星I》見證Jeremy出道至今，強尼大讚對方是全能型演員:「佢就好似液 體咁，你放佢喺咩容器，佢就會變成相應形狀。」他認為Jeremy在音樂及舞台上早 已建立鮮明形象，今次首度挑戰舞台劇，勢必展現觀眾從未見過的一面。 談到自己再度回歸演出，強尼笑言曾一度拒演:「之前同黃靖程(小龍)講過唔會再 演，因為真係好辛苦，每晚都要掏心掏肺，但最後都係忍唔住接咗今次re-run。」他坦言始終對舞台充滿熱愛:「喺台上唱歌係一件好過癮嘅事，今次希望可以再唱多啲歌。」相隔三年再演同一角色，他亦有全新理解，會嘗試以不同方式演繹，希望為自己、 對手以至觀眾都帶來新的刺激與火花。

出品人兼女主角黃靖程(小龍)表示，《大象的告別式》自首演以來一直帶有療癒力 量:「對我嚟講，呢套戲歷久常新，觀眾可以透過故事，將內心鬱結慢慢釋放，好似 『排毒』一樣。」事隔三年再度搬上舞台，小龍期望作品能為觀眾帶來更深層嘅情感釋放:「希望大家可以放低積累已久嘅心事，離開劇院之後有所領悟，甚至轉化成行動。」她亦強調每一次重演都必須有所進化：「今次《大象的告別式2.0》無論喺佈景、服飾設計 ，定係劇本故事同歌曲編排上，都加入咗新嘅構思同安排，務求帶畀觀眾耳目一新嘅感受。」

談到Jeremy今次加入演出，小龍透露是經 「花姐」推薦促成合作:「花姐形容 Jeremy係一個好窩心嘅暖男，合作過就會知道。」她笑言首次見面已經有同樣感覺 ，認為他有能力發掘角色的另一面:「相信佢會演繹出一個默默思考，喺背後靜靜 付出、守護愛人嘅『陳朗』。」不過，小龍亦幽默提到兩人之間嘅「最強反差」:「最大問題反而係身高差距，希望 到時唔會變成另一種『最萌身高差』，搞到Jeremy好似同緊哈比人做戲。」

ViuTV原創劇《預防100種牙漬嘅 Darlie 呈獻 COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

MIRROR成員邱士縉（Stanley）為角色練習咬字。

在《COURT!》中，MIRROR成員邱士縉（Stanley）、陳子豐、朱鑑然分別飾演不同的律政人員，以各自擁有的身份分享對故事的看法。Stanley飾演的Peter是一名法官，Stanley表示：「佢對真相係非常之追求，好正義，另一方面都執著嘅，執著要搵到事實嘅真相，佢認為法庭呢個地方就係可以搵到事實嘅真相，還原返事情嘅經過，畀返受害人或被告嘅一個清白。」他看畢劇本後有另一番感受，「覺得法庭其實唔係一個追求真相嘅地方，佢只係一個盡量用持平嘅司法方式去維持返呢個社會嘅秩序，我都好Appreciate呢個世界如果有多啲Peter呢種類型嘅法官嘅話，可能成件事會再完整啲。」

Stanley表示榮幸與銀河合作：「佢哋個大名都聽過好多次，好榮幸可以同佢哋合作，亦都見到佢哋劇本嘅優秀，見到佢哋對戲劇嘅追求，我覺得係學到好多嘢。今次嘅角色係一個法官，比我平時講嘢更加字正腔圓，更加清晰，更加要冇懶音，呢方面我都有再練習多啲咬字再清晰啲。對白要好熟，都係好大嘅挑戰。」他自爆拍攝趣事，「我哋身處喺法庭景，法庭因為場地關係，就會拍咗啲律師先，拍好長嘅律師對話，轉機位要時間，之後先會轉嚟我呢邊法官個位，好多時佢拍呢邊嗰陣我就喺度瞓覺。」

朱鑑然對劇本嚴陣以待。

陳子豐今次飾演一名法官，為Stanley嘅上司及師兄，「同Stanley一齊成長，我哋嘅師父比較錫Stanley，但我係有丁點兒嘅妒忌。」他有感與Stanley合作很好玩、很順暢，「都期待咗好耐，我哋第一次合作係好多年前嘅《大叔的愛》，但好少對手戲，等到咁多年之後嘅今日，雖然我戲份唔係好多，但我主要嘅對手就係Stanley。有幾場戲嘅情緒都有啲起落，同佢之間都有啲緊張、衝突，呢幾日都好緊張，好似好熟悉Stanley呢個人，會擔心做出嚟舒唔舒服。到今日就覺得有火花，係幾好睇，希望大家鍾意。」

雖然角色是一名法官，不過他今次沒有法庭戲，「慶幸喺呢部戲入面冇法庭戲，因為對白會好長，知道之後即刻鬆一口氣。」他對劇本感到驚訝，並透露：「劇本寫咗一宗非禮案，心諗寫到咁拍唔拍到出嚟㗎？」

陳子豐演法官做Stanley上司。

劇中一位精明能幹的年輕律師Mark由朱鑑然飾演，他說：「頭腦轉數快，好鍾意打扮，好注重自己衣著，同劇組Create咗一個好身光頸靚嘅角色。」拍攝煞科戲當天的他有感：「開心嘅時光過得特別快，我係盡咗力去準備Mark呢個角色。我台詞嘅功力或表達一向係比較差，對劇本係真係嚴陣以待， 係咁唸係咁唸，我覺得呢個係上天畀我好大嘅一個挑戰，就知道我係時候再做好啲，亦令我好雀躍，好愛呢個挑戰。我就專攻呢樣嘢，唸到我覺得個台詞令我慣常講嗰句說話，然後發現當Action時就會不經意、好順咁講咗句台詞。」

他大讚今次的劇本：「台詞、劇本係游乃海先生寫，個順暢度、精準度係令我讀一次已經清楚記得，知道晒所有角色嘅功能，同埋同邊個嘅關係，所以我覺得呢個劇本真係寫得非常之犀利。」

Stanley趁轉機位補眠。