許靖韻回歸慘情歌路線 自爆曾通宵求復合：最後都係分手收場

許靖韻（Angela）今日（3月26日）推出今年首支派台作品《連自己都不夠快樂》，再次回歸最拿手的慘情歌路線。新歌由KW朱敏希、Key Ng作曲，張楚翹填詞，黃兆銘編曲，廖志華監製，唱出「討好型人格」在愛情當中的掙扎。歌詞一句「連餐廳也會順你揀 連一把傘也為你撐」，道盡感情世界不斷委屈自己的無奈。

許靖韻推出今年首支派台作品《連自己都不夠快樂》。

唱過無數慘情歌的Angela表示，其實一直都想自己寫歌，「唱過咁多慘情歌，其實一路都想自己作曲，但係填詞我覺得真係好難。」佢坦言作曲方面正努力中，希望今年可以有一首自己寫嘅作品面世：「因為其實對上一次寫嘅歌都係兩年幾前。」

MV圖片

MV圖片

雖然新歌講述為愛討好到失去自我，但Angela坦言現實中的她，在感情上不屬於「討好型人格」：「我覺得愛情、感情係雙方，所以我自己都唔太特別偏好於『討好型人格』。」她更說如果身邊有這類朋友，通常都會勸對方要自愛、對自己好點，「最重要係討好自己。」

MV圖片

MV圖片

講到為另一半可以去到幾盡，Angela自爆年少時曾經試過通宵達旦求復合，「最後係分咗手，哈哈，因為對方唔唔願意嘅話都逼唔到，嘗試過求復合咁就算啦。」隨後，她憶述當年拍拖的青澀往事，「細細個會同對方喺海邊傾偈傾通宵，為咗同對方Spend time，試過坐喺沙灘、海邊睇日出。」

MV圖片

MV圖片

至於今年的計劃，Angela透露希望繼續有時間參與School tour，同時可以推出更多廣東歌，亦想學習新事物，「有啲新嘅嘢想學，希望可以解鎖啲新嘅技能。」《連自己都不夠快樂》歌詞中提到「期望得到寵愛 更自愛 才應該」，Angela用歌曲提醒大家，命中最重要的課題，是要學識不再辛苦自己。

拍攝花絮

觀看相關影片按連結：https://youtu.be/PpK_DX6GwgY

《許靖韻「Glowing」巡迴音樂會廣州站》日前已經順利完成，許靖韻（Angela）繼續保持勁歌熱舞及自彈自唱的高強度演出。今次她專誠請來吳映香及劉人語擔任嘉賓，三人都是八年前參加內地人氣選秀節目《創造101》而認識，更是同一個宿舍的宿友。Angela每次到北京工作，都會找二人食飯聚舊。

許靖韻廣州站演出繼續保持勁歌熱舞。

許靖韻

三位好姊妹於音樂會上組成其中一個環節，一齊跳唱《別人家的小孩》及《Pick Me》，又回憶當年宿舍趣事，整part充滿「101回憶殺」。環節尾聲，三人合唱《逆光》及《仰望星空》，全場歌迷跟着大合唱，場面感動。

今次專誠請來吳映香及劉人語擔任嘉賓。

許靖韻

隨後，Angela於台上分享自己的「神奇事」，每次演唱會她都擔任自己的stylist，為自己準備不同服裝。由於每一次quick change都超時，所以今次她特別要求團隊要綵排換衫。綵排換衫期間，眾人發現其中一套衫拉鏈故障，因為服裝都是按每一part而準備，並沒有後備服裝。正當同事打電話四處找後備服裝時，Angela突然在行李箱中很神奇地拿出另一條裙，連她自己都不知為何出門時會在家中多帶一條裙，就是這條「神秘後備裙」，令到整個演出最終順利完成，認真驚險。

全場大合照