歌手陳曉東今天（3月26日）到新城廣播接受黎莉主持的《勁爆樂勢力》訪問，為即將舉行的《NEON Reflections 30演唱會》及新歌《致我們消失的超能力》宣傳。東東大談與黃偉文（Wyman）久別重逢的合作經過，更透露廣東話歌詞中有一粒音近似粗口諧音，並在黑膠碟版本中出現，成為另類彩蛋。
陳曉東
東東透露今次邀請Wyman為新歌填詞，過程充滿戲劇性：「其實呢首新歌係喺年前，我喺台灣跨年嘅時候發訊息畀Wyman，好想邀請佢。但嗰時佢可能未返嚟，佢有一個Apps嘅訊息唔係經常睇到，到佢返嚟嘅時候就同我講『哎呀，真係唔好意思，依家先睇到你個訊息。其實咁多年，阿東，我好想有機會，好想用心幫你寫一首』，所以2026年我哋把握機會一齊合作。」
陳曉東
東東更爆出一個錄音小插曲，他透露廣東話版歌詞中有一粒音，聽起來與粗口相似：「有一個字，我哋喺黑膠碟度調整咗，調整番另外一個音。」他笑言：「因為好似爆粗咁，依家派台版本我唔知有冇攞錯，總之呢個音，我喺黑膠碟裡面有調整。」這個調整過的「粗口音」版本，將只保留在黑膠唱片中，成為歌迷收藏的一大彩蛋。
陳曉東
詳細節目內容，請重溫3月26日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/
《陳曉東 Neon Reflections 30演唱會》昨晚（6月19日）紅館順利舉行，全場爆滿，有陳浩民蔣麗莎一家、周家怡、馬天佑、張頴康麥雅緻、中年好聲音甘永傑、梁浩賢、陳芷盈、阮偉倫及七師傅等到場支持！而張學友、梁詠琪、張敬軒、方力申及羅志祥等均送上花籃支持。
《陳曉東 Neon Reflections 30演唱會》圓滿舉行。
陳曉東一出場化身星球上的王者，身上有星星光環，貼合主題唱出Neon Regrets開場，之後他換上身裝滿霓虹燈光的長皮褸，露出右邊麒麟臂，兼又唱又跳由《特務》、《心理遊戲》、《結他》和《新歡加精選》等快歌組成的Dance Medley。完成連場勁歌熱舞後，陳曉東再度出場，他搞笑地說：「你哋畀我唞唞氣先，不如呢part淨係傾偈囉？好唔好？哈哈」引來全場歡呼聲。
陳曉東
陳曉東
陳曉東開騷前，早已預告長女芷霖（朵朵）和幼女芷怡（多多）一定會現身支持，想不到兩個愛女不單到場睇騷撐爸爸，還與爸爸合唱歌曲《我願意》，唱畢陳曉東看着囡囡盡顯父愛，還問觀眾：「佢哋唱得好唔好聽呀？」陳曉東又坦言女兒長大得很快，「佢哋真係好厲害，幾歲就上過紅館嘅舞台，不過嗰時佢哋只係有依家一半咁高！」除了邀請囡囡任嘉賓外，他還趁機答謝媽咪（Lily）及太太王妤嫻。
陳曉東
陳曉東
陳曉東
陳曉東邀請了新晉歌手Gordon Flanders出任嘉賓，兩人先合唱《我比誰都清楚》，唱畢兩人傾談時，陳曉東謂很欣賞這個年青人，但笑言想不到Gordon Flanders會認識1998年作品，Gordon Flanders竟然答：「雖然我都係1998年出世，但係我真係有聽過呢首歌，因為好多人攞陳曉東嘅歌去參加比賽。」陳曉東就表示很喜歡跟新一輩歌手合作，欣賞他們有才華又有創意，Gordon Flanders即主動表示可為陳曉東寫歌，之後兩人再合唱Gordon Flanders創作歌曲《冬天一個遊》。
陳曉東
陳曉東
陳曉東邀請了Gordon Flanders出任嘉賓。
演唱會接近尾聲，陳曉東的「火爆黑戰士娃娃」從大螢幕跑出來跟他跳舞，他問大家：「我個仔跳得好唔好？」他又感性表示很感激歌迷多年來支持，「喺籌備呢個30周年演唱會時，遇到唔少困難，但睇到歌迷留言鼓勵，就會重拾信心。」特別是歌迷會的每位成員，「呢個演唱會佢哋真係幫咗我好多，真係好多謝佢哋每一位。」
陳曉東的「火爆黑戰士娃娃」從大螢幕跑出來跟他跳舞。
陳曉東
陳曉東又表示這個演唱會雖然困難重重，但經過大家努力後，最後都能順利舉行，令他感受到四個字，「就係事在人為！」最後全場大合唱《水瓶座》及《劃火柴》兩首經典金曲，為演唱會劃上完美句號。
陳曉東
