等巴士530現金飄落腳邊 港女拾金不昧報警 3個月後無人認領獲意外之財猶豫點處理？

一名港女早前在巴士站等車期間，意外遇到一筆「自來錢」，三張紙幣離奇地飄落到她的腳邊。她秉持拾金不昧的精神，立即將總額530元的現金送到警署。三個月後，這筆款項因無人認領，依法成為她的意外之財，讓她開始為如何處理這筆天降金錢而感到煩惱。有網民則溫和地建議「你收咗佢啦」。

樓主日前在社交平台Threads上載相片發帖。當事人帖文截圖圖片

樓主發帖求意見 分享拾獲過程與兩種處理方式

樓主日前在社交平台Threads上載相片發帖，寫道「集思廣益時間：話說3月前喺巴士站等巴士時，突然有3張紙幣飄到腳邊，拾咗後拎咗去警署報案」。

樓主在等巴士時突有530元飄落腳邊。非涉事巴士站，資料圖片

她續指，「啱啱昨日警署打嚟冇人認領，叫我領取返呢3張紙幣，點樣處理呢筆突然之財好呢？」，並提出兩項常見處理方案：

1) 有人建議全數捐出，因為擔心會承繼前一個人的負面運氣，不宜留在身邊；

2) 有人認為已經經過警署法定程序，錢已合法屬於自己，可以安心留用。

樓主補充，「但呢排生活確有小壓力，要放no pay leave（無薪假），亦有啲代支的錢未回到，點做好呢？」。相片中可見該筆意外之財包括一張500元、一張20元及一張10元紙幣。

樓主發帖求意見，分享拾獲過程與兩種處理方式。當事人帖文截圖圖片

網民多數支持收下使用 視為善有善報

針對這筆意外之財，網民提供多種建議。不少人認為收下是「天意」與「善報」，留言稱「相信你係一個好人，平時做咗好事，上天打救你，你就收咗佢啦」。

更有網民強調「自己用啦！冇問題的」，指出「你既然依咗正常程序交俾警局，啲錢係你㗎啦。你而家拎咗用喺自己身上先，無問題」。

強調合法擁有 無需感到愧疚

網民普遍認為，這筆錢「已經合法擁有，唔好疑心疑鬼，無人認領，就歸拾獲者。你已經做咗好市民，交警署報案，冇人領係失主問題，你唔使覺得愧疚」。考慮到樓主目前的生活壓力，有人建議這筆金額不大，可用來緩解無薪假期間的開支，例如用於購買飯食或交通費用，不必全數捐出，以免加重自身負擔。

部分網民建議捐贈或買六合彩

六合彩。示意圖片

雖然多數意見支持留用，仍有網民建議將錢「捐出去」。也有人提出折衷方案，收下後用部分金額購買六合彩，若中獎再捐出幫助有需要的人，「拿去買六合彩，如果中便拿去做善事喇！也是替自己積德」、「你都做咗應做嘅事，咪捐10%出去囉」。

網民分享個人類似經歷

另有網民分享自身經驗：「咁大個仔執過兩次500蚊，第一次中三嗰年小息喺操場，交咗去校務處，記咗個優點，第二次30幾年前喺灣仔街上面都執到500蚊，交去警署，3個月後變成咗我嘅橫財」、「之前我拾到$60，直接捐了去廟」、「試過拾到$500警署冇人認領捐晒俾深水埗明哥」。

揸車泊車最驚遇上「無品車主」，整日粗魯、不顧旁人感受的大力開車門，一不小心周圍的車輛便被撞凹車門。近日有車主在Threads分享影片，指旁邊一名女子大力打開車門，幸好事主早有防備，在車門加裝「加長型防撞條」，才避過一劫。事主透露，新車入手首周已曾遭撞門，故決定網購防撞條自保。影片曝光引起網民熱議，不少車主紛紛訴苦，分享被撞花車身的慘痛經歷。

threads影片截圖

threads影片截圖

該名車主在Threads分享影片，顯示他將車停泊在停車場期間，旁邊車輛的一名女子用力拉開私家車車門，車門最終猛烈撞擊事主預先安裝的「加長型車門防撞條」上。事主指，若未有加設防撞條，車身當時已出現損傷：「好彩冇偷懶，有啲人開門真係完全唔睇，仲要大大力咁開」。他解釋，因為拿到新車第一個星期，「喺停車場俾人開門撞咗」，才決定網購防撞條防範。

《愛回家》劇照

threads圖片

threads圖片

不少網友見狀留言詢問「防撞神器」產品細節，事主透露自己購買的防撞條屬膠製、並不重，夾在前門30秒內就可裝好，不過這款防撞條只得正中間及頭尾有軟膠，他打算「DIY成條加晒軟墊上去」。他亦分享實測結果，「如果隔籬都係私家車，防前門冇問題，但如果同隔籬部車高度差太多，後門可能擋唔到，但至少應該可以擋到80%以上了」。事主又提到，「我見網上仲有賣1隻叫反殺款，面向外面嗰邊會有條金屬，夠膽撞落嚟就先整花自己部車」。

帖文亦引來不少車主「圍爐」訴苦：「真係唔明啲人，對門開細啲係咪會死？真係要下下都開到咁大？」、「啲阿姐成日都係咁開門都唔會諗吓人哋」、「外出泊車經常遇到啲無品人」、「唉，又諗起我個凹咗嘅車門，痛」、「我試過連續兩次，仲要我喺車入面，即刻落車同佢算帳」。