朱晨麗（Rebecca）再被指撻着前高官葉澍堃兒子葉瀚華（Ian），她為新劇試造型時，再次強調二人只是朋友及伙伴關係，又指緋聞影響到她的真命天子出現：「唔好斷我米路！」
Rebecca今午於將軍澳電視城出席新劇《平安谷．逐個捉》造型活動，她透露在劇中飾演劉江的二太太，要彈琵琶和唱歌。於蘇州出生的她表示自小接觸琵琶：「由細到大都被琵琶薰陶，希望可以彈出韻味。」
提到有報道指她疑與前經濟發展及勞工局局長葉澍堃兒子葉瀚華撻着，她承認二人相識多年，但否認二人拍拖，強調二人只是朋友及伙伴關係：「佢開間餐廳我都有份。雖然好少，但除咗朋友關係，我哋仲係partner。（話你落鋪頭打躉？）都會，我有份嘛。大家落手落腳整好呢件事。（哎吔老闆娘？）我哋有好多股東，年輕仔女都想試吓創業。」
葉澍堃兒子葉瀚華（資料圖片）
Rebecca表示如果緋聞冇傷大雅都可以接受，但想澄清二人是朋友：「唔好斷佢米路，都唔好斷我米路！」她又謂除了工作外亦希望搵到一個適合對象，問到Ian是否適合的結婚對象時，她謂：「如果適合的早已一齊，所以唔好亂咁寫，會影響真命天子嚟搵我。」提到她的畫廊開幕當日，Ian低調撐場，又疑似與男主人身份在場招呼賓客，Rebecca笑言對方當日與朋友正在鑑賞。
