谷婭溦突宣布將暫別《中4》評審工作 出PO親述原因

歌手谷婭溦（Vivian）自擔任《中年好聲音4》評判以來話題不斷，外界對的她評價兩極，亦接連傳出她與另一位美女評判傳內訌、不點名批評某位「大師」借她博取流量等風波，惹出不少是非。不過，谷婭溦日前突然在社交網宣布將暫別《中4》的評審工作，隨即引起網民熱議。

谷婭溦日前突然在社交網宣布將暫別《中4》的評審工作。

谷婭溦透露昨晚（4月5日）「黑白榮耀換位賽」是她擔任《中4》評審的最後一集，其中一位選手的歌完全驚艷到她，令她覺得唱歌永遠都是她的終身事業，「所以，我亦係時候同大家講喇～呢段時間做《中年好聲音4》嘅評審，聽住大家用心唱歌，見證住每一位參賽者為咗夢想堅持，真係覺得好溫暖、好感動，亦都令我更加相信，唱歌呢件事，真係好有力量。」

谷婭溦表示由4月開始，她的工作開始排得密密麻麻，「創作、演出、其他 project 全部一齊嚟，之後嘅時間實在好難安排得兩全其美，所以經過同公司商量之後，我暫時要告別《中年好聲音4》嘅評審席喇。但暫別呢段時間，我都會繼續關注各位參賽者，大家要繼續努力呀。」

谷婭溦IG圖片

雖說要暫別《中4》，但谷婭溦依然繼續為節目宣傳，「各位觀眾，你哋要繼續支持聽晚（昨晚4月5日）嘅『黑白榮耀換位賽』最終回，因為呢集『中4 ACE』正式誕生，亦令中4正式進入白熱化階段呀！！跟住落嚟，中4每一位選手，你哋要繼續放膽唱、盡情發光。之後我都會專心做好自己手上嘅音樂同工作，再用更多作品同大家見面～」

谷婭溦IG圖片

最後，谷婭溦逐一感謝節目夥伴，「當然我都要多謝我嘅同伴們，多謝阿媽每次錄影都會為大家準備好食的飯菜，有阿媽一定唔會餓，多謝肥媽；多謝添sir每次同你討論歌唱教學都覺得好有意義，多謝周sir每次有d唔識嘅歌您都耐心解釋同講解比我，多謝海兒BB每次同你討論關於聲音訓練都覺得音樂真的好神奇，仲有婉婉姐多謝你的鼓勵同支持，你們都是最好的老師們，多謝大家體諒我呢排真係有啲忙，我哋好快會再見，加油！」

谷婭溦IG圖片

歌手谷婭溦昨日（3月17日）到新城廣播接受黎莉主持的《勁爆樂勢力》直播訪問，首次宣傳新歌《今天你瘦了嗎？》。谷婭溦經常被友人稱讚逆齡成長，她對此表示感激，並透露自己對衣著顏色的喜好有所轉變：「其實我有幾年非常唔鍾意著粉紅色，但最近又開始覺得粉紅色好靚。」

谷婭溦接受新城《勁爆樂勢力》主持黎莉訪問。

談到新歌創作靈感，谷婭溦透露是來自一次難忘經歷。她透露去年五月到外地演出時，穿上貼身衣服後，被老闆直指「有點胖」，令她大受打擊。谷婭溦無奈表示：「佢不斷叫我食嘢，但上台又話我肥。」她坦言自己向來愛吃，若非入行，可能已是「肥妹仔」。這次經歷促使她創作一首以減肥為題材的歌曲，希望帶出健康正面的訊息。

谷婭溦強調歌曲並非單純鼓勵瘦身，而是宣揚100個人有100種美的價值觀：「唔係話你肥就唔靚，亦唔係話你瘦就好靚，我希望大家透過減肥呢件事去追求健康，如果自己嘅狀態係健康嘅，無論肥啲或者瘦啲，都可以係靚嘅。」

谷婭溦遭老闆嫌肥。

對於歌曲風格有別於以往的曲風，谷婭溦坦言全因好友、金像影后劉雅瑟的一句話。她分享道：「我哋十幾歲就識，識咗好多年，佢成日同我講，『你係唔係對自己有錯誤嘅認知？你成日喺到扮cool，其實你知唔知道你適合甜美』？」劉雅瑟鼓勵她嘗試將真實的一面展現出來，谷婭溦起初也有猶豫，但最終決定「試一下」，結果創作出這首可愛風格的作品。

新歌MV在深圳拍攝，谷婭溦透露自己堅持以「肥妹」造型貫穿MV，雖然化妝師和導演最初希望她「靚女一點」，但她堅持要玩新意：「我想做一啲唔同嘅嘢，睇到肥妹出現，我覺得幾好玩嘅。」她笑言同事買了四、五套衣服，結果全是同一款式，令她哭笑不得。

促使創作新歌《今天你瘦了嗎？》。

詳細節目內容，請重溫3月17日，中午12:00 – 1:00，新城知訊台《勁爆樂勢力》節目，網址：https://www.metroradio.com.hk/MetroInfo/