宮雪花藝術展露面 當年47歲參選亞姐成傳奇

現年67歲、有「選美傳奇」之稱的宮雪花（花姐），當年參選亞洲小姐一役至今仍被津津樂道。1995年，佢以「47歲」之齡參賽，因當年賽制冇年齡限制，瞬間成為全城焦點，更成功打入五強，話題度爆燈。

宮雪花（花姐）當年以47步高齡參選亞洲小姐

不過正當人氣高企時，佢被揭已婚兼育有一子，最終無緣三甲，敗畀冠軍楊恭如。雖然成績未如理想，但憑住話題性，已經穩坐當屆「最紅佳麗」之位。

事隔多年，宮雪花曾自爆當年其實「報大咗10歲」，目的係製造話題吸引關注。佢更公開身份證證明自己實際年齡，印證當年策略成功，亦令佢成為香港選美史上最具爭議同代表性人物之一。

宮雪花曾自爆當年其實「報大咗10歲」，目的係製造話題吸引關注

近年佢甚少公開露面，生活相當低調。不過日前就突然現身香港一個藝術展，有網民捕獲佢身影並分享到網上。當日佢以一身紅白造型亮相，配搭精緻妝容同紅色髮箍，打扮搶眼之餘亦顯得精神奕奕。

日前罕有現身香港Art Basel藝術展

雖然樣貌略見歲月痕跡，但以67歲狀態嚟講仍然相當不俗，風韻猶存。見到有人拍攝，佢亦大方揮手微笑，仲親切表示「好久不見」，相當有親和力。

見到有人拍攝，佢亦大方揮手微笑

另外，網上亦流傳佢喺澳洲嘅近照，全身粉紅造型少女味十足，身形依然有睇頭。不過亦有網民留意到佢似乎「縮水」咗，懷疑隨年紀增長身高略有變化。

身形依然有體頭

回顧當年參選，宮雪花曾透露壓力極大，因為已婚身份被起底，更一度萌生退意。甚至有人曾開出「100萬現金＋3部電影女主角」利誘佢退賽，但佢最終選擇堅持原則拒絕：「做人要有道德。」

現年46歲的官恩娜（Ella），自結婚後逐步淡出娛樂圈，專心照顧家庭。近日趁復活節假期，一家四口飛到峇里島度假，難得放鬆之餘，更罕有喺社交平台大派福利，晒出多張三點式泳衣照，狀態驚艷網民。

Ella婚後淡出娛樂圈，但仍有更新社交平台與粉絲互動

相中見佢紮起孖辮，造型青春又帶點少女感，配上fit爆身材，纖腰同曲線一覽無遺，完全睇唔出已經係兩孩之母。加上佢分享潛水靚相，喺海底同海龜、魚群暢泳，畫面唯美到似足「真人版美人魚」。

大騷身材

仲紮起孖辮出海

玩潛水

其實官恩娜曾於2014年患上貝爾氏麻痺症，一度出現面癱，當時對佢打擊相當大。幸好之後成功康復，並於2015年與醫生丈夫結婚，展開人生新階段，逐漸淡出幕前，專注家庭生活。

今次旅行亦見到佢生活幸福，老公貼心幫手湊小朋友「一拖二」，再加上保姆協助，令佢可以偷得浮生半日閒，盡情享受陽光與海灘，亦有時間影靚相打卡。

老公貼心幫手湊小朋友「一拖二」

令她有時間影靚相打卡

雖然已離開娛樂圈多年，但人氣依然不減。早前佢分享一段成長回憶影片，勾起大批網民集體回憶，紛紛留言希望佢復出開騷。

對此，官恩娜亦親自回應，感謝大家一直支持，坦言自己有時都會懷念唱歌嘅日子。不過佢表示，人生每個階段都有不同重心，現階段仍希望以家庭為先，暫時未有復出計劃。