清明時節，大批孝子賢孫冒雨前往墳場掃墓。有網民在社交平台分享，日前（4月6日）拜山期間目擊一名中年大嬸，因偷取他人拜祭後留下的生果祭品而被當場揭發。
資料圖片
清潔姐姐跟蹤影相 當場斷正
據該網民描述，當時聽到現場傳來爭執聲，發現一名負責人及一名清潔姐姐捉住一名中年大嬸，不讓她離開。原來該名大嬸自備環保袋，偷取他人祭品，被清潔人員當場斷正。負責人直指其行為屬盜竊，大嬸則辯稱「我唔知㗎，諗住唔好嘥㗎咋。我第一次嚟」。
在場的清潔姐姐隨即反駁：「我跟咗你尾好耐，影曬相。睇你咁熟手一定唔係第一次。」另一名清潔姐姐亦補充，指墳場經常遺失物品，最終責任往往落在清潔人員身上，「都賠咗幾次」。
threads 截圖
負責人請示上司後放生
雖然負責人曾表示要考慮報警，但最終在請示上司後，決定放過該名大嬸。發文的網民事後大讚清潔姐姐醒目，懂得先蒐集證據。他亦感慨指，環保與偷竊是兩回事，不應以此方式處理祭品。
示意圖。AI生成圖片
帖文引來網民熱議，「一直以為啲先人食完再俾啲浪浪食，估唔到有人偷」、「拜完之後自己執返啲祭品啦，食物係畀人食嘅，一係就畀真.老鼠食，唔係畀鬼食嘅 」、「預咗畀露宿者食埋，有時重得滯唔想帶返落去」、「我真係想知道佢食完係咪咩事都冇」、「其實呢啲報警都好難入到？好難搵返受害人出嚟」。
設計圖片
亦有不少人對「墳場老鼠」的存在感到驚訝，有網民就指出，類似偷取祭品甚至破壞墳墓再索償的「墳場老鼠」行為，其實存在已久。
有派遞員將送貨上門服務變成類似打保齡球的動作，連多走兩步都不願意，直接在走廊外以遠距離拋擲方式將包裹扔向單位門口，之後便輕鬆拍照完成交差。這段天眼監控短片近日在網上流傳，引起廣泛討論。
影片記錄重複相同動作
樓主近日在社交平台Threads轉載一段短片。影片分別拍攝於4月5日及4月7日，相信是同一名派遞員，先後穿著白衣與黑衣，在同一單位走廊外做出幾乎完全相同的拋擲動作。他每次都帶助跑借力，以打保齡球般的方式將包裹遠遠拋出，目送包裹滾動到門口後，便從容拍照交差。
他每次都帶助跑借力，以打保齡球般的方式將包裹遠遠拋出。Threads截圖
網民強烈批評不專業
目送包裹滾動到門口後，便從容拍照交差。Threads截圖
許多網民看到影片後紛紛表達不滿，批評該派遞員既不專業又不負責任。有人直言「明明可以好好放低」、「行多幾步都唔願意，不如唔好做」、「做到咁，不如唔好做啦。嫌少錢，大家唔好做，無人接個價自然會正常。你又要做又要掉，唔爭嗰兩步路啦，呢啲人唔好網購嘢，你點對人，人點對你」。
網民分享自身類似遭遇
部分網民分享親身經歷，表示「我都試過，座頭通知有件，叫佢放門口就可以，我當時喺屋内，之後聽到佢好大力掉件貨落地，我即刻開門睇，佢嚇到即刻跑後樓梯走（佢可能以為屋内無人）」。
拋擲精準度意外成焦點
雖然這種做法令人反感，但該派遞員精準的拋擲動作卻意外引起網民關注。有人幽默留言「又幾Ｘ準喎」、「日日練」。
雖然這種做法令人反感，但該派遞員精準的拋擲動作卻意外引起網民關注。Threads截圖
更有網民戲稱「香港保齡球代表啊？」、「佢某程度上嚟講都係一個保齡球手」、「玩開保齡」、「碌齡咁款，又幾準下」，甚至建議「下次擺兩個保齡球樽俾佢玩吓」。
部分網民態度較為開放
也有網民看得較為開明，表示物流過程中難免會有拋擲情況，「你影唔到嗰啲位，佢哋已經掉咗好多次」、「正常呀你啲貨去到邊度都係咁樣」、「其實物流一定係咁做，件貨爛咗最多公司賠錢，但行少一步就自己賺到一步」。
也有網民看得較為開明，表示物流過程中難免會有拋擲情況。Threads截圖
更有網民建議「唔想被人掉你啲咪自取，自己掉點都爽啲」，並表示「所以我唔會揀送貨上門，除非好重又大件」。
