屋企有白事去唔到婚禮就大家都知，不過可唔可以畀人情就似乎有得拗。網上流傳幾張WhatsApp截圖，大致講述事主家有白事，卻遭前女友追討婚禮「人情」，兩人一番唇槍舌戰，事主更嬲到表示要披麻帶孝去前女友婚禮畀人情。
設計圖片
事件男女主角的Whatsapp對話被分享上社交網，隨即引來網民關注。話說事主的前女友就快結婚，派咗帖邀請佢去飲，點知事主屋企突然有白事出席唔到婚禮，女方劈頭就話「人唔到，禮到呀」。
男方原本諗住過數俾女方，但後來屋企人話白事唔封得人情，女方就勁嬲話「如果你係唔想封就算啦！」，男方唔執輸還拖「下次你結婚我實到」，火藥味超濃。
網上圖片
女方話「係人都知收咗帖人唔到，禮都到啦！」男方就反駁佢明知人哋有白事，一句問候都無就叫人俾禮，「你如果唔夠錢埋單咪直接啲講囉」、「封人情要睇交情，我聽日過10.1俾你」、「唔好話我欠咗你呀」。
女方亦批評男方不斷挑釁，咒佢結第二次婚。男方於是就話「你再嘈我當日一定出席你婚禮，到時我披麻帶孝，當面封返吉儀俾你，睇下邊個無面？」
網上圖片
一眾網民食花生，「帶埋班dee打佬伴奏」、「飲宴表演破地獄，出晒位……」。
