傳戀百億富二代後升呢 朱晨麗巴黎大曬名媛生活

現年38歲嘅朱晨麗（朱朱），2011年四料港姐冠軍出身，一向觀眾緣不俗。不過近年劇集產量減少，一度被指在無綫電視（TVB）地位下滑。

朱晨麗為2011年四料港姐冠軍

但自從2023年傳出與百億富二代史昊洺（Kenneth）緋聞後，朱晨麗生活似乎全面升級，不時出入馬場及名媛聚會，早前更獲Louis Vuitton邀請飛往巴黎觀賞時裝騷！

早前獲Louis Vuitton邀請飛往巴黎觀賞時裝騷

近日佢再分享巴黎Vlog，大晒悠閒又高級嘅生活。片中見佢早上戴住太陽眼鏡喺街頭歎咖啡、睇鴿，享受陽光；之後走訪多間名店打卡，又於藝術作品前影靚相，大曬名媛生活。

巴黎享受陽光

攝影工作安排在巴黎高級餐廳進行

造型方面，佢換上黑色西裝同晚裝，高貴得嚟又帶點型格。完成拍攝後，佢更歎香檳、食生蠔，完全進入「名媛生活」節奏。期間仲喺LV門店前大騷美背，同朋友開心合照。

大曬美背

至於感情方面，朱晨麗一直未有正面承認戀情，但曾鬆口指同史昊洺關係「比普通朋友更親近」。而佢多次現身馬場支持對方家族活動，亦被指已逐步融入男方朋友圈。

被指已逐步融入百憶男友朋友圈

38歲的朱晨麗（朱朱）早前被傳懷孕，她日前在社交平台分享近照，身穿貼身低胸針織套裝，大晒纖腰平坦腹部及豐滿上圍，以零贅肉身段粉碎謠言。

朱晨麗IG圖片

朱晨麗IG圖片

朱晨麗IG圖片

感情方面，朱晨麗曾與何廣沛傳6年地下情，2023年告終。早前她出席活動時承認正與一位圈外人士了解中：「雙方互相對大家有好感，但暫時未拖手。」她過去亦曾與百億電子大王劉紀明等傳緋聞，但她早前受訪時強調，自己工作忙得「連拍拖時間都冇」，間接否認與史昊洺的戀情。朱晨麗近日亦忙於宣傳新劇，狀態大勇。