大快活推出全新「食得夠GYM」系列 套票優惠平均唔使1蚊1克蛋白質

健康飲食風氣盛行，連鎖快餐店大快活緊貼潮流，宣佈推出全新「食得夠GYM」系列，成為首間推出「Gym餐」嘅連鎖快餐店。為隆重其事，品牌更邀請到圈中出名自律嘅「Gym界男神」Tyson Yoshi擔任推廣大使，率先試食新餐單。Tyson激讚系列標明蛋白質含量，分店又多，簡直係「Gym友福音」，而套票優惠更令佢大呼係「Gym友恩物」！

香煎雞胸紅米飯套票優惠教學

大快活推出全新食得夠GYM系列海報

全新「食得夠GYM」系列登場

「食得夠GYM」系列以香煎雞胸為皇牌，採用先煎後焗工序，肉質嫩滑多汁。午晚市套餐可以配搭高纖紅米飯、全新枝豆，以及蕃茄烏梅汁或舞茸昆布汁等健康蔬菜醬汁，售價53元起。指定分店更有「香煎三文魚拼雞胸柳紅米飯」及「香煎鯖魚拼雞胸柳紅米飯」選擇。而早市時段就可以35元享用雞胸柳（2件）配阿活脆邊煎雙蛋及英式多士，輕鬆攝取雙重優質蛋白。所有午晚市套餐均附送無糖凍綠茶，顧客亦可以優惠價20元加購雞胸一件。

大快活食得夠GYM系列產品照

套票優惠CP值極高

為方便Gym友以超值價補充蛋白質，大快活特別推出「食得夠GYM」香煎雞胸紅米飯套票優惠。4張套票售188元，額外多送1客雞胸柳（2件），合共提供220克蛋白質；6張套票售279元，額外多送2客雞胸柳，合共342克蛋白質。計落平均唔使1蚊就可以換到1克蛋白質，CP值極高！顧客只需下載大快活APP成為會員即可購買，使用時到分店出示換領券上嘅二維碼即可，更可加錢升級其他魚類拼雞胸套餐。

由即日起至5月4日，大快活將於指定分店推出「食得夠GYM四重賞」活動，送出多款健康美食獎賞。活動包括追蹤官方社交專頁送奶茶券、下載APP成為新會員送雞胸換領券，以及即場購買「食得夠GYM套票」額外多送套餐餐券。最特別係設有「10kg重磅阿活肌力挑戰」，參加者只需雙手舉起公仔、手肘伸直維持20秒，即可贏取免費「香煎雞胸換領券」。

大快活更宣佈將於5月5日擴闊「食得夠GYM」系列餐單，全新產品包括午晚市「香煎牛肉漢堡拼雞胸柳紅米飯」、茶市「自家製雞胸肉腸熱狗」及「活力蛋白拼盤」。屆時早、午、茶、晚市全日均有「Gym餐」選擇，配合唔同訓練時間同口味需要。

Tyson Yoshi 試食大快活全新系列

Tyson Yoshi 展示食得夠GYM系列

擔任推廣大使嘅Tyson Yoshi試食後大讚，指自己外出食飯經常要帶電子磅秤食物，而家大快活標明蛋白質含量，非常方便。佢更特別欣賞套票優惠：「巿面上雞胸普遍唔平，健身成本唔菲。大快活套票優惠簡直佛心，平均唔使1蚊換1克蛋白質，日日食都唔肉痛，尤其適合對健身有興趣嘅年輕人或學生！」Tyson仲話對「10kg重磅阿活肌力挑戰」好有興趣，期待成為「力王」。

加配產品資訊

活力蛋白拼盤

香煎牛肉漢堡拼雞胸柳紅米飯

自家製雞胸肉腸熱狗

香煎雞胸紅米飯

香煎三文魚拼雞胸柳紅米飯

香煎鯖魚拼雞胸柳紅米飯

早市雞胸柳套餐

父親節將至，大快活推出優惠加碼。由即日（15日）起至6月21日，憑「快活關愛長者咭」惠顧即減6蚊。

優惠期為一連7日，全線分店通用，以單一發票計算。優惠不可與其他優惠同時使用，包括阿活爆抵價系列、晚市小菜二人餐及購買零售或烘焙產品。