童年回憶殺！2R姐妹貼頭合照 或預告復出開騷

前女子組合2R雖然已經「解體」19年，但兩姊妹黃婉君同黃婉佩各自發展之餘，感情依然超好，完全冇因為住得遠而感情變淡。

而家Rosanne黃婉君主力於香港照顧家庭，做全職媽媽；Race黃婉佩就移居新加坡，兼顧家庭同事業，做埋生意女強人。雖然生活路線唔同，但兩人關係依然緊密，最近仲罕有合體放閃！

趁妹妹來香港工作，約了好友聚舊

日前Rosanne於社交平台晒出同Race頭貼頭合照，兩人仲一齊抱住同款綠色兔公仔Juju，畫面超有愛。兩姊妹雖然分別已經46歲同43歲，但狀態依然爆fit，皮膚同身材都keep得好好，完全唔似已為人母，網民直呼「逆齡到離譜！」

妹妹Race哂出工作照

逆齡！

Rosanne仲留言：「春天在香港不同的來襲，當我們終於再次聚在一起時........... 和 Juju」，勾起唔少粉絲回憶殺，留言區即刻爆：「童年回憶返晒嚟」、「好想再聽2R唱歌！」

童年回憶返晒嚟

更有粉絲提議搞「Re-U mini concert」，Rosanne竟然親自回應：「May be one day, dear」，粉絲引頸以待！原來兩姊妹最近都把握時間見面，Rosanne仲透露：「妹妹呢兩日嚟香港做嘢，我同佢食梗飯呀。」果然姐妹情深！

兩姊妹感情好好

「一代玉女」陳美齡今年已經70歲，但生活質素依然高到令人驚嘆。近年佢活躍社交平台，經常分享日常點滴，日前更罕有曝光東京4層宮廷式豪宅居所，裝修十分豪華。

70歲的陳美齡仍然保養得宜

相中見到，成間屋走歐洲宮廷風，裝修極度奢華——千呎客廳掛住一盞超巨型水晶吊燈，一開燈即刻閃到爆，氣場十足。屋內仲有象牙白圓柱、古典雕花傢俬，加上米白色雲石地板同厚重窗簾，成個感覺就好似置身歐洲皇宮，貴氣到極點。

大盞水晶燈

成間屋走歐洲宮廷風

古典雕花傢俬

呢間豪宅位於東京涉谷區，足足有4層樓高。據講當年陳美齡為咗方便三個仔讀國際學校，豪擲約4,000萬港元買地起屋，仲由零開始設計。屋入面有7間房，而客廳已經接近1,100呎，極大空間感。屋企內更設有私人升降機，日常出入都好似住緊酒店方便。

足足有4層樓高

客廳已經接近1,100呎

其實陳美齡唔止係歌手咁簡單，佢一直被稱為「最強媽媽」，三個仔全部考入史丹福大學，教育成果極為亮眼。佢曾經分享，成長環境同學習氛圍對小朋友影響好大，而今次豪宅曝光，網民都忍唔住話：「呢種環境，唔讀書都難！」