江嘉敏離巢後全面進化？網民：完全認唔出

31歲前TVB小花江嘉敏去年正式離巢，當時更自爆冇後路都要跳出舒適圈，夠晒勇！離開無綫後反而工作不斷，除咗主持HOY TV節目《好好生活》，仲有機會北上拍劇，發展越嚟越多元。

江嘉敏去年正式離巢TVB

仲有機會北上拍劇

為咗吸納內地粉絲，江嘉敏近排亦積極經營抖音，頻頻拍片同網民互動。點知最新上載嘅手勢舞短片，竟然洗版——因為佢個樣「進化」得太誇張，搞到網民一度認唔出！

最新上載手勢舞短片吸粉

網民話唔認得！

片中見到她着住珍珠白斜肩低胸晚裝，大晒香肩同鎖骨，跟住音樂跳熱門手勢舞，原來係賞心悅目，不過網民反而留意她的樣貌。片中的江嘉敏五

五官超立體

官超立體，輪廓明顯升級，唔少人留言：「呢個真係江嘉敏？」、「完全變咗另一個人！」

之後佢再出第二條片，仲親自解畫，笑言係化妝師幫手將鼻影打到好立體，「鼻子比尺子還要直」，似乎暗示今次「顏值升級」主要靠化妝加持。不過網民就未完全收貨，繼續熱議：「點解變咁多？」、「同以前差好遠」。

笑言係化妝師幫手將鼻影打到好立體，「鼻子比尺子還要直」

網民仍然覺得容貌變化唔單止靠化妝

無綫劇集《非份之罪》正在熱播，有份參演單元《危險遊戲》的江嘉敏（Kaman）雖已經離巢TVB，但依然落力為劇集宣傳，近日她就在社交平台分享感受，除了感謝監製的信，亦感謝劇中演媽媽的前輩羅冠蘭。

《非份之罪》劇照

《非份之罪》劇照

江嘉敏在IG晒出與羅冠蘭的合照及劇照，留言道：「好好感恩今次可以遇見駱曉善呢個角色！」她衷心多謝王心慰監製，願意信任她，將特別又善良的「駱曉善」交給她演繹，這份機會對她來說無比珍貴，亦是演員路上一次超好的歷練。

至於今次拍攝最大收穫，就是有幸同羅冠蘭老師合作。江嘉敏坦言，每次同羅老師對戲都會經歷一場「辛苦」的排練，但這「辛苦」並不是疲累，而是一種太投入的觸動，「每次望住羅老師細膩又有層次嘅眼神，我都會情不自禁代入情緒，次次差啲當場落淚。連導演都笑住叫停我哋：『喂喂喂！大家唔好喊住！留返啲情緒正式拍，唔好浪費！』但呢種情緒根本控制唔到，全因羅老師嘅氣場同演技太有感染力，帶領住我、帶動住成個戲嘅氛圍。每一次對戲、每一次磨合，我都瘋狂吸收、獲益良多，學到好多演戲嘅細膩同溫度。好開心最後呈現出嚟嘅駱曉善，可以得到大家嘅喜歡。」

江嘉敏IG圖片

江嘉敏IG圖片

此外，江嘉敏亦對角色有很深體會，指羅老師飾演的媽媽袁潔清，其實就是千千萬萬普通人的縮影 —— 縱使本性善良，面對委屈與不公平時，心底都會堆滿壓抑，甚至滋生脆弱陰暗的念頭，但可貴的是她能最後守住內心底線，戰勝心中黑暗，令她不禁感慨，「但願呢個世界可以多一點體諒、多一份溫柔同愛。」最後，她又表示，未來希望繼續虛心學習，打磨演技，用心拍更多好劇與好角色來報答支持她的每一位觀眾。

江嘉敏IG圖片

江嘉敏IG圖片