鄭融愛狗如命 曾帶愛犬入錄音室錄歌記下親情

歌手鄭融（Stephanie）日前接受新城廣播主持羅沛琪（Pinky）的《寵愛您》訪問，二人來到一個動物社交禮儀學院，與受過專業訓練的西摩犬及其他狗狗互動。Stephanie在節目中分享了自己多年來飼養狗狗的經歷，更透露曾為愛犬創作歌曲，記錄彼此之間的人犬情。

鄭融接受羅沛琪訪問。

Stephanie人生中飼養的第一隻狗是西施狗，當時是爸爸把狗狗帶回家，「嗰一刻心情超級興奮，因為想養狗養寵物好多年，之前係循序漸進，屋企人會養烏龜、兔仔，之後才養狗，所以超級開心。」

鄭融接受羅沛琪訪問與店內狗狗互動。

鄭融接受羅沛琪訪問與店內狗狗互動。

除了飼養小狗，Stephanie亦曾領養一隻來自澳門的退役格力犬，她形容是一次特別的經歷：「佢之前生活嘅環境、生活習慣，佢嘅性格係點，我都用咗一段時間同佢慢慢相處，呢個過程我覺得好難忘。」她指大狗與小狗的性格很不同，格力犬個性比較獨立，需要有自己的空間，不可以像小狗一樣隨時抱起或撫摸。

Stephanie養了一隻來自澳門的退役格力犬Mack。

鄭融IG圖片

Stephanie還曾與愛犬一同影雜誌相。

愛狗如命的Stephanie，亦曾為愛犬創作歌曲，她憶述：「細個有隻西施狗叫Dodo，每次叫佢都會回應我，當年錄唱片時，監製話有啲創作空間可以畀我，咁我就話不如寫我隻狗，我仲帶咗佢去錄音室，引佢吠，錄低佢吠叫聲。好慶幸出過呢首歌，可以記錄低佢係家庭成員。」

Stephanie亦談到自己的新歌《下不違例》，以及個人在感情上的態度。她形容自己是「理性分析型」，對感情比較克制，「好少會幻想好多，或者呃自己，如果另一半做咗自己接受唔到嘅事，我會畀自己時間思考，若果覺得唔可以，就會清楚知道答案。」她呼籲大家多聽她的新歌，希望歌迷能在歌曲中找到共鳴。

Stephanie近日推出新歌《下不違例》。

詳細節目內容，請留意4月19日，下午1:00 – 1:30，新城知訊台《寵愛您》，網址：https://www.metroradio.com.hk/MetroInfo/

藝人袁文傑日前到新城廣播接受羅沛琪（Pinky）主持的寵物節目《寵愛您》錄音訪問，暢談他與愛貓「卡仔」的相處點滴，並分享其對動物醫療的看法。袁文傑提到「卡仔」的名字，源自他喜愛的英超球隊阿仙奴的年輕球員薩卡（Bukayo Saka），他表示：「啱啱嗰幾年就係薩卡呢個球員成長，佢都係自家培育出嚟嘅球員，所以好有感情。」

袁文傑接受新城廣播《寵愛您》訪問。

袁文傑形容卡仔是一隻非常主動與人溝通的貓咪，與一般認為貓咪獨立的印象不同。他分享每天早上沖咖啡、播音樂時，卡仔都會伏在他旁邊，他更會對著貓咪跳舞，場面溫馨。他又憶述初次接觸卡仔的情景：「有個朋友佢有一隻異國短毛貓，她話送一隻畀你，叫我上佢屋企睇。然後我攞手機去拍，突然拍到有隻貓突個頭出嚟，就係呢下攞咗我命。」

談到過去飼養的貓咪離世時的經歷，袁文傑言談間流露出不滿與傷痛。他憶述愛貓「囝仔」離世前的過程：「我記得囝仔走咗，我預計佢差唔多，因為佢重病，但出現嗰一剎那永遠都係咁突然，佢個貓砂盤我擺咗喺到半年都冇清過。」

袁文傑與主持人羅沛琪（Pinky）

他特別提到對動物醫院處理手法的質疑：「我認為任何醫生都要係心理醫生，你有冇發覺？有時你帶貓貓狗狗去睇病，醫生講咩佢哋唔識聽，最主要係畀主人聽，其實個安慰成分係好大。最後你班醫生既然知道佢（囝仔）半邊身癱咗，你仲話要幫佢開刀，我話唔好。」
袁文傑憶述當時醫生建議再進行磁力共振檢查，但囝仔在接受全身麻醉後未能醒來。他更指出醫生當時「沒有表情」，而主診醫生在他臨走時亦未有慰問。他坦言對此感到極憤怒，並指出過程中亦有自責。他表示花費了大量精神、心血及金錢，最終只希望貓咪能夠好過一點，但認為醫院的做法剝奪了貓咪最後與主人相處的時間。

袁文傑慶幸現時有社交平台讓寵物主人互相支持：「例如有啲貓狗主人，佢哋自己可能都唔開心，自己寵物拜拜咗，放一張相出嚟，我哋留個言安慰，我覺得都係一種支持嘅力量。」

袁文傑

詳細節目內容，請重溫3月29日，下午1:00 – 1:30，新城知訊台《寵愛您》，網址：https://www.metroradio.com.hk/MetroInfo/