無綫熱播新劇《正義女神》近日掀起追看熱潮，劇中飾演感化官的蔣祖曼（Joman）與總監製鍾澍佳（佳哥）近日亮相新城知訊台《開心大派對》，接受薛家燕、范振鋒及思敏訪問，Joman直言與「神級」佘詩曼合作大開眼。
蔣祖曼與鍾澍佳亮相《開心大派對》
蔣祖曼與鍾澍佳亮相《開心大派對》
蔣祖曼、薛家燕、鍾澍佳
蔣祖曼、鍾澍佳
蔣祖曼、鍾澍佳
蔣祖曼
蔣祖曼
Joman指首次參與法庭戲份，所有演員都十分專注投入角色，尤其神級演技派的佘詩曼，形容拍攝現場氣氛：「死氣沉沉！大家好專心進入情緒，唔好意思搞大家。」Joman坦言之前聽人講，佘詩曼好鍾意玩，但在《正義女神》拍攝期間，卻只感受到她嚴謹的一面。直至後來合作《新聞女王》，才見識到佘詩曼「好玩得」的一面，笑指：「佢好似精神分裂咁，玩時好玩得，嚴肅時好嚴肅。」鍾澍佳在旁點頭表示完全認同。
佳哥大讚佘詩曼的工作態度，指她拍攝長時間後，仍會回酒店繼續研讀劇本，並順道提醒旁邊的Joman要向她學習。Joman即笑言「偷師」成功，獲益良多。
至於《正義女神》會否開續集？佳哥坦言正積極部署研究中。薛家燕即場自薦演出搞笑角色，佳哥即興奮回應：「係咪真係邀請到妳架？妳講的！」到時會否考慮邀請家燕姐演法官？佳哥讚家燕姐：「冇一個角色係唔適合做。」家燕姐亦即笑言：「演咩角色都冇所謂，最緊要有角色畀我，最好有訓練班畀我培訓一下演技。」
由無綫與優酷聯合出品，鍾澍佳、關旭總監製，方浤酌／關文深／權香蘭監製，方家逸、潘漫紅、楊雪兒總編劇的律政劇《康業信貸快遞物業貸款呈獻：正義女神》，逢周一至周五晚翡翠台八點半播映，主要演員有佘詩曼、譚耀文、陳煒、周嘉洛、許紹雄、馬貫東、蔣祖曼及戴祖儀，特別演出：文頌嫻。
甜美可愛Joman好Sweet。
昨晚（4月10日）一集《正義女神》亦重點刻劃了蔣祖曼飾演的鄭邵玲感化官。生性溫柔善良又包容的鄭邵玲，對自己跟進的所有少年犯均很有感情，並一心覺得自己有能力幫助所有人改過自新。可惜昨晚一集，鄭邵玲跟進的其中一位少年犯疑因吸毒過量離世，加上邵玲其實早已察覺少年有異樣，只是因一時心軟未有即時處理令對方走上不歸路，邵玲為此大感自責。
對於邵玲經常因自責未能幫到小朋友感到困擾，為人理性的弟弟鄭邵文主動苦勸：「你太感性，呢份工唔啱你」、「唔係個個細路都值得幫」。而在邵玲決定辭職一刻，言惠知（佘詩曼飾）卻著她跟進「校園霸凌案」，而邵玲在跟進期間，對校方的冷漠不公及受害者父母的怕事不盡責大感氣結，亦再次展現了邵玲熱血善良一面…
Joman呢幕演技，獲讚有層次又唔造作。
Joman呢幕演技，獲讚有層次又唔造作。
Joman呢幕演技，獲讚有層次又唔造作。
隨著劇情發展，蔣祖曼Joman在劇中展現的溫柔及甜美亦與日俱增，尤其在第九集收到「吸毒少年」送贈香水版時所展現的「少女心」笑容，以及經常在劇中因開心不經意流露的溫柔，都令網民大為心動兼大嘆有新鮮感。而昨晚Joman接到跟進個案死訊時，震驚又傷心的微表情亦獲得網民高度評價，大讚她靚女又好演技：「啲演技真係勁到癡線，佢接電話個驚訝表情樣同眼神，充滿層次感又毫不造作，去到現場嗰種無法接受個男仔死咗嘅無力感，又係演得一流」、「演技肯定係tvb女星中一流嗰批，又靚女」、「喜歡這種類型的你」、「邵玲和Diana都演得很棒」、「跳出了舒適圈、有突破」、「不一樣的Joman」、「感謝為大家帶來一個溫暖的角色」。
由於《正義女神》劇本將邵玲善良性格的利弊平衡得很好，雖然心地好好、但往往因太感情用事及不夠理智而適得其反，這種不完美反而增加了受眾的代入感，不少網民不諱言在邵玲身上看到自己的影子，亦直認與邵玲一樣感到迷失，當中竟包括蔣祖曼本人：「我自己覺得呢個角色寫得好好，佢善良得嚟有啲濫情，但同時內心又有股脆弱，個劇本真係寫得好仔細好入心」、「呢個角色影響咗我自己好多，其實我拍完時差唔多唔開心咗成半年，因為我感到個角色唔完美嘅地方，我覺得好似我自己，變咗嗰排自我價值有啲低，唔知點樣攞到一個平衡位。」
邵玲角色雖然有時會濫情同唔夠理性，但其實佢都係好有正義感同熱血。
邵玲角色雖然有時會濫情同唔夠理性，但其實佢都係好有正義感同熱血。
Joman續指幸好有佘詩曼、佳導及《新聞女王2》的幫忙，不但成功令她走出低谷，更收獲了成長及更多的快樂：「阿佘現實其實係我嘅感化官嚟，佢成日提我要爽咗先，因為人生好短，唔係叫你唔好諗人哋，有時都要愛錫自己多啲。」、「同埋遇到Diana呢個角色都救番我，佢就係我想成為嘅個種人，所以邵玲同Diana呢兩個角色令我成長咗、亦冇以前咁脆弱，所以真係好幸運。」
