翁虹素顏試鏡片曝光 皮膚滑到似剝殼蛋

57歲前亞姐冠軍翁虹，一直都是娛樂圈「美魔女」代表，她2007年再嫁給商人劉冠廷，育有一女劉蒔（小水晶），而18歲的小水晶更被封為「最美星二代」，靚樣完全遺傳媽咪。

女兒「小水晶」被封為「最美星二代」，

不過講到狀態，翁虹未輸過。最近翁虹於社交平台上載一段素顏試鏡片，零濾鏡、零修圖近鏡拍攝，但皮膚幾乎睇唔到皺紋同斑點，白滑到好似「剝殼雞蛋」，完全係逆齡級別。網民即刻瘋狂留言：「呢個素顏太誇張」、「比30歲仲好」、「根本25歲狀態」。

素顏試鏡片

皮膚白滑到好似「剝殼雞蛋」

狀態好好

身材仍然keep到

除咗樣，身材一樣吸睛。翁虹當日着住一字肩黑色長裙，鎖骨線條明顯，配合S形曲線，舉手投足都充滿自信女人味，性感得嚟又唔俗。

髮型方面更加咗紫色挑染，整體又加多咗幾分少女感，完全唔似50+。

至於感情生活，翁虹亦曾分享同老公「分居3年」，一度嚇親網民。不過原來只係因為女兒去外國讀書，加上老公要處理海外業務，兩人協議分開兩地照顧家庭。她表示，距離並未影響夫妻感情，反而令彼此更懂珍惜，關係依然穩定。

2007年再嫁給商人劉冠廷

由梁思浩、黃紫恩（Jojo）及黃耀英（Darren）主持，TVB Plus（82台）靈異直播一小時節目《直播靈接觸》昨晚（9月8日）率先登場嘉賓是靚足三十年、選美出身「逆齡女神」翁虹。

《直播靈接觸》第三季首集嘉賓翁虹。

《直播靈接觸》第三季首集嘉賓翁虹。

翁虹表示體質較敏感容易招惹靈體，多年前在元朗一間出名猛鬼的荒廢學校拍戲，就有過古怪經歷，她說︰「有晚未到凌晨劇組已經收晒工，第二日再開工時，村民竟然問『你哋噚晚點解拍到咁夜咁嘈』，聽完之後嚇咗一驚。」

翁虹自言體質較敏感容易招惹靈體。

至於另一次靈異事件，連當事人翁虹都是昨晚才知真相。節目中思浩提到25前跟翁虹、肥姐沈殿霞、董驃及彭健新夫婦到加拿大拍攝電視劇，一班人入住當地酒店，他跟翁虹說︰「其實當時成組人都知你撞鬼，不過唔敢話你知。」身旁翁虹有點不敢置信。思浩形容酒店的裝飾時說︰「間酒店似古堡，有好多樓梯同埋走廊好長，房同房之間都有一張人頭相，好似行到邊都望住你咁。」

翁虹得悉25年前撞鬼，表現有點不敢相信。

翁虹得悉25年前撞鬼，表現有點不敢相信。

酒店本身已透出怪異氣氛，不過好戲還在後頭。思浩到翁虹房間找對方，開門所見卻嚇了思浩一跳，他猶有餘悸說︰「本來想同你講我間房有鬼，點知你開門一刻，我見到你身後有一位高外籍男士行過……」當時思浩怕嚇親翁虹沒有說穿，直到25年後才公開事件真相。他笑言當年劇中差不多所有人都撞鬼，肥姐睡覺時整張被被扯走、思浩的鞋被百厭鬼投入幾枚錢幣。

翁虹參加選美出身。

翁虹參加選美出身。

昨晚網民留言踴躍，有網民生日希望收到思浩祝福，最多的是讚翁虹保養得宜︰「翁虹好靚、女神翁虹」、「好靚，好高貴」、「大美人，依然好靚女」、「Keep 得好好呀」、「無乜點變樣」。

黑白無常黃瀅仴、湯之欣跟網民即時互動。

今晚（9月9日）新增環節「師傅上門」首播，打頭陣出場的悟能師傅，他將會為一名疑似拜錯神遭靈體纏身的女士，上門「講數」，過程驚嚇怪異，絕對不容錯過。

今晚悟能師傅上門跟靈體講數。

今晚悟能師傅上門跟靈體講數。