試真D｜曾展望驚揭小菜與垃圾用埋同一部運輸機 朱敏瀚挑戰出名「腐敗酸臭」三水臭屁醋

一共十五集的無綫綜藝節目《試真D》逢星期一至五晚上 10 時 30 分翡翠台播映，節目由江美儀、周嘉洛、朱敏瀚（朱仔）、吳業坤及GM合作擔任主持。

GM對於臭屁醋嘅呢個反應真係好好笑。

朱仔係打足底去嘅。

齋聽Comment，GM已嚇到三魂唔見咗七魄。

GM真係反應彈嚟。

由於本住「試真D」精神的五位主持、自節目開播以來給出大量均真兼有話實說的良心食評，加上由江美儀帶隊的「試伏團」實測方法夠晒專業多元之餘，亦甚有「浸沉式」效果，成功引爆話題之餘，亦獲內地及香港網民熱捧為飲食版《東張西望》。

美儀姐真係一嘢就將啲臭屁醋擺近個鼻嚟聞，真係烈女不怕死。

朱仔被發現口不對心。

三人試食後反應各有不同，美儀姐係有嘢覺得好好味嘅。

佢哋食完之後要噴番香件衫，但聽講最後點噴都係臭。

今晚（4月23日）一集，三位主持將繼續捨身潛入疑似「問題食店」進行地顫式實測，包括被指控「海鮮唔新鮮」兼進食環境欠衛生的蠔店、盛傳食完全身會布滿屎味的三水名物「臭屁醋」，以及食物組合新奇又刺激的奇味壽司店！先說蠔店，三人甫抵達已見到有唔少蒼蠅、加上到處皆是未執拾的碗碟，及有垃圾堆在食桌附近，三位主持馬上放棄室外進食、改為步入店內繼續實測。

今晚一集嘅重頭戲，係佢哋地顫式實測呢間劣評餐廳。

有好多環境Shot

有好多環境Shot

步進店家後，三人即驚揭店員以同一部運輸機、同時運送廚餘／垃圾及新鮮出爐海鮮，嚇到GM連說了三次「好Kick喎」；三人又發現叫價88蚊人仔的店家招牌珍寶蠔、上碟時竟依然識得郁（即係未煮熟），嚇到出名淡定的美儀姐也頓時花容失色宣布「舉白旗」，最終由一度想「逃離食店」的朱仔捨身成仁、自告奮勇鯨吞「半生熟蠔」，到底朱仔食完會點？而除了熟食竟然「生勾勾」，朱仔在四出查探期間還發現阿姐的開蠔過程雖然認真，但其使用配套的衛生程度卻令人咋舌，其中一個步驟更叫美儀姐見到後大叫了三聲「吓！」，想知三人到底經歷了甚麼事，就要密切留意節目。

又專登睇住阿姐點處理隻蒸好嘅蠔。

但驚嚇在隻蒸完一輪嘅蠔仲係生勾勾，嚇到美儀姐舉白旗。

但朱仔為咗節目，都係決定啪入口，真心勁。

佢哋又驚揭店家運垃圾同煮好嘅食物係用埋同一部機。

佢哋又驚揭店家運垃圾同煮好嘅食物係用埋同一部機。

雖然環境咁樣，但美儀姐照貨真價實咁試食，一啲都唔錫身。

有機會令人一試上癮的極臭「臭屁醋」
另三人挑戰以「腐敗酸臭」馳名的「三水臭屁醋」過程也是令人捧腹，由於網民揚言：「食完好似喺屎坑食完飯出嚟咁」、「吃完衣服都不能要了」，朱仔出發前做足準備，除戴上口罩，還塞定兩張紙巾入鼻逼自己閉氣，十分搞笑。至於出名「浮誇」的GM，未步入食店已多次出現作嘔狀態，相當爆笑！而最公道的美儀姐則謂：「戴住口罩都聞到」、「陣味係哽架喎！」而本著求真精神，三人還到了食店的製醋現場進行實測，美儀為了幫觀眾試真D，毋懼惡臭直接將醋筆近鼻子猛索之餘、又即場點了少少放入口，極盡敬業！雖然「臭屁醋」陣味如此難頂，但三位主持依然照食如儀，結果美儀姐一度驚現心心眼表情之餘、朱仔更被爆暴風吸入食物，並狂指經「臭屁醋」煮完的食物會「變異」，並指「臭屁醋」有機會一試上癮，欲知詳情，都係要留意節目。

呢間「奇味壽司店」，好食同唔好食反應可以爭好遠，係咪好好奇呢？

GM被震撼到紅都面晒。

至於奇味壽司店都一樣精彩，三位先後品嚐了柚皮鵝肝、蔥燒黃油花膠、百香果鮑魚（果汁橡皮糖）、豬腦、山楂扣肉、芋泥及蔓越莓開心果牛肉等不同口味壽司，離奇的是，有些款式食到三人連聲讚嘆、美儀姐更一度合十雙手表示感恩；但有些款式卻食到三人懷疑人生，其中GM更因一道「XX壽司」難受到紅都面晒，到底咩壽司咁有威力呢？

一共十五集的無綫綜藝節目《試真 D》，本星期一至五晚上 10 時 30 分翡翠台播出最後五集。昨晚（4月29日）一集，江美儀、朱敏瀚（朱仔）及吳業坤（坤哥），先後走訪了提供超靚兼水蛇春吊龍的潮汕牛肉火鍋、零負評潮汕早市、品嚐價值逾1,000元人民幣的6年獅頭鵝、及挑戰潮汕特色美食—土蝦。

潮式Fine Dining

潮式Fine Dining

坤哥連環失態。

美儀姐笑爆！

潮州名物「土蝦」望落似水泥賣相驚嚇 歎逾千元6年獅頭鵝嘆口感似足花膠
雖然6年獅頭鵝價錢昂貴，但似乎物超所值，皆因三位主持食到表情如癡如醉之餘，有「金舌頭」美譽的美儀姐更是讚不絕口：「癡線！個鵝肝好似食雪糕咁呀，冇筋架」、「滷水好正」、「啲皮好煙韌」；並親自認證鵝頭冠的口感與味道、確實如傳聞所指與花膠無異；至於朱仔，亦大讚「連骨都有味」。至於土蝦的特別之處，是炒出來雖與蝦籽與蟹籽無異，但未落鍋前的顏色與狀態卻相當駭人，望落似足水泥，難怪三位主持自嘲「鬼食泥」。至於食後感，美儀姐與坤哥略有分歧，前者覺得有很濃海鮮味，後者則覺得很腥，好食與否各花入各眼。

熟成刺身

美儀姐試食過程勁認真。

周嘉洛因乜事無啦啦話美儀姐Aging。

朱仔飲油柑汁飲到靈魂出竅。

美儀姐餵食兩位好拍檔，場面溫馨。

朱仔試飲油柑汁爆逗趣表情包
今晚（30日）播出的第14集，美儀姐、朱仔、坤哥及周嘉洛，將分別走訪「揭陽古城」、品評只有4個差評的4.9分「潮式Fine Dining」，以及挑戰不知如何Define生熟的「熟成刺身」。美儀姐、朱仔及坤哥在「揭陽古城」中品嚐了不少潮州地道美食，包括油柑汁及醃製「潮洲三寶」，當中味道出名見仁見智的「油柑汁」，令到朱仔、坤哥及美儀姐反晒白眼，但三人事後仍讚不絕口，到底點解？

過千蚊嘅6年獅頭鵝真係好想試。

呢個土蝦個賣相有啲料到。

坤哥歎Fine Dining忽然大嗌勁經典
對於被指有「年輕人特有邏輯的」的「潮式Fine Dining」，雖然裝修環境一流、飯焦亦極為出色，但「金舌頭」美儀姐卻一嘢食出煙燻雪花牛有「梳打粉味」，味蕾敏感程度十分厲害。三人進餐期間，坤哥連環做出失禮舉動，除竟豪邁地舉碗將靚湯一飲而盡；又忽然大叫侍應調整冷氣，徹底破壞現場的優雅及寧靜氣氛，遭美儀姐無限鄙視兼反眼，十分爆笑。

另「熟成刺身」體驗亦令美儀姐、坤哥、嘉洛仔大開眼界，美儀姐最感困惑的，是刺身如何可以熟的狀態呈現。在品評過中，嘉洛仔再度發揮賣口乖本色，大讚美儀姐「aging得好好」，令美儀姐啼笑皆非。三人品評完一大論後，得出了一套「刺身熟成」心得，就是不是所有刺身都適合熟成。另店主還大方分享了魚肉熟成的完整過程，及如何確保熟成飲食衛生安全。欲知詳情，密切留意今晚一集《試真D》。