試真D｜吳業坤連環失儀遭江美儀無限嫌棄勁爆笑 周嘉洛回歸膽生毛竟以「Aging」形容美儀姐？！

一共十五集的無綫綜藝節目《試真 D》，本星期一至五晚上 10 時 30 分翡翠台播出最後五集。昨晚（4月29日）一集，江美儀、朱敏瀚（朱仔）及吳業坤（坤哥），先後走訪了提供超靚兼水蛇春吊龍的潮汕牛肉火鍋、零負評潮汕早市、品嚐價值逾1,000元人民幣的6年獅頭鵝、及挑戰潮汕特色美食—土蝦。

潮式Fine Dining

潮式Fine Dining

坤哥連環失態。

美儀姐笑爆！

潮州名物「土蝦」望落似水泥賣相驚嚇 歎逾千元6年獅頭鵝嘆口感似足花膠
雖然6年獅頭鵝價錢昂貴，但似乎物超所值，皆因三位主持食到表情如癡如醉之餘，有「金舌頭」美譽的美儀姐更是讚不絕口：「癡線！個鵝肝好似食雪糕咁呀，冇筋架」、「滷水好正」、「啲皮好煙韌」；並親自認證鵝頭冠的口感與味道、確實如傳聞所指與花膠無異；至於朱仔，亦大讚「連骨都有味」。至於土蝦的特別之處，是炒出來雖與蝦籽與蟹籽無異，但未落鍋前的顏色與狀態卻相當駭人，望落似足水泥，難怪三位主持自嘲「鬼食泥」。至於食後感，美儀姐與坤哥略有分歧，前者覺得有很濃海鮮味，後者則覺得很腥，好食與否各花入各眼。

熟成刺身

美儀姐試食過程勁認真。

周嘉洛因乜事無啦啦話美儀姐Aging。

朱仔飲油柑汁飲到靈魂出竅。

美儀姐餵食兩位好拍檔，場面溫馨。

朱仔試飲油柑汁爆逗趣表情包
今晚（30日）播出的第14集，美儀姐、朱仔、坤哥及周嘉洛，將分別走訪「揭陽古城」、品評只有4個差評的4.9分「潮式Fine Dining」，以及挑戰不知如何Define生熟的「熟成刺身」。美儀姐、朱仔及坤哥在「揭陽古城」中品嚐了不少潮州地道美食，包括油柑汁及醃製「潮洲三寶」，當中味道出名見仁見智的「油柑汁」，令到朱仔、坤哥及美儀姐反晒白眼，但三人事後仍讚不絕口，到底點解？

過千蚊嘅6年獅頭鵝真係好想試。

呢個土蝦個賣相有啲料到。

坤哥歎Fine Dining忽然大嗌勁經典
對於被指有「年輕人特有邏輯的」的「潮式Fine Dining」，雖然裝修環境一流、飯焦亦極為出色，但「金舌頭」美儀姐卻一嘢食出煙燻雪花牛有「梳打粉味」，味蕾敏感程度十分厲害。三人進餐期間，坤哥連環做出失禮舉動，除竟豪邁地舉碗將靚湯一飲而盡；又忽然大叫侍應調整冷氣，徹底破壞現場的優雅及寧靜氣氛，遭美儀姐無限鄙視兼反眼，十分爆笑。

另「熟成刺身」體驗亦令美儀姐、坤哥、嘉洛仔大開眼界，美儀姐最感困惑的，是刺身如何可以熟的狀態呈現。在品評過中，嘉洛仔再度發揮賣口乖本色，大讚美儀姐「aging得好好」，令美儀姐啼笑皆非。三人品評完一大論後，得出了一套「刺身熟成」心得，就是不是所有刺身都適合熟成。另店主還大方分享了魚肉熟成的完整過程，及如何確保熟成飲食衛生安全。欲知詳情，密切留意今晚一集《試真D》。

由陳耀全（Andy）監製、黃偉強編審的航空實感專業劇《飛常日誌II》，逢星期一至五晚八點半翡翠台播映。主要演員有馬國明、高海寧、朱敏瀚、洪永城、劉穎鏇、周嘉洛、郭柏妍、戴祖儀、吳偉豪、徐榮、張馳豪、鍾柔美等。

張馳豪啲呆萌樣好可愛。

估唔到佢同Yumi合拍到咁。

昨晚（6月17日）《飛常II》另外三大焦點，還有張馳豪（Aska）的超級麒麟臂、Aska鍾柔美（Yumi）「聲夢１同框神同步」，以及「飛常雙Ca」梁凱晴及倪樂琳的「靚靚」演出。劇情講述程日飛（周嘉洛飾）對Carmen（劉穎鏇飾）一見鍾情，長期進入「癡迷」狀態的他，跟舒恩（Yumi飾）及車成軒（Aska飾）在員工休息室唱K時，亦一副「我為卿狂」神遊狀態，更霸住K房屏幕不讓舒恩及成軒唱歌，令Yumi及Aska相當無奈，二人一個不屑埋怨、一個Keep住呆萌地食雞翼，而且無論苦悶或是睥爆周嘉洛的眼神，都是一等一神同步，展現了《聲夢》同屆畢業生的默契！

這場焦點樣除了嘉洛仔的癡迷樣，還有Aska的超級麒麟臂，即使只係輕輕拎住隻雞翼，也能清楚看到他的驕人曲線。問到望落「飛常大隻」的Aska，拍攝前有否特訓令Body線條更完美，Aska受訪時說：「主要比平時著重多咗健身部份同埋功能性訓練。」

估唔到佢同Yumi合拍到咁。

估唔到佢同Yumi合拍到咁。

另一值得留意的，就是飾演空姐Erica及Jessica的梁凱晴及倪樂琳。在劇中全程擔任「美麗地勤擔當」的梁凱晴與倪樂琳，除經常能與「師姐」劉穎鏇Tiffany（港姐+空姐角色）同場或撐枱腳外，昨晚還遇上旅客惡意施襲事件，發揮機會不少。問到與師姐Tiffany同場是開心還是有壓力，梁凱晴笑言與Tiffany合作感覺輕鬆：「休息同埋等埋位嘅時候，我哋都會成日一齊食嘢、傾偈，又會傾吓想飛邊度去旅行，所以拍嗰陣時，我哋嘅交流會比較自然。」談到首演空姐，梁凱晴笑言第一時間是戒宵夜，並笑言小時候因為覺得空姐制服靚靚，所以曾一度夢想當空姐。

兩位靚女地勤擔當梁凱晴及倪樂琳同「師姐」劉穎鏇有唔少對手戲。

兩位靚女地勤擔當梁凱晴及倪樂琳同「師姐」劉穎鏇有唔少對手戲。

兩位靚女地勤擔當梁凱晴及倪樂琳同「師姐」劉穎鏇有唔少對手戲。

兩位靚女地勤擔當梁凱晴及倪樂琳同「師姐」劉穎鏇有唔少對手戲。

倪樂琳難忘高海寧為一件小事隔足一年仍主動道歉
至於首次拍劇的倪樂琳，接受tvb.com訪問時，坦言拍攝初期感到十分徬徨，並感激對手高海寧及洪永城幫忙：「佢哋都好好人，令我都冇咁驚。」並親爆高海寧其中一件暖心舉動：「我記得我仲係應屆港姐時做過一個訪問，當時主持人即場打畀一個我之前講過好欣賞嘅前輩，佢就係高Ling，當時高Ling做緊嘢好忙冇應到。之後過咗年幾，有一日我哋拍緊嘢休息時，高Ling竟然為呢件事同我道歉。佢話一直都覺得唔好意思，想同我道歉，但其實呢件事已經過咗咁耐，我都差啲唔記得，我冇諗過佢咁上心，又咁照顧我，所以我真係覺得佢好好。」