洪永城快閃回港36小時陪跑 梁諾妍晒合照放閃

洪永城（Tony）最近與黃翠如到歐洲拍攝《走過歷史大地》，完成任務後快閃回港36小時，即被老婆梁諾妍拉着去跑步。梁諾妍邊跑邊拍片，輕鬆鼓勵老公，更晒出合照放閃寫道：「Proud of you！我奉陪！」相反Tony跑到面紅兼喘氣，事後更反白眼笑言得番半條人命。兩夫妻小別勝新婚，互動搞笑又甜蜜，獲網民大讚：「呢種老公邊度搵？」大批粉絲留言讚Tony廿四孝老公，兩人恩愛羨煞旁人。

梁諾妍IG圖片

梁諾妍IG圖片

梁諾妍IG影片截圖

梁諾妍IG影片截圖

梁諾妍IG影片截圖

梁諾妍IG影片截圖

梁諾妍IG影片截圖

梁諾妍IG影片截圖

梁諾妍IG圖片

梁諾妍IG影片截圖

梁諾妍IG影片截圖

梁諾妍IG影片截圖

梁諾妍IG圖片

由「黃金拍檔」洪永城（Tony）和黃翠如（Priscilla）主持，香港電視史上首個融合真人+Ai的旅遊資訊綜藝節目《中國建設銀行(亞洲)呈獻：走過歷史大地》，昨晚（6月15日）首播，並將一連兩星期逢周一至周五晚九點半翡翠台播映。

洪永城係咁撳住購物欲大發作嘅翠如，好好笑。

Tony示範咗咩係開天殺價。

予人感覺「友達以上」的Tony與翠如，相隔七年再度合體、繼續「互窒互寸」，令節目未開播已引發不少關注，兩位主人翁於早前播出的《一周星星》，更要再度澄清關係「純友誼」，不少網民笑言「有一種友誼叫黃翠如洪永城」。節目昨晚（15日）首播，無綫官方社交網、《東張西望》及《娛樂新聞台》先後播出二人的觀後感，談到相隔七年再合作，翠如笑言要熱身，並坦言事前做足功課：「我真係好耐冇開工，我都好緊張，甚至同導演講想睇playback，睇吓我同洪永城一齊嘅節奏或者出嚟嘅火花係點，頭兩日都主要係摸索。我哋唔係專登刻意去嗌交，今次好多時我哋係睇完啲AI片或者之前睇定資料，摸吓大家有咩唔同嘅切入點，度稿時再撞吓咁。（呢啲就係你哋咁多年嘅默契？）係囉，大家睇嘅世界唔同，我哋嘅默契就係好冇默契。」至於Tony，則笑言雖然成日寸黃翠如，但希望出來的效果是窩心：「希望觀眾會覺得得意同搞笑。」

Tony見翠如畀佢激到生蝦咁跳，當堂勁開心。

影張相都可以玩一餐，服咗佢哋。

拜訪「埃及林子祥」品嚐11蚊港元「埃及撈起」
來到今晚（16日）第二集，Tony及翠如將走訪古／今埃及開羅，探討獅身人面像為何「冇咗個鼻」之餘，還會親身體驗木乃伊長達70天的複雜製作過程；其中為了探討獅身人面像冇鼻哥之謎，二人先後穿越到1798、1738及1378年，除親眼「直擊」獅身人面像鼻哥被毁一刻，跟拿著拿破崙蛋糕向拿破崙解釋這款蛋糕的由來。除了穿越，Tony與翠如還走訪了以「埃及林子祥」嘜頭聞名、全世界其中一間最傳奇餐廳品嚐叫價港幣11元only 的「埃及撈起」；開羅埃及博物館，及哈利利市集，大開食界、眼界及買界！二人還會暖心給出「埃及市集購物全攻略」，期間Tony示範如何獅子開大口將10蚊美金殺價殺到1蚊美金，最終竟遭店主指控是「阿里爸爸」（盜賊），令翠如笑破肚皮。

影張相都可以玩一餐，服咗佢哋。

Tony個鼻成為翠如開玩笑焦點。

洪永城不滿「成頭金」 生無可戀勁爆笑
今集，Tony與翠如的互寸位繼續啜核，尤其在哈利利市集，二人繼續「相愛相殺」，爭著為對方挑選「極其唔襯」兼款式誇張的埃及風服飾，當Tony拿起閃片Shocking Pink低胸露腰高衩裙要翠如試穿時，翠如即一面慍怒兼冇佢咁好氣：「幾日之前我已經講咗你一定揀呢個」、「憑你嘅良心再重新揀過！」之後店主幫Tony試穿一件金光閃閃的服飾，眼見被包到「成頭金」的Tony生無可戀，翠如大感興奮，笑住落井下石：「好正呀，你終於有貴氣嘅感覺喇，識咗你咁多年，第一次覺得你都ok吖原來！」還興致勃勃幫Tony講埋價，令Tony沒好氣謂：「你有冇理過我感受架。」

呢間餐廳賣嘅埃及國民美食Koshary，唔單止平，仲包含咗好多材料同文化元素喺入面。

今集AI穿越片段，畫面勁壯麗唯美。

今集AI穿越片段，畫面勁壯麗唯美。

兩位主持齊齊見證埃及送葬文化，近距離接觸逾3,400年歷史木乃伊。

黃翠如幫洪永城影張相都笑料百出
就連影相瑣事，二人也能拿來鬥氣！事緣Tony著翠如在獅身人面像前幫他拍照留念，翠如先是多多要求：「正面唔夠英，側面」，Tony：「有冇型呀？」翠如：「個頭伸前少少」Tony：「擘大唔到隻眼喎，緊唔緊要？」翠如笑回：「呢啲從來都唔緊要。」曲線抨擊Tony「顏值」。而當Tony一本正經講解獅身人面像鼻子被攻擊的歷史傳聞時，翠如不但忍唔住笑，更曲線取笑Tony鼻大：「你好容易成為被攻擊目標」，說畢還要作勢打Tony，相當頑皮。