師傅點算｜事主阿敏家有惡靈驅不走 In師傅揭招鬼原因竟同敏母有關？

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》逢周一晚9點半及周二晚9點35分直播。

（左起）嘉寶師傅、Arthur、In師傅、火火及裸泳師傅。

今晚節目主題「結交靈界好朋友」，求助事主為阿敏。她在節目中透露自有記憶以來，家中出現不少靈異事件，例如瞓覺時經常被鬼磧至不能言語、又會發一些古靈精怪的夢、不斷產生夢中夢瞓極都醒不到。阿敏認為家中靈異事件，是導致父母關係變差的原因，阿敏說︰「中學時期同媽咪關係惡劣，所以18歲去咗澳洲working holiday。期間試過發夢，夢中被警告『會一直監視你』。而阿媽一直十分抗拒搵師傅清理屋企，成日話屋企無問題。」

In師傅幫阿敏視察屋內是可有靈體寄居。

早前趁敏母不在家，通靈師In Lee作實地視察，她指阿敏屋企濕氣重不夠光猛，是靈體最喜歡的陰濕環境。她補充說︰「見到你屋企有靈體，而且有攻擊性。仲比較調皮鍾意整蠱人，令你哋住落會有不安、唔係咁舒服。」In師傅請示神明後，得出的結果頗嚇人，她說︰「屋企確實有古靈精怪嘢，唔普通而且麻煩嘅，係會攻擊人嘅惡靈，難驅嘅原因同媽媽有關。」她解釋箇中原因始於阿敏家人關係差，吸引靈體到訪，加上敏媽在知情下不抗拒，令驅靈更加困難，In師傅無奈說︰「主人都歡迎我，你憑咩趕我走。而且媽媽有輕生念頭，情緒好波動會覺得靈體幫到佢，呢個情況下唔可以強制驅趕。」在連番追問下，阿敏哽咽承認母親有服食安眠藥自殺的過往。在無計可施下In師傅只能為阿敏及屋企做一些保護儀式。

In師傅幫阿敏視察屋內是可有靈體寄居。

In師傅指出驅鬼最大障礙來自敏媽。

此外，三駕道長趙嘉寶教授五招判定是否有靈體在就近，她說︰「去旅行住酒店，如果入到房間感到壓迫感、突然胸悶、頭暈、離開就冇事，間房就好可能有鬼。同埋明明間房無開冷氣，但係去到某啲位特別冷，就有古怪。」她補充忽然間毛管戙、起雞皮；有耳鳴或者聽到耳邊有聲音低語等無法解釋的聲音；又或者覺得被人監視的話，都是有靈體存在的徵兆，而動物對此更特別敏感。

不能驅鬼只能為阿敏做保護儀式。

由「資深廟祝」火火、「實習廟祝」施焯日（Arthur）主持TVB Plus（82台）全新直播互動綜藝節目《師傅點算》，節目逢周一晚9點半及周二晚9點35分直播。

昨晚節目主題是「愛情是否天注定？」。

Kris跟Yuki以情侶身份擔任嘉賓。

昨晚（4月28日）《師傅點算》主題是「愛情是否天注定？」，請來情侶嘉賓林俊其（Kris ）、羅毓儀（Yuki），二人出場時甜蜜拖手。Yuki自爆當初以候補上陣參加《女神配對計劃》，她難掩興奮說︰「本來其中一位女神唔係我，當中經歷一次換人，候補之後先有機會參加。嗰時都出咗好多力去爭取，因為好想拍拖同參加呢個節目。」最後成功配對上Kris。

裸泳師傅用塔羅牌計算本周的六合彩結果。

Kris 跟Yuki 的結合似乎是命中註定，In Lee師傅早前就請示過神明，得知二人的宿世情緣，並製成AI動畫播出。動畫片中男主人翁為孤兒，收留了一只BB狗。可惜好景不常男仔生活拮据，最後忍痛將小狗贈給友人。離開一刻人狗各自許了同一個願望「下世要一起生活」。Kris 跟Yuki看完這段前世故事已眼濕濕，In Lee師傅更哭成淚人。Kris表示第一眼見到Yuki時，已好想保護及令對方開心的使命感。In Lee師傅表示當得悉這段前世緣時，已喊過不知多少遍，她哭着對二人說︰「睇完故事好想送首歌《遇見》畀你哋，因為神明話你哋嘅路好艱難，希望你哋可以改寫今世結局……」最後Kris 跟Yuki要反過來安慰In Lee師傅。塔羅占卜師羅泳嫻（裸泳）亦提到一單前世約定的姻緣，事緣有男女客人因一方患有絕症前來問卜，牌局中發現二人有宿世情緣，她續說︰「原來佢哋上世約定，帶住密碼嚟今世。講返今世佢哋相識嗰日，大家都袋住同一本書，之後就拍拖。原來嗰本書就係佢哋相認嘅密碼。不過今世timing唔啱，要等下世再續緣。」

Yuki以候補身份參加《女神配對計劃》。

In Lee師傅揭Kris跟Yuki宿世情緣。

此外，本周六將開彩的六合彩50周年金多寶，估計頭獎基金為2.28億元。幾位師傅以各自專長提供爭勝貼士，首先裸泳師傅以塔羅起局，預告出當日大利藍顏色及雙數號碼；三駕道長趙嘉寶教投注者宜坐定定買六合彩，如要到實體店購票，最好選一間正動工裝修的投注站，貪其漏財。