SULIS新歌散發「幸運值」戀愛能量：遇到啱嘅人「噗」一聲就冇事

樂隊SULIS近日推出全新派台作品《不幸的我 · 把幸運值點滿遇上你》，淨看歌名已經夠反差：明明話自己不幸，轉頭又可以將幸運值點滿。這次他們繼續用音樂帶大家進入一個「二人宇宙」，聽完包你覺得：有你在，就係樂透。

樂隊SULIS近日推出新歌《不幸的我 · 把幸運值點滿遇上你》。

觀看相關影片按連結：https://youtu.be/VgbpHOigV0E

新歌充滿熱情及活力，節奏彈跳得來又不失浪漫。編曲由SULIS夥拍Adrian Chan聯手操刀，Adrian Chan更兼任監製，歌詞找來薛晉寧。歌詞充滿日常又得意的畫面，如「你若留下加班我就不需放工」、「來日怪物來襲開戰 宇宙戰艦天天探險」等，將戀愛當中那種「有你喺度，世界即刻變好玩」的感覺寫得十分透徹。還有一句：「你是炎夏 我做啤酒」，簡單直接又貼地，完全是港式戀愛的浪漫想像。

主音Jonathan

吉他手Roy

低音吉他手Logout

鼓手Nathan

SULIS成員分享對新歌感受時笑言，「今次首歌係想講，一個人本身可能好黑仔、好多煩惱，但當遇到一個對嘅人，所有不幸就會好似泡泡咁『噗』一聲飛走晒。腦入面淨係得返兩個人嘅宇宙。」他們又謂，十分喜歡最後一句歌詞「即使遠遊 即使扣留 樂透」，「呢句真係講中晒，幸運唔使靠抽獎，只要你喺度就得。」

樂隊SULIS

樂隊SULIS

樂隊SULIS

樂隊SULIS

繼《路人潛能100》大玩動漫風兼誓要開發自我潛能的熱血作品後，樂隊SULIS今次更大膽，直接衝出宇宙談戀愛！新歌《在錯誤的宇宙談戀愛》擺明車馬要同規行矩步的世界對着幹，更大條道理地說「談戀愛不是我們的錯，錯的是這個宇宙」！

新歌概念破格，SULIS指平日我們於朋友、家庭、工作圈子都要「扮乖」，「呢個唔做得、嗰個唔講得，諗下都覺得『犯規』。但係喺錯誤嘅宇宙裏面，就可以盡情做晒所有唔敢做嘅事。」今次繼續原班人馬創作，SULIS自己作曲；填詞找來上次拍檔薛晉寧出手，歌詞趣味十足，引發無限幻想；編曲方面有Supper Moment加持；監製亦找來合作無間的Supper Moment負責，看來這個組合已經找到合作方程式。

歌曲鼓勵大家勇於嘗試，SULIS指假如能夠狠狠錯愛一場，會是多麼的美好、難忘。不過他們強調「在想像中拋開身份和認知」，「即係話大家發下夢就好，千祈唔好亂嚟呀，哈哈。」這次作品延續上首歌曲的風格，但就更大膽探討禁忌之戀帶來的浪漫。SULIS話：「要讓愛超脫一切常理身份認知，聽落好似好深奧，但簡單講就係『愛最大』。