農夫「全香港最好笑嘅演唱會」紅館開鑼 嘉賓麥玲玲Twins張繼聰輪番上陣嗨爆全場！

昨晚（5月8日），紅館化身全港最大型笑聲發電機！農夫二人組陸永與C君挾「全香港最好笑嘅演唱會」之名，以出道廿年搞笑功力，為七千名觀眾帶來一場笑聲不絕、高潮叠起，全晚氣氛由頭帶到尾，全場熱血沸騰，high到炸裂！容祖兒、俞琤、丁子高，Hotchat Crystal、Lolly Talk、JFFT等均有到場支持。

農夫「全香港最好笑嘅演唱會」昨晚開鑼！

容祖兒

俞琤

丁子高

Hotchat Crystal

Lolly Talk

JFFT

演唱會開場，二人「只露個頭」從耕地佈置中現身，已引爆首個笑彈。陸永抵死笑言：「全香港最好笑嘅演唱會呀嘛，最好笑係呢度㗎啦，你哋張飛咁平，我哋個升降台係升到呢度㗎。」C君隨即接力自嘲：「其實係好事嚟，因為我下身唔係好好睇，我老婆都唔睇㗎。」全場爆笑聲未落，二人隨「砰」一聲由升降台飛彈而出，氣氛瞬間被推上第一個高潮。觀眾全體站立，跟著一連串Hip Hop Medley（《同伴》、《冇你就冇我》、《心跳回憶》、《跟隊唔該》、《全民皆估》、《娛樂圈殺人事件》、《韓國勁舞權》、《中佬先係寶》、《Dream Girl》、《難得咁人齊》）由頭唱到尾，紅館即時化身巨型派對。

農夫

農夫

農夫

農夫

農夫

農夫

演唱會重量級嘉賓輪番登場，驚喜一浪接一浪。有農夫就當然少不了麥玲玲！今次他們更請來當今香港Hip Hop界的重量級代表——Novel Fergus及Hip Hop詩人PetPet Shawn，加上玄學天后麥玲玲驚喜化身「Hip Hop Queen」。玲玲大師一升台，全場瞬時進入狂歡狀態，掌聲、歡呼聲、尖叫聲交織成一首「人聲交響樂」，high爆全場！

麥玲玲

麥玲玲

Novel Fergus、PetPet Shawn

麥玲玲、農夫

麥玲玲、農夫、Novel Fergus、PetPet Shawn

麥玲玲、農夫、Novel Fergus、PetPet Shawn

演唱會中段農夫重磅宣布2025 年已成立公司「農作天下」，上演一場七千人參與的「剪綵開將」。C君自豪笑稱：「呢間公司作為行業老字號，早喺2025年已經成立。」陸永加碼爆料：「成立短短九個月，公司佔地幾百呎，已經增設咗電動垃圾桶，佢仲識自己包垃圾㗎！」二人更笑指準備邀請古天樂、梁朝偉、周潤發簽約加盟，C君一本正經表示：「不過仲未去傾過。」全場即時笑到「噴飯」。之後他們更下台帶領全場觀眾齊齊為新公司砌燒豬、剪綵，祝農作天下，風生水起，笑口常開！笑聲、掌聲、歡呼聲震天！

農夫

張繼聰、農夫

張繼聰、農夫

張繼聰

張繼聰、農夫

張繼聰、農夫

緊接開將儀式，「農作天下」宣布，十月會有新搞作，送俾所有結左婚嘅人！由人妻集團呈獻，農夫x張繼聰 「人夫集團」！張繼聰即以「人夫集團」身份驚喜現身，與農夫換上罕見西裝合唱《我連婚都夠膽結》，全場再度點燃高潮，現場熱血沸騰，high到炸裂。

農夫

農夫

未待掌聲停下，唱《學海無涯》時，Twins驚喜竟從舞台升出，與農夫合唱經典金曲《士多啤梨蘋果橙》，觀眾情緒瞬間「進入大癲」！陸永向剛新婚的阿Sa連聲恭喜，阿Sa笑住回應：「多謝多謝....我哋頭先喺台下面睇好high呀，好好笑！」C君即笑言：「話咗你哋fan meeting搵我做MC，你要還㗎啦！」阿Sa打趣道：「估唔到咁快要還嘛！」全場笑聲不絕。二人又大讚阿嬌專程飛返香港撐場極有義氣，C君更搞笑補刀：「你知唔知，我幾多朋友知我哋開紅館特登走呀，重係移民嗰種！」最後Twins衷心祝福：「農夫好嘢，繼續支持佢哋。」

Twins、農夫

Twins、農夫

Twins、農夫

演唱會在全場大合唱《舉高隻手》中圓滿落幕，整晚笑聲、掌聲、歌聲響徹紅館。由《富甲天下》、《粒粒皆辛苦》、《重新找到你》到《地獄見》、《日出而作》等合共30首經典作品，農夫用行動證明「全香港最好笑」既笑得瘋狂、玩得盡興，更真心滿載。

農夫

農夫

香港最搞笑嘻哈組合農夫（FAMA）將於7月18日過大海，在澳門威尼斯人綜藝館舉行《農夫全香港最好笑嘅演唱會》澳門站，票價「勁加8蚊」早已引來全城笑談。然而，演唱會未開，竟然先引來「騙徒」出手？

《農夫全香港最好笑嘅演唱會》澳門站門票明日（6月5日）公開發售！

有人自稱陳淑蘭助理，搵主辦單位：「我係蘭子陳淑蘭小姐助手 XXX，想問吓你如果蘭子過嚟澳門睇農夫演唱會，會唔會有兩張門票留到俾我哋呢？」主辦單位為免怠慢起見，直接向蘭子本人查證——結果發現蘭子沒有這位助手，完全不知情，亦從未叫任何人去搵飛！

蘭子更親自回覆：「好嬲好嬲非常嬲！主辦單位嚟問我，仲同我講佢仲要唔係第一次用我個名騙人！話舊年已經用我個名去訂其他歌手演唱會飛！當時大家不虞有詐，但今次因為係過澳門睇騷，大會覺得有奇怪，點解香港紅館嗰陣唔嚟，於是搵人打嚟問下我，佢就穿煲啦！我真係好蠢喎，我從來未問過人攞演唱會貴賓免費飛喎，從來任何演唱會我都係自己俾錢買！農夫我都好鍾意呀，但係如果我真係有時間，我會自己買飛去睇，唔會煩人囉。今日主辦方好好，佢哋都問過我介唔介意公開呢件事，我覺得真係要公開喎，我諗緊係咪要報警備案，同埋我建議公開嗰個人電話號碼、個名等等，免再有人受害。」

農夫

農夫得知事件後笑言：「嘩，咁都有？我哋嘅騷好睇到要出動『騙徒』嚟呃飛？主辦同我哋講，成日都有好多白撞嘅，試過用陳寶珠、梁家輝、郭可盈等等名字嚟攞飛買飛……添。不過唔緊要，我哋建議大家唔好搵人扮助理，直接6月5日中午12點上金光票務買，保證真飛，仲可以加8蚊感受我哋嘅『大幅加價』誠意。」農夫再補多句：「如果有人話係我哋助理，你叫佢背一次《舉高隻手》嘅歌詞再即刻報警啦。」

農夫

主辦單位負責人表示，各位觀眾，農夫澳門站門票僅以下列兩個途徑公開發售，絕無任何「藝人親友飛」經第三方兜售：

優先發售（已結束）：6月3日 Klook 獨家套票
公開發售：6月5日（星期五）中午12時，金光票務正式開賣

《FWD富衛保險呈獻農夫全香港最好笑嘅演唱會澳門站》澳門站詳情：

日期：2026年7月18日（星期六）
時間：晚上8時
地點：澳門威尼斯人綜藝館
票價：MOP/HKD 788 / 588 / 388
公開發售提醒：6月5日（明日）中午12時，金光票務 正式公開發售。

農夫