盧慧敏首張EP音樂會似辦婚禮 以黑色隱藏彩色系列作品寓意Amy不同面向

由天橋行到上舞台，初登樂壇的盧慧敏Amy Lo成績非常亮麗，在四大樂壇頒獎禮上捧走兩金兩銀女新人獎項，早前推出首張EP 《Unveilings》，並於中環Soho House舉行album launch party。梁禮彥導演、許恩怡Natalie、林熙彤Hazel、陳健安、梁釗峰和藍奕持Lester等捧場。Amy坦言看著台下的親友和Fans，感覺像與音樂舉行了一場婚禮。

Amy Lo早前推出首張EP 《Unveilings》，並於中環Soho House舉行album launch party。

梁禮彥導演

藍奕持Lester

梁釗峰

陳健安

許恩怡Natalie、林熙彤Hazel

音樂會開始，Amy以《白牆》打頭陣，從樓下一步一步踏上樓梯，邊唱邊行到以不同燈飾布置的舞台，之後還演唱《藍染》、《綠縈》、《黑繩》、《Red Fleg》和《粉月》等新碟內作品，以及2首cover歌曲，觀眾反應熱烈。完騷後，Amy情緒仍然高漲：「心情好複雜，推出第一隻EP同埋第一場個人音樂會，呢個情感真係好濃郁，我仲消化緊。喺台上見到好多面孔，由我開始做Model，每日陪我跑10個試鏡嘅同事，亦有以前嘅朋友，好開心！」

盧慧敏Amy Lo

盧慧敏Amy Lo

「我家族唔算大，好多親戚都有嚟，媽咪喺哥斯達黎加嚟唔到，但好多熟朋友，同埋由細睇到我大嘅Auntie都嚟咗，好似婚禮，我搞咗第一個我同音樂嘅婚禮！」音樂會台下大叫「Te amo」，西班牙文「我愛你」，Amy說：「好神奇，我第一次台上講『Te amo 』係今年叱咤頒獎禮，佢哋今晚好似回應返我嘅說話。」她坦言在台上回頭看到音樂監製Mike Orange時，眼淚幾乎失守：「望到佢嗰1秒好似跑馬燈咁，由第一次錄《粉月》，呢一年嘅經歷爆晒出嚟，然後我迫自己忍住，收返啲情緒先。」

盧慧敏Amy Lo

盧慧敏Amy Lo

Amy表示「唔夠喉」，「綵排未感受到個力量，當真正上到台專心唱嘅時候，就好似有人打咗一支好強嘅針，有源源不絕嘅力量，好想不停唱。」問她想在更大舞台開個人演唱會嗎？Amy瞪大眼睛，笑說：「請放大我嘅眼神，哈哈！其實我好想，但我亦都好珍惜碎步嘅福氣，我覺得經歷係一步一步累積，想慢慢收集養份。我唔係幾適合一步登天嘅運氣，碎步可以體驗同埋經歷多啲，學到更多，用時間浸出嚟。」

盧慧敏Amy Lo

盧慧敏Amy Lo

Amy與樂隊

全場大合照

首張EP《Unveilings》收錄了一系列以顏色為主題的歌曲，但封面卻以黑色和刻意拍得朦朧，Amy解釋：「每個人有好多面向，未必係一眼就望到，其實黑色入面可以有好多顏色，人可以有好多面向、心情、情緒、經歷。呢張唱片用黑色，亦都真係我最鍾意嘅顏色，去包住入面好多唔同嘅Amy。刻意選擇唔係好清楚地呈現，正如剛才所講，未必用肉眼睇嘅就係最清楚，可能唔清楚先至係嗰樣嘢嘅本質，反而好明確地刻劃嗰樣嘢嘅輪廓，冇乜質地。今次我哋會玩一啲比較唔係好清楚嘅嘢，多少少流動性，望住隻碟都覺得佢好似郁動緊。」

EP封面拍攝花絮

EP封面拍攝花絮

EP封面拍攝花絮

Amy第一張唱片會送給媽咪，「我最想送第一張唱片俾媽咪，雖然佢應該唔係好知啲歌講乜，但我會盡努力翻譯俾佢聽。」

EP封面拍攝花絮

EP封面拍攝花絮

EP封面拍攝花絮

EP封面拍攝花絮

文化藝術生活平台【電笠】第四季《人人和音 School Tour》最終回，邀得盧慧敏（Amy Lo）及藍奕持（Lester）齊齊到訪拔萃男書院，分享他們的兒時夢想，兩人不約而同鼓勵同學們趁年輕多作嘗試，發掘自己真正的夢想。

文化平台【電笠】第四季《人人和音 School Tour》最終回邀得盧慧敏（Amy）及藍奕持（Lester）到訪拔萃男書院。

盧慧敏（Amy）兒時的夢想職業是獸醫，大會剛巧邀得現職獸醫的Dr. Angel Ngo到場分享，她表現相當興奮：「我知道有Angel嚟嗰陣，真係想衝返落台慢慢聽，因為我覺得獸醫係真正Hero。細個嗰陣想讀獸醫，係好天真咁以為唔使對住人，淨係對住啲動物，聽完Angel分享，發現獸醫其實都成日同人接觸，呢個夢想破滅咗，哈。不過，最深刻係佢散發出嚟嘅感覺，佢好平靜，頭先再同Angel傾偈，聽到好多做獸醫嘅辛酸位，因為都係同生死有關。」

雖然Amy最終成為歌手及演員，但她認為自己同樣是影響生命，亦很享受藝人的工作：「面對批評，我覺得最大嘅批評聲音都係自己，有時會因為有一粒音唱得唔好，返去諗成晚。呢個有好有唔好，因為自己批評自問可以好Harsh，但係我希望每個人都有呢樣嘢，呢個係對自己負責任嘅基本。」面對壓力，Amy指每個人充電的方式都不一樣：「我有時係瞓覺，有時係做運動，發洩晒啲嘢出嚟，我好鐘意嗰種虐待完自己肌肉嘅快感。」

Amy以溺水比喻追夢，指夢想須用盡力氣掙扎。

她又分享運動是減壓良方：「享受虐待完肌肉嘅快感。」

很多人會擔心夢想不能當飯吃，Amy直言：「係冇得當飯食，夢想就好似有人撳你個頭落水，你要用盡全力氣力掙扎、想唞氣，如果你嘅夢想同你想掙扎上返水面呼吸咁用力，嗰樣就係你真正想做嘅。」

Lester首次踏足香港校園感新奇，鼓勵同學趁年輕多嘗試，只要夠鍾意自然抽到時間去做。

自小夢想當電台DJ的藍奕持（Lester），選擇以唱作人身份加入樂壇：「我覺得都係同音樂有關嘅嘢，做唱作人就係分享自己嘅故事畀大家，有時寫歌啲靈感會Kick住，我就諗返自己嘅初心。即使出嚟冇預期中嘅反應，我會同自己講，我控制唔到好多因素，但係我推出嘅作品，就係我覺得佢值得被看見，所以唔好太在乎其他嘢。」他表示忙與追夢無關，只是優先次序：「你夠鍾意就自然抽到時間去做。」在馬來西亞長大的Lester，更是首次踏進香港中學校園：「見到大家都有啲緊張，我都係，仲有啲怕醜，但係頭先都諗起好多自己讀書嘅嘢。」

兩人台下與師生互動，場面輕鬆愉快。

兩人除了在台上分享，亦不忘到台下與師生們近距離接觸，Lester更邀請同學們齊齊跳舞，現場氣氛輕鬆又愉快。第四季《人人和音 School Tour》圓滿結束，感謝過去23個不同的音樂單位，親身走訪校園，宣揚追逐夢想的心法。