現年31歲的TVB小生林正峰近年可謂真正「苦盡甘來」！入行初期，他曾自爆為咗養家兼幫補家計，最高紀錄試過同時打五份工，甚至等到菜檔收舖前去執4蚊菜心，生活極度慳儉。不過憑住努力，近年終於成功彈起，尤其在台慶劇《新聞女王》飾演暖男「王偉」後人氣急升，仲成功殺入內地市場，成為近年北上最成功TVB小生之一！
除咗拍劇機會接不停，林正峰更正式進軍電影圈擔正男主角，喺短劇市場亦極受歡迎，被封為新一代「打工皇帝」。日前他現身上海一間玩具店擔任一日店長，即場吸引大批粉絲朝聖，場面墟冚！
點擊看圖輯
林正峰正式進軍電影圈擔正男主角
北上劇接劇
日前到上海做一日店長
大批粉絲現場支持
工作人員幫忙開路
任影唔嬲
更拎起粉紅色激光劍擺Pose任影
唔少現場粉絲睇完真人即時淪陷
終於捱出頭
林正峰正式進軍電影圈擔正男主角
北上劇接劇
有網民在社交平台分享「野生捕獲」林正峰嘅影片，並留言激讚：「你別說，真的很帥耶！」片中可見他以全黑西裝造型現身，配搭黑色寬鬆長褲，身形明顯比以前更健碩挺拔，型格爆燈。
日前到上海做一日店長
大批粉絲現場支持
最誇張係，林正峰身邊竟有3至4位黑西裝保鑣貼身護航，加埋工作人員沿途「開路」，排場十足，星味濃到爆！唔少路人見到都即刻舉機狂影，場面相當墟冚。
工作人員幫忙開路
雖然人氣高企，但林正峰依然非常親民，面對粉絲全程保持笑容，仲主動同大家互動兼大合照。期間他更拎起粉紅色激光劍擺Pose任影，完全冇偶像包袱。
任影唔嬲
更拎起粉紅色激光劍擺Pose任影
其實林正峰早前已曾因外貌撞樣內地頂流王鶴棣而引發熱議。今次在生圖鏡頭下，他五官輪廓更加立體深邃，加上皮膚狀態極佳，再配合韓系髮型，完全擺脫昔日「宅男味」，男神感暴升！
唔少現場粉絲睇完真人即時淪陷，大讚：「圖像完全無法還原氣質」、「比電視仲要帥」、「真人太誇張」、「帥到睇呆咗」，甚至有人激動留言：「帥到慘絕人寰！」
唔少現場粉絲睇完真人即時淪陷
近年林正峰在內地發展愈做愈順，拍劇機會一套接一套。早前他接受訪問時坦言，成功關鍵係積極經營社交平台，令觀眾睇到最真實嘅自己：「有咗流量之後，就開始有唔同機會搵上門。」
他更透露現時拍短劇收入相當唔錯，以日薪計算，「有啲四位數，有啲五位數一日」，超時仲有額外加錢。據悉，部分人氣短劇演員更可日賺3至5萬人民幣，吸金力相當驚人！
終於捱出頭
