張天賦（MC）將於7月舉行紅館演唱會《張天賦 E=MC² 演唱會 2026》，今日（5月12日）優先訂票反應熱烈，四場門票火速售罄。華納唱片隨即宣布終極加開7月11日第五場，中銀信用卡客戶可於5月14日優先購票。為確保歌迷公平買飛，公開發售將採用登記抽籤方式，毋須搶先登記，中籤者5月27日購票。
張天賦（MC）紅館演唱會優先訂票火速售罄，主辦宣布終極加開7月11日第五場。
MC收到加場消息後非常開心，笑言最近為演唱會努力操練，已很久沒吃飯，決定獎勵自己「嚟一份叉鵝飯」：「一餐咁多啦，獎勵下自己先！然後再繼續努力！」對於首次採用抽籤售票，MC表示贊成：「希望多啲人抽到，大家唔使再好似上次咁又話要食炒價飛。」他笑言連日來收到不少朋友查詢買飛，自己都無飛可讓，呼籲家人一同登記碰運氣。
點擊看圖輯
張天賦（MC）紅館演唱會優先訂票火速售罄，主辦宣布終極加開7月11日第五場。
公開發售將採用登記抽籤方式，中籤者5月27日購票。
MC收到加場消息後笑言決定獎勵一下自己，來一份叉鵝飯作慶祝。
公開發售將採用登記抽籤方式，中籤者5月27日購票。
MC收到加場消息後笑言決定獎勵一下自己，來一份叉鵝飯作慶祝。
FWD 富衛保險呈獻《張天賦 E=MC² 演唱會 2026》
購票資訊 :
5月14日（早上10:00-20:00） 中銀信用卡優先購票
網上登記抽籤（只限網站https://www.urbtix.hk)
2026年5月14日（星期四）上午10時開始 至 2026年5月15日（星期五）晚上8時截止。
登記抽籤人士必須於截止時間前完成整個登記流程。
每位成功登記抽籤人士將收到附有「登記參考編號」的確認電郵。
所有於登記時段內成功提交登記人士的中籤機會均等，毋須搶先登記。
中籤結果公佈
2026年5月22日（星期五）
成功登記抽籤人士可於城市售票網中籤結果專頁中輸入其「登記參考編號」查詢中籤與否，而每位中籤人士亦將收到個別通知。
中籤人士購票時段
2026年5月27日（星期三）上午10時至晚上8時
只限中籤人士按是次抽籤公開發售的規定和條款購買門票。
中籤人士必須以登記抽籤時提供的同一張信用卡及其他資料
完成交易，不得修改。每人限購最多兩張門票，並會實施「延後取票」方案。
《張天賦 E=MC² 演唱會 2026》
叱咤903主辦《b.balance 呈獻 拉闊音樂會|<3 少於三|MC 張天賦 x CONSTANCE x Gareth.T》將於5月16日(星期六)晚上7時於亞洲國際博覽館 ARENA 盛大舉行。「<3」是網絡語言中象徵心形的符號，亦寓意三位新世代音樂人同屬三十歲以下的共通特質。MC張天賦、CONSTANCE康堤及Gareth.T首度攜手合作，以情歌作為主軸，結合三人獨特的音樂風格，演繹暗戀、單戀、相戀、失戀的「situationship」(狀態戀情)，呈現Gen Z世代的愛情觀與情感狀態，打造2026年首場拉闊音樂會。
由叱咤903主辦的《拉闊音樂會｜<3少於三》將於5月16日在亞博舉行，MC張天賦、陳康堤（CONSTANCE）及湯令山（Gareth.T）首度攜手合作。
三位歌手公開拉闊新造型，全新宣傳照同步曝光。今次三人換上另一套型格裝束，走進華麗的紅色背景之中，濃烈色調配合俐落線條，整體氛圍猶如「心跳加速」的戀愛開場——既浪漫又帶點危險的吸引力，預告將帶觀眾踏上一場Gen Z世代的愛情冒險。
音樂會以情歌為主軸，演繹暗戀、失戀等「situationship」狀態，呈現Gen Z世代愛情觀。
「<3 少於三愛情研究所」上線 三位歌手拆解愛情 Red Flag
MC張天賦、CONSTANCE康堤及Gareth.T率先在「<3 少於三愛情研究所」展開兩性關係討論，聚焦Gen Z世代戀愛中最常見以及討論度極高的「Red Flag 行為」，例如:「經常 Ghost」(習慣 性不回覆信息)、「約會時一直睇手機」等。三人輪流拋出觀點、金句連發，各自分享在愛情中的「底線」。
談到能否接受「Social media有前度嘅相」，三人一致表示能夠接受。MC認為「留低冇問題」， 並表示能接納對方的過去:「因為我鍾意嘅係而家嘅佢，而家嘅佢係咩呢?必須有過去嘅Ex，先可以成就到而家嘅佢，所以有佢(Ex)嘅相係冇問題。」Gareth.T聽完二人的回應後淡淡然表示:「睇嚟你兩個都係『Red Flag』。」MC 定格兩秒後隨即「回敬」:「Shut Up!」
MC自認大男人不接受AA制。
Gareth.T笑言：「我淨係需要知道佢個心喺邊度。」
至於「拍緊拖但同其他異性單獨出街」是否屬於「Red Flag行為」，MC與CONSTANCE則有不同意見。CONSTANCE表示可以接受後，MC追問:「如果佢同咗一個你好唔鍾意嘅女仔出街?」CONSTANCE 堅定回應:「我有信心。」MC再補充解釋:「但呢個唔係你有冇信心嘅問題，而係佢loy唔loyal嘅問題。」而CONSTANCE則再次重申:「我有信心佢Loyal。我有信心佢對我Loyal。」面對CONSTANCE百分百信任的態度，MC只好擺出無奈接受的表情。
談到「要求對方時刻報備」這一類控制欲行為，三人一致認為屬於明顯「Red Flag」。CONSTANCE表示:「我覺得有個trust就ok，你都選擇去相信嗰個人，你同嗰個人喺一個relationship就應該唔使(報備)。」Gareth.T則一句總結:「我淨係需要知道佢個心喺邊度。」MC表示欽佩。
康堤則表示信任伴侶最重要。
而對於能否接受「約會要求 AA制」，Gareth.T則與另外兩位歌手看法不同:「我識親啲女仔都話同我spilt返，咁佢咁想同我spilt咪spilt。我會話『欸，唔使喇。』，但係如果食飯係佢畀嘅話，咁搭車就我畀囉。我哋而家要equal㗎嘛，即係男女平等。」MC直言:「我係唔可以AA制嘅，因為我係大男人嚟嘅。女仔如果希望同你AA制，通常係要劃清界線。我哋等唯一嘅女仔解答吓，你覺得係咪有呢個諗法先?」CONSTANCE以女性角度回應並坦言:「我覺得AA制係朋友，即係more like朋友。」Gareth.T 聽後沉思數秒，隨即露出「如夢初醒」的反應。
三人大談「愛情Red Flag」。
有關拉闊音樂會詳情，敬請密切留意叱咤903電台宣傳廣播、商業電台網站www.881903.com、 my903.com、「my903.com 商業電台」Facebook及「cr881903」Instagram之最新消息。
叱咤903主辦
《b.balance 呈獻 拉闊音樂會|<3 少於三|MC 張天賦 x CONSTANCE x Gareth.T》
日期:2026年5月16日(星期六)
時間:晚上7時
地點:亞洲國際博覽館ARENA
