ViuTV節目《百日女團》大談徐㴓喬（Asha）和沈殷怡（Shirley）組女團PAWS的辛酸，二人亦於IG大派福利，跟粉絲分享多張靚相。模特兒出身的Asha曾以多種方式減肥，並以過來人身份給予大家建議及提醒，又分享心目中的美。
徐㴓喬（Asha）
曾當雜誌模特兒
近日播出的《百日女團》提到Asha和Shirley的體重、肌肉量、脂肪比例、身體年齡的轉變，Asha於三個月內脂肪比例少了3.1%、身體年齡年輕了7歲，令她喜出望外。Asha笑言曾以「多到唔係好記得」的方式減肥，她說：「試過做gym跟PT，試過上跳舞班，試過唔同類型嘅節食，試過食酵素，試過做機（熱能+冷凍溶脂都試過）。」她覺得最有效果的是調教自己的飲食，「一旦開始放肆無顧慮地食澱粉質一、兩個禮拜，著返平時着開嘅牛仔褲就會感受到自己嘅唔自律。」她透露最近參加了游泳班，希望可以控制體重及增肌練Cardio。
點擊看圖輯
徐㴓喬（Asha）
曾當雜誌模特兒
Asha@PAWS
徐㴓喬（Asha）和沈殷怡（Shirley）組女團PAWS
徐㴓喬（Asha）和沈殷怡（Shirley）組女團PAWS
Asha@PAWS
徐㴓喬（Asha）和沈殷怡（Shirley）組女團PAWS
徐㴓喬（Asha）和沈殷怡（Shirley）組女團PAWS
眾多減肥方式中，Asha最不建議打針、食藥減肥，「以前仲係模特兒時，模特兒公司有客人投訴我嘅下半身大咗，所以公司即刻叫我睇醫生拎減肥藥，對我身體心理情緒好大負面影響，我曾經考慮自己究竟適唔適合做嗰行、食減肥藥副作用會抑鬱、心跳加速、手腳震。」作為模特兒和幕前藝人，她早已預料自己的樣貌和身體會被人批評及比較，「我做咗咁多年好努力訓練自己嘅腦袋唔好畀呢啲聲音影響。我想有幾firm幾fit幾瘦都係我自己定義，過到自己個關就夠。」
她會視乎情況而決定會否以素顏示人，「如果係去旅行，或者見好熟悉嘅朋友，全素顏影相都冇乜所謂。工作嘅話就睇情況，好似之前《百日女團》 如果係上唱歌班或者跳舞堂嗰種item ，素顏上堂都會自在啲。雖然知道過程中會有拍攝，但有時啲嘢real啲，有咩所謂？」原來，她曾經有段時間很抗拒化妝，並直言：「簡直去到反感嘅地步，後來發現自己同化妝呢樣嘢有誤會，慢慢搵返化妝正面嘅意義出嚟，想化就化。」
醫美於近年非常流行，她以完全正面的態度看待，「只係希望一個人選擇點樣去『變靚』唔好係受到任何群眾壓力或別人嘅眼光去作出呢個決定，唔使人做你就做。」Asha較早前於Threads撰文，指：「雀斑係我嘅一部分。咁多年黎都收過唔少工作關於激光打斑美白；我一一拒絕。唔想推廣『一定要白，一定要無瑕』嘅審美觀。你想美白無瑕，冇問題！做女人已經難㗎啦。只係希望你唔好受到任何群眾壓力/別人嘅眼光，改變一啲自己本身都唔介意嘅嘢！！自己接受，自己鍾意，開心！」她表示：「曾經都好多人叫我去雀斑，由於我不嬲都唔介意所以打死都唔會去做，外人定義嘅瑕疵同我定義嘅瑕疵唔同，無需跟從。」
Asha心目中的美又是怎樣？她謂：「『美』係舒服，自然地做自己。唔一定係一種『企到出嚟畀人見到自己有自信，要閃閃發光』個種，而係靜靜坐埋一邊，都能夠散發出一種自在感就係『美』。」她又鼓勵沒自信的女生，「唔洗一下子變得有自信，黎到今時今日已經好唔容易架！」
