《COURT!》練美娟爆朱鑑然愛著背心周圍走 Marco@P1X3L戲裡戲外懵盛盛

ViuTV原創劇《COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。

練美娟（娟姐）飾演檢控主任叻姑，P1X3L成員葉振弘（Marco）飾演初出茅廬的助理阿榮。

Marco表示戲內外都跟娟姐學習

娟姐大爆朱鑑然愛穿著背心周圍走

二人相處融洽

在《COURT!》中練美娟（娟姐）飾演檢控主任叻姑、以及P1X3L成員葉振弘（Marco）飾演初出茅廬的助理阿榮，Marco表示戲內外都跟娟姐學習，二人相處融洽，更會趁Off Cam時自拍留念。練美娟為大家介紹她的角色叻姑：「有返咁上下年資同地位，每個法官我都攪得掂，唯獨是方官，即Stanley（邱士縉）飾演嘅Peter，我一見到佢就好騰雞，我覺得佢針對我。今次會同佢正面交鋒，會畀佢睇點樣蝦我同針對我。」

Off Cam時自拍留念

娟姐特意觀看了多部法庭作品

為了準備角色，她特意觀看了多部法庭作品，「真係冇諗過可以參與一部法庭戲，我自己非常之緊張，拍之前去咗真正嘅法庭聽審，為咗今次落足心機去研究，非常開心可以入到呢個劇組演出關於法庭嘅戲碼。」她續說：「因為涉及到法庭戲，所以有好多專業用語，喺背嘢方面都需要落少少功力，亦因為係專業用語而唔可以自己Feel Free去加啲新嘢，所以呢一方面都要跟足啲。」

她今次跟多位演員合作，「主要同Stanley、朱鑑然、Marco（葉振弘）有對手戲，亦有好多證人、被告，最開心就係我喺啲男兒堆度，全部個個都靚仔，大飽眼福嘅。同埋因為呢度好熱，朱鑑然好鍾意成日著住件背心周圍走，益阿叻姑，多謝晒！哈哈！」她又透露：「通常大家Break緊就會休息下，我同朱仔（朱鑑然）就會繼續討論緊嗰件事，我覺得係好得意嘅一啲交流，佢係演戲嘅前輩，所以我會問吓佢一啲關於演戲嘅嘢，佢都好樂意分享，多謝佢啦！就算Break Time我哋都好勤力㗎，我哋都係繼續研究劇本㗎！所以繼續有劇集都搵我哋啦！」

叻姑的助手阿榮由Marco飾演，「佢係一個好新好新、啱啱入行，係叻姑嘅助手，幫佢執文件，粗重嘢交畀我。」他看着娟姐大讚她：「娟姐好專業，係非常之照顧後輩的前輩，喺佢身上感受到演員原來就係要咁樣。」娟姐隨即謂：「我走喇，我走喇。」Marco說：「唔好走啊，我仲有好多好嘢講。」

他自言自己不論是角色或真人也仍然是一位新人，「基本上我係唔識任何要喺呢個場合度做啲咩，懵盛盛咁，叫我做咩就做咩。今次拍呢套劇嘅感覺好Formal，因為始終係講法律嘅嘢，字眼、細節上係不容有失，我睇見都覺得好正經。睇完劇本覺得冇絕對，每個位都有佢難做嘅嘢，法官都有好多嘢要去衡量，所以幾得意。」

他形容自己：「我以前都係『十下十下』，有少少懵盛盛，啱啱入行時，依家都係有少少。我擺咗呢樣特質落去，幾貼合。劇組好Pro，我個角色冇咩對白，但唔係冇嘢做，好多嘢做，要因應場合幫叻姑搵嘢等。」他期望：「慢慢一點一滴咁樣感受多啲演戲，無論係演戲態度，或者咩時候要做啲咩，我覺得得仲係太新，好多時要觀察下究竟前輩Off Cam做緊啲咩。」

Marco（葉振弘）作客黎莉主持的節目《勁爆樂勢力》，剖白單飛後的徬徨，更透露新歌《難言之隱》其實寫給兩位PIX3L前隊友。離開MakerVille轉做獨立歌手，他直言最初害怕得不知如何起步。他為新歌錄音時回想三人一起爭取機會、一起撞板的時光，感觸得幾乎落淚。

Marco（葉振弘）以獨立歌手身份到新城廣播宣傳新歌《難言之隱》。

Marco坦言，獨立初期連出歌、洽談工作及爭取曝光都不知從何着手，幸獲經理人相助，直至落實新歌計劃才逐漸如釋重負。他感激過往拍劇時的工作機會，卻更想把大部分時間留給音樂。以前PIX3L三人受訪，他多半只負責接話，如今大小訪問都要親自表達，難免欠缺安全感。他表示兩位前隊友仍在背後支持，一句慰問、一聲「加油」，已帶來很大力量。

《難言之隱》是Marco首次參與作曲的作品，他與S.Kin花約四小時寫成歌曲雛形，聽後連自己也感動，完成作品更令他大有成功感。填詞人Oscar與他淵源甚深，曾為PIX3L約三分之二的作品填詞，見證其成長，今次亦執導《難言之隱》的MV。Marco說，昔日最深刻的經歷大多與前隊友共同創造的經歷，包括拍攝時三十小時未眠、發帖向公司申訴不滿；這首歌等，其實就是寫給他倆。

Marco帶來自己親手造的鳥結糖送給主持《勁爆樂勢力》的黎莉。

Marco帶來自己親手造的鳥結糖送給主持《勁爆樂勢力》的黎莉。

黎莉坦言：「我第一次見你唔係咁㗎！」她形容眼前的Marco更真誠、放鬆，也更開心。他自認從前怕辛苦、愛抱怨，太「港孩」，入行後才見識到機會得來不易，最大的轉變是懂得感恩、珍惜相遇。對自己在新歌的唱腔，他曾嫌太平滑乾淨，想唱得更RAW、更有粗獷感；錄音反覆嘗試後，卻發現最適合的，仍是自己原本最舒服的聲音。

Marco又帶來自己親手造的鳥結糖給黎莉，她大讚好味之餘，更指他可以直接開店。Marco笑言是為了宣傳新歌《難言之隱》而加入黑「芝」麻味，但黎莉卻指原味才最味美。

Marco坦承過往太「港孩」，經常嫌工作太辛苦。

Marco透露新歌《難言之隱》其實是寫給兩位PIX3L前隊友。

重溫節目，請於10月13日下午14:30 – 15:00登入知訊台《勁爆樂勢力》：https://www.metroradio.com.hk/MetroInfo/