黃智雯讚陳山聰兒子潛質高 Mandy與近40孩童舞動贏創舉輸體能

忙於為舞台劇《奧賽羅》排練的黃智雯Mandy，因電影《米高積遜》重燃對舞蹈的熱血，近日更百忙抽空，破天荒與近40名同學仔齊齊拍跳舞短片，宣揚舞術，當中更不乏「星二代」：陳山聰兒子Jaco及張頴康女兒小豆；首度與小朋友共舞，Mandy揚言是個人的小創舉，她笑言完成拍攝後整個人「散晒」，皆因每位小朋友都精力充沛，令她回家更有點失聲，慨嘆「老師唔易做」。

張頴康女兒小豆

黃智雯破天荒與近40名同學仔齊齊拍跳舞短片

陳山聰兒子Jaco

黃智雯

黃智雯

熱愛跳舞的Mandy，坦言自小最喜歡模仿米高積遜：「細細個因為瘋狂喜歡MJ，會喺屋企自學MJ嘅舞步，仲會偷偷走去舞蹈室觀摩其他人上堂，因小學先選擇學習音樂，到咗初中先正式上舞蹈課。但我覺得跳舞最好從小培養，因為學舞過程除咗培養自信，亦係快樂嘅來源，可以增加表達能力、抒發內心感受。」

大合照

大合照

鏡頭背後場面搞笑

為鼓勵從小學舞，Mandy除了邀請近40名同學仔一齊跳舞外，今個暑假將與家姐（Cathy）的教育中心合作策劃一系列舞蹈及演藝課程，透過培訓增強小朋友嘅信心。她說：「其實今次拍攝對我係一個小創舉，第一次同咁多個小朋友一齊跳，畫面幾震撼。見到佢哋好投入，合作性好強，不斷NG重複都冇話好攰要停低，令我諗返自己初初學跳舞時的初心！當中嘅小朋友亦好聰明，就好似Jaco同小豆真係跳得好好，佢地都好有天分。」

拍攝期間，一眾小朋友在鏡頭前展現天分，不過鏡頭後他們就展現出無比的活躍，完成拍攝後沒有半點倦意，還繼續蹦蹦跳跳！對於跟小朋友合作跳舞，Mandy笑說：「當日見到佢哋玩得咁興奮，我都跟佢地玩埋一份，返到屋企真係好攰兼失聲，真係好佩服杏兒（胡杏兒）可以帶埋小朋友一齊工作，放假仲會跟小朋友去放電，簡直係一大挑戰。」Mandy還笑說，與小朋友最好嘅相處方法，就係好似同輩一樣同佢哋一齊玩，不斷向他們作正面鼓勵。

問到Mandy經此之後，對生小朋友可有改變想法？她謂：「還是順其自然啦，但將來如果要自己小朋友學跳舞，我唔會自己教，因為教自己嘅小朋友會容易啲冇耐性，教人哋嗰啲小朋友會好啲。」

TVB Plus觀眾票選劇集活動《點劇成真》，今次主題「奇幻系列」，經過觀眾熱烈投票，結果公布由馬國明、黃智雯、胡鴻鈞、劉佩玥主演的《點劇成真︰降魔的》勝出，並將於下周二（10月13日）起，逢周一、二、四、五晚上10點半TVB Plus（82台）播映。

《點劇成真》時段將播映馬國明、黃智雯主演《降魔的》。

今趟共有4部經典奇幻劇集提供票選，分別為︰鄭嘉穎、謝安琪主演《殭》、馬國明、黃智雯主演《降魔的》、蕭正楠、林夏薇主演《十二傳說》及陳山聰、李施嬅主演《金宵大廈》。逾兩周的投票反應熱烈，最後《降魔的》憑「的哥」馬國明、集人、魔於一身的黃智雯成功脫穎而出。

馬國明演的「的哥」具捉妖除魔異能。

《降魔的》故事講述的士司機馬季（馬國明飾）意外喚醒了沉睡百年的石精靈（胡鴻鈞飾），被迫開啟降魔之路。馬季擁有降魔天賦，在石精靈協助下，他一邊開車一邊消滅在人間的妖孽。同時為了保護女神醫生莊芷若（黃智雯飾），以及冤死好友龍貓（何遠東飾），他不得不告別平凡生活，在悲傷與責任中蛻變，成為一名孤獨但堅定的黑夜降魔人。

黃智雯分飾兩角集人、魔於一身。

黃智雯分飾兩角集人、魔於一身。