電訊盈科媒體（PCCW Media）旗下MakerVille聯同韓國知名製作公司SimStory及日本富士電視台合力打造之年度話題亞洲劇集《kiDnap GAME》，將於今年第四季播出。
《kiDnap GAME》將於今年第四季播出
《kiDnap GAME》將於今年第四季播出
李準基
坂口健太郎
這部充滿懸疑劇情、劇力萬鈞的大型國際合拍劇集，籌備歷時三年，橫跨包括香港、台北、首爾、東京、新加坡、曼谷、馬尼拉、沖繩等多個亞洲地點拍攝。香港觀眾將可於第四季透過ViuTV收看，並於東南亞、中東及南非的Viu播放。
《kiDnap GAME》集結亞洲七地頂尖演員，陣容之強，史無前例：
李準基（韓國）飾演天才外科醫生韓基周。憑電影《王的男人》躋身國際巨星之列，主演《惡之花》、《再次我的人生》等多部叫好叫座劇集，粉絲遍及全亞洲
坂口健太郎（日本）飾演精英刑警新出俊郎。日本電影學院獎最優秀男配角得主，憑韓國OTT原創劇集《愛過之後來臨的》勇奪2025年全球OTT大獎最佳男主角
柯佳嬿（台灣）飾演網紅人妻Christina。憑《必娶女人》及《想見你》兩度榮獲金鐘獎最佳女主角，2025年以長篇小說首度踏入文壇
邱士縉 Stanley（香港）飾演跨國企業律師Andy。人氣組合MIRROR成員，主演《野人老師》等多部港劇，演藝實力備受肯定
黃思恬（新加坡）飾演空姐Janice。2026年榮獲All-Time Favourite Artiste，是新加坡娛樂圈最具人氣的代表人物之一
Joel Torre（菲律賓）飾演的士司機Miguel。憑《職業殺手》榮獲第17屆富川國際奇幻影展影帝，菲律賓演藝界最具聲望的實力派演員之一
Praew Narupornkamol Chaisang（泰國）飾演夜場公關Ayun。Netflix原創劇集《無主之屋》主演，泰國新生代最受矚目的實力派女演員
故事講述亞洲七個城市，同時發生七宗轟天綁架案。當全球媒體陷入瘋狂，一封令人不寒而慄的電郵，悄然送抵被擄者家屬收件箱：「為救所愛，你可以犧牲多少？最終生還，只得一人」
七位毫無關聯的陌生人，來自不同國籍、背景與信仰，命運糾纏在一起，各自肩負截然不同的任務指令。在這場極限遊戲中，最殘忍的敵人是時間。幕後黑手究竟是誰？註定六死一生的殺戮，最終目的是甚麼？
ViuTV原創劇《預防100種牙漬嘅 Darlie 呈獻 COURT!》將於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。
MIRROR成員邱士縉（Stanley）為角色練習咬字。
在《COURT!》中，MIRROR成員邱士縉（Stanley）、陳子豐、朱鑑然分別飾演不同的律政人員，以各自擁有的身份分享對故事的看法。Stanley飾演的Peter是一名法官，Stanley表示：「佢對真相係非常之追求，好正義，另一方面都執著嘅，執著要搵到事實嘅真相，佢認為法庭呢個地方就係可以搵到事實嘅真相，還原返事情嘅經過，畀返受害人或被告嘅一個清白。」他看畢劇本後有另一番感受，「覺得法庭其實唔係一個追求真相嘅地方，佢只係一個盡量用持平嘅司法方式去維持返呢個社會嘅秩序，我都好Appreciate呢個世界如果有多啲Peter呢種類型嘅法官嘅話，可能成件事會再完整啲。」
Stanley表示榮幸與銀河合作：「佢哋個大名都聽過好多次，好榮幸可以同佢哋合作，亦都見到佢哋劇本嘅優秀，見到佢哋對戲劇嘅追求，我覺得係學到好多嘢。今次嘅角色係一個法官，比我平時講嘢更加字正腔圓，更加清晰，更加要冇懶音，呢方面我都有再練習多啲咬字再清晰啲。對白要好熟，都係好大嘅挑戰。」他自爆拍攝趣事，「我哋身處喺法庭景，法庭因為場地關係，就會拍咗啲律師先，拍好長嘅律師對話，轉機位要時間，之後先會轉嚟我呢邊法官個位，好多時佢拍呢邊嗰陣我就喺度瞓覺。」
朱鑑然對劇本嚴陣以待。
陳子豐今次飾演一名法官，為Stanley嘅上司及師兄，「同Stanley一齊成長，我哋嘅師父比較錫Stanley，但我係有丁點兒嘅妒忌。」他有感與Stanley合作很好玩、很順暢，「都期待咗好耐，我哋第一次合作係好多年前嘅《大叔的愛》，但好少對手戲，等到咁多年之後嘅今日，雖然我戲份唔係好多，但我主要嘅對手就係Stanley。有幾場戲嘅情緒都有啲起落，同佢之間都有啲緊張、衝突，呢幾日都好緊張，好似好熟悉Stanley呢個人，會擔心做出嚟舒唔舒服。到今日就覺得有火花，係幾好睇，希望大家鍾意。」
雖然角色是一名法官，不過他今次沒有法庭戲，「慶幸喺呢部戲入面冇法庭戲，因為對白會好長，知道之後即刻鬆一口氣。」他對劇本感到驚訝，並透露：「劇本寫咗一宗非禮案，心諗寫到咁拍唔拍到出嚟㗎？」
陳子豐演法官做Stanley上司。
劇中一位精明能幹的年輕律師Mark由朱鑑然飾演，他說：「頭腦轉數快，好鍾意打扮，好注重自己衣著，同劇組Create咗一個好身光頸靚嘅角色。」拍攝煞科戲當天的他有感：「開心嘅時光過得特別快，我係盡咗力去準備Mark呢個角色。我台詞嘅功力或表達一向係比較差，對劇本係真係嚴陣以待， 係咁唸係咁唸，我覺得呢個係上天畀我好大嘅一個挑戰，就知道我係時候再做好啲，亦令我好雀躍，好愛呢個挑戰。我就專攻呢樣嘢，唸到我覺得個台詞令我慣常講嗰句說話，然後發現當Action時就會不經意、好順咁講咗句台詞。」
他大讚今次的劇本：「台詞、劇本係游乃海先生寫，個順暢度、精準度係令我讀一次已經清楚記得，知道晒所有角色嘅功能，同埋同邊個嘅關係，所以我覺得呢個劇本真係寫得非常之犀利。」
Stanley趁轉機位補眠。
