香港探秘地圖｜黎耀祥率「探秘小組」跳勁舞宣傳 陳國邦路過抽水勁爆笑

王偉仁監製、李昊、陳可兒編審的靈異輕喜劇《鼎植口腔呈獻：香港探秘地圖》，逢星期一至五晚八點半翡翠台播映。主要演員有黎耀祥、龔嘉欣、丁子朗、倪嘉雯、孔德賢、袁文傑、楊玉梅、關曜儁、黃子桐等。

黃子桐個個Look個造型都好搶。

昨晚（5月22日）一集《香港探秘地圖》開出新單元「金叵羅大廈」鬧鬼事件，並牽扯到金氏二房遺孀金夫人（楊玉梅飾）與大房長子金俊熙（袁鎮業飾）爭產…畢萍（龔嘉欣飾）查出鬧鬼單位業主、是已失蹤的金氏大房孻女金智賢（陳善渝飾），未幾金俊熙向外界宣布收到金智賢親筆信、並獲對方分配所有遺產，令畢萍起了極大疑心…

呢幕勁有喜感。

昨晚一集有兩大爆點，第一是飾演拼搏網路主播Maymay的黃子桐。為了配合Maymay為流量乜都搏盡的人設，除了採訪時兇狠言行及尖銳問題夠晒出位，就連造型亦相當搶薑，不但經常低胸長腿示人，而且無論任何款式的小背心色彩均非常鮮艷，包括火紅、蘋果綠及鮮黃等，每件都相當Sharp醒有記憶點，成功吸引網民眼球，大讚黃子桐（Rachel）夠專業：「睇得出啲細節位有度過，專業」、「真係搏得好緊要喎」。其實Rachel曾在訪問中透露，只要「劇本有發揮空間」、「角色有挑戰性」，她並不完全介意性感。

劉桂芳下星期都繼續有出位搞笑場口，萬勿錯過。

Rachel是TVB的學霸級女神，畢業於香港大學中文及犯罪學系，其後更修畢香港中文大學公共衛生碩士，成功創辦中西醫診所。值得留意的是，Rachel 18歲便踏上創業之路，曾投資畫室、補習社、身體檢查中心及美容院等，相當厲害。

昨晚另一爆點，是為了氹掂頌姐（劉桂芳飾），出名爆肌的丁子朗（丁丁）一邊喪跑、一邊脫去外套並露出強勁麒麟臂「壁咚」劉桂芳，令劉桂芳既開心又害羞，場口相當爆笑。

估唔到祥哥原來舞王嚟。

估唔到祥哥原來舞王嚟。

而自播出後贏盡正評的《香港探秘地圖》，當中最吸獲網民關注、是以「喜感市井」Style回歸的黎耀祥。網民除對祥哥回歸搞笑老本行大大力支持，還對祥哥的「舞技」及「舞台感」大感驚艷。祥哥早前原來秘密拉埋「探秘小組」龔嘉欣、倪嘉敏、丁子朗及孔德賢齊齊大跳勁舞宣傳，片段中，已年屆62的祥哥不但「逆齡」了一大截、身手靈活，而且無論每吓出拳都相當有力，獲大批網民大讚「寶刀未老」，並引爆祥哥之前在《娛樂插班生》及《樂壇插班生》扮羅文的集體回憶：「不愧為元祖級扮嘢王」、「看起來好年輕喲」、「好Fing得，果然係扮開羅記嘅人」、「其他人好似被逼陪佢跳咁」、「跳得咁enjoy，非常敬業樂業」、「我忍唔住睇咗好多次」，更有網民搞笑跪求「舞王祥哥」跳晒成首《Lucky Star》。

陳國邦真係靚抽。

「舞王祥哥」一出，旋即在小紅書及Threads引爆熱討，連陳國邦亦路過留言：「換作小弟瘋狂若此，定需休養三天。」笑爆肚皮。

黎耀祥（祥哥）與麥長青（麥包）兩大師兄弟攜手主持的旅遊節目《食玩假期呈獻：江湖見》，逢周一至五晚上9時30分翡翠台播出第二季。今季兩師兄弟沿着黃河長江一帶，尋找金庸筆下的錦繡山河之餘，還會追尋昔日文人墨客的詩詞歌賦足跡，並增設嘉賓訪談環節。

祥哥同麥包氹到米雪姐好happy。

個景真係好靚，今晚記得開電視睇。

米雪話呢一幕李連英教慈禧踩自行車拍得好開心好浪漫。

米雪又開心可借《大太監》角色為慈禧平反。

今晚（7月10日）一集《江湖見》，繼續有米雪姐坐陣。今集米雪姐將以「慈禧太后」身份，與大太監祥哥及小太監麥包，暢遊寧波景色靚絕、相傳是大美人西施與另一半隱居之地的「東錢湖」，祥哥更為米雪神還原當年《大太監》的李連英教慈禧踩自行車經典場口，令米雪相當興奮，全程玩到嗌晒盡顯童真！米雪：「嗰場自行車戲好刻骨銘心，我哋拍得好浪漫」、「嗰幕我突然間好似變咗小朋友咁。」

米雪續指很開心接拍《大太監》，因為可以藉此為慈禧平反，米雪覺得慈禧原本是好人，至於後世為何會覺得她「專橫」，米雪姐有她自己一套看法：「因為佢要先下手為強！」談到慈禧極多對白，米雪姐即娓娓道來她的熟讀劇本大法：「一場戲我起碼要背60-80次，開頭背熟佢要20次，然後配合眼神，知道邊度要用眼神；之後配合語氣，咁又10次，再係眼神加語氣。」

呢個「小普陀」背後，原來係一個「超級孝子」嘅感人故事，想知就記住今晚睇《江湖見》。

喺大開煮界前，兩位師兄弟去咗撈海鮮。

今集另一亮點，是祥哥與麥包在超大風情況下，在岸邊上演廚藝大激鬥！觀乎官方發布搶先睇宣傳片，二人均有姿勢有實際，除了處理海鮮手起刀落、拋鑊功夫亦甚有睇頭。二人還邊煮邊分享下廚CV，麥包：「我冇煮好多年，我其實好早入廚，因為窮家仔早當家吖嘛，細個成日要煮飯嘅」，祥哥：「我細個好少入廚，我媽煮嘅，咁可能細個睇得我媽多，大個我都鍾意煮嘅。」

兩位都好有功駕。

仲唔係男人的浪漫？！

佢哋今集仲會品嚐寧波式生醃海鮮，齋睇相都覺得正。

祥哥之前為劇集《香港探秘地圖》宣傳時，大晒深藏不露舞藝，這次在《江湖見》，則大晒另一隱藏絕技—下廚！祥哥在節目中，對於下廚每個細節均十分講究，包括魚要先煎香才可落水熬湯、落水要落滾水、滾湯要冚蓋等，並自誇：「我哋呢啲天生廚神嚟架嘛！」而當自稱「天生廚神」的祥哥請麥包飲其親手烹調的海鮮湯時，麥包不但飲到眉毛半戚、更好味到向祥哥送飛吻！之後，兩位大男人最後還在夕陽美景下玩互餵，展現超浪漫師兄弟情，感覺超有Feel，萬勿錯過。下周開始，兩師兄弟將轉戰黃河繼續感受錦繡河山。