AI時代，未來實習生｜小豬比細心體貼獲陳展鵬激讚似足媽咪 單文柔睇阿女亭亭玉立成長片段哭成淚人

無論實戰時幾咁成熟，小豬比都有無時無刻流露佢鬼馬、搞笑同創意無限嘅一面，你點估到佢會將平淡嘅醋改名做「神奇水」至得架。

小豬比全程都表現得好在意每一個「學生」。

留意，呢位小妹妹絕對係畀小豬比圈咗粉。

但小豬比又真係抵得人鍾意嘅，因為驚「學生」畀啲飛濺物彈到，小豬比有刻意拉開個盤，同埋有好subtle咁用手保護呢位小妹妹。

由麥明詩、Patrick Sir（林溥來）主持的綜藝真人騷《保誠保險呈獻：AI時代，未來實習生》，昨（5月23日）晚8點翡翠台播出最後一集，壓軸的「星級家庭」是陳展鵬和囡囡陳諾瑤（Quinta／小豬比）。

而搞笑嘅係，小豬比自己見到「火山爆發」嗰刻都好興奮，小朋友始終係小朋友嘛。

小豬比仲準備咗「獎勵貼紙」派畀每一位「學生」。

佢啲古怪樣真係好搞笑。

睇吓，呢位小朋友話歡迎小豬比下次再嚟呀。

搞到小豬比勁開心。

陳展鵬大讚小豬比嘅貼心位似足媽咪單文柔，算唔算曲線「氹妻」。

現年7歲的小豬比，「我的志願」是幼稚園老師，在與爸爸一起經歷了簡單而又有趣的「情緒卡片」遊戲實習後，小豬比即進行實戰，以1對8形式與小朋友上Steam課程齊齊體驗「火山爆發」及模擬見家長。面對僅小自己一至三歲的「學生」，小豬比全程淡定兼表達清晰（CEO型性格）之餘，亦在多個地方流露了她細心及善解人意一面。

小豬比幫兩位學生Hayden同Lynette見家長，個樣勁認真。

小豬比幫兩位學生Hayden同Lynette見家長，個樣勁認真。

首先，小豬比十分關心「學生」上堂時的參與度，除懂得在適當時候找幫手，增加「學生」的參與度，又會盡量主動鼓勵及啟發他們:「你哋試吓自己打開」、「打開唔到嘅舉手」、「唔緊要，做到嘅我哋」，令在觀察室的展鵬為之震撼，並感慨小豬比似足媽咪單文柔咁細心溫柔：「似媽咪喎…冇問題嘅（呢方面）。」完美示範了家長身教的重要性。另一個驚艷位是，當讓「學生」真正體驗「火山爆發」，為免「學生」被「爆炸」時的飛濺物彈到，小豬比刻意將「實驗道具」拉到一個安全的距離才讓「學生」落手，又猛叫「學生們」要小心啲。其實在Steam過程中，小豬比還展現了她的童真，首先她將「實驗物品」之一的醋搞笑改名為「神奇水」，另外當她見到「火山爆發」實體情況時，都有忍不住好奇望完又望，7歲小朋友就是7歲小朋友。

好鍾意睇小豬比同陳展鵬嘅互動，勁開心。

媽咪單文柔雖然冇出鏡，但佢其實嚟咗，仲睇足全場，係愛呀。

「20年後的小豬比是怎麼樣」令陳展鵬同小豬比眼濕濕，單文柔更加係哭成淚人。

「20年後的小豬比是怎麼樣」令陳展鵬同小豬比眼濕濕，單文柔更加係哭成淚人。

「20年後的小豬比是怎麼樣」令陳展鵬同小豬比眼濕濕，單文柔更加係哭成淚人。

而在模擬見家長環節，小豬比全程表現認真之餘，還對兩名「學生」給出了極具體的觀察及點評，令主持麥明詩及Patrick Sir再次讚不絕口：「佢好有觀察力，講學生性格時會有實質例子。」展鵬見到阿女唔單止具備做老師條件，而且既細心又成熟兼極有觀察力，坦言「大開眼界」：「原來佢作為大姐姐會咁同小朋友溝通，我未見過佢咁樣。」完成實戰後，展鵬滿面笑意接「阿女」放工，小豬比則大表興奮，除揚言：「我要做100次老師」，又大嗌：「超超超超超超超好玩！」

小豬比「逮捕」喊豬媽咪一刻勁爆笑。

小豬比「逮捕」喊豬媽咪一刻勁爆笑。

最後，小豬比與陳展鵬齊齊觀看製作組以AI生成的「20年後的小豬比是怎麼樣」時，不單止展鵬及小豬比感動到眼濕濕，低調現身拍攝現場的單文柔更是哭成淚人，場面極感人。當展鵬發現小豬比落淚時，即「大細路」上身指住阿囡：「咦！你想喊咁嘅？！」豈料小豬比不但嘴硬不願承認：「唔係呀，打喊露呀我」，更轉移視線：「嘩！媽咪先喊呀」陳展鵬：「嘩！媽咪喊到走喎。」之後小豬比即鬼馬地追住「逃走的媽咪」，並著攝影師哥哥跟在她後面直擊媽咪感動喊樣，十分搞笑。搞完一輪，展鵬真心感激製作組預備的貼心小禮物：「（睇條片）好百感交集，好開心佢大個咗，又唔希望自己咁快老」、「多謝你哋禮物， 好感動」、「作為家長，佢做咩職業都冇問題，最緊要佢開心，同埋睇住佢成長。」

小豬比集能力值+可愛+鬼馬於一身，叻叻~

小豬比集能力值+可愛+鬼馬於一身，叻叻~

網民搞笑向單文柔陳展鵬催生
對於小豬比可愛與智慧並重，網民大感驚艷，有網民笑言她長大後可參選港姐之餘，還向陳展鵬及單文柔催生：「小豬比好叻呀，叫爸爸媽媽快啲生多個細妹或者細佬啦」、「佢哋一家三口相處好Warm、好有趣」、「好感動」。

由麥明詩、Patrick Sir（林溥來）主持的綜藝真人騷《保誠保險呈獻：AI時代，未來實習生》，本周六（5月23日）晚8點翡翠台播出最後一集，而壓軸的「星級家庭」，是陳展鵬和囡囡陳諾瑤（Quinta／小豬比）。

今集主角係小豬比。

小豬比繼續Keep住表情多多兼語出驚人
現年7歲的小豬比，「我的志願」是幼稚園老師，一來因為想「話事做大家姐」，二來是覺得小朋友「好得意同埋好細粒」。小豬比3年前拍攝《爸知弊！你嚟湊吖！》時，已以「CEO型性格」、無厘頭及豐富表情包馳名；今次長大了的小豬比再度亮相親子真人騷《AI時代》時，繼續無厘頭及多表情之餘，並再度展現「CEO型性格」，除有極強表達能力，在教小朋友方面亦甚有條理兼有自己一套，觀察力亦十分厲害，能力之強連爸爸陳展鵬亦為之震撼！

兩父女互動好有愛。

呢個遊戲齋睇陳展鵬同阿女玩都會覺得好開心、好好笑，真係唔好錯過。

展鵬對阿囡係畀足情緒價值。

實戰對象年齡差僅一至三年 小豬比老師能力值滿滿技驚四座
小豬比今次的實戰對象、是一班年紀僅比她少一至三歲的幼稚園小朋友，小豬比的任務，分別是要教他們英文，及在Steam課程中讓他們體驗「火山爆發」。節目中，小豬比無論是1對2、或是１對8教學，都給出了極高的互動，除會不斷發問提高「學生」的主動思考及參與性，又會時刻關心「學生」的進度及心理狀態，言談間更不斷給予「學生」情緒價值，以下是小豬比的精叻老師語錄：「你知唔知？」、「你試吖」、「你哋好叻呀」、「你想坐邊度？」、「唔緊要，做到嘅我哋。」成功獲得一眾「學生」愛戴，全程聽足小豬比指示。想親眼目睹小豬比做幼稚園老師有幾咁稱職，就要密切留意節目。

當小豬比估錯時，佢個難以置信樣好爆笑。

啲表情真係好搞鬼。

小豬比教小朋友時真係畀足眼神，仲會有適度嘅身體接觸同大量嘅互動，真係好有溫度。

小豬比的貼心、加上清晰的指示及表達能力，令到坐在觀察室的爸爸陳展鵬、兩位主持麥明詩及Patrick Sir大為折服，陳展鵬：「我個心有啲噗噗跳，好感動。」連對慣小朋友的Patrick Sir亦忍不住連環讚嘆：「佢講第一句已經好清晰喇喎」、「大人都做唔到分分鐘」、「好得意，佢識咁樣教嘢喎。」搞笑的是，陳展鵬事後向女兒表達欣賞時：「你教兩個小朋友英文時，我覺得好感動。」小豬比做了一個鬼臉後即刁難爸爸：「咁你喊吖！」令陳展鵬哭笑不得。

當陳展鵬向阿女表達感動之情時，小豬比竟然叫佢即刻喊出嚟，搞到陳展鵬都一個措手不及，笑咗。

小豬比1對8嘅上堂實況好好睇，唔好錯過呀。

仲有佢啲表情包，真係好正。

畫面極盞鬼｜小豬比職前體驗驚變陳展鵬演技大考驗
其實陳展鵬與小豬比兩父女密集性的搞笑又有愛的互動，絕對是這集一大賣點。觀眾可親眼見證陳展鵬同阿囡互動幾咁有愛、幾咁Friend、幾咁好玩同幾咁有默契，尤其小豬比實戰前的「情緒卡片」遊戲實習，陳展鵬需做出各種不同的情緒、讓小豬比觀察及競猜，當中兩父女忍住笑「眉來眼去」、估中時的狂喜表現、以及小豬比的搞笑得戚表情，都夠晒盞鬼又治癒，萬勿錯過。