馮允謙Fan Meet唱歌合照錄志氣bite 送親簽結他冧爆「追風」

今年是馮允謙（Jay）出道15周年，所謂「歌迷隨偶像」，溫文含蓄的他，其「追風」（Jay粉絲暱稱）亦非常內斂，平時出席公開活動打call都特別斯文，不過日前Jay在沙田的餐廳舉行Fan Meet（粉絲聚會），「追風」們非常熱情，玩遊戲時投入，當Jay自彈自唱時就湧到台前，單對單時又自拍又對鏡頭簽名又錄志氣bite，花樣百出。

Jay日前舉行Fan Meet。

相隔3年再辦聚會，Jay非常期待，除了親簽海報作為禮物，還帶來最近在各大頒獎禮奪得的獎座到場，讓「追風」打卡拍照。他在台上說：「每一次出歌、做show，都係大家一齊做出成績，所以要多謝你哋每一位，帶埋啲獎嚟，想同大家分享喜悅。」席上Jay與「追風」玩了幾個遊戲，其中一個遊戲將Jay的歌曲變調變節奏，連他本人都認不出，但「追風」一秒破解。最搞笑是「收買佬」遊戲，為湊夠題目要求的物品和數目，全場出盡渾身解數，非常熱鬧。

Jay親簽海報作為禮物。

還帶來最近在各大頒獎禮奪得的獎座到場，讓「追風」打卡拍照。

壓軸遊戲考驗「追風」對Jay了解，無論是他在加拿大居住地、寵物貓咪全名、甚至背出他在IG的最新英文帖文內。而大獎的題目是Jay在新歌《Break Me Down》有幾多個造型？一名「追風」快而準搶答4個造型而勝出，獲得Jay在《She Don’t Love Me Anymore》MV中用過的結他，他即場親簽送出，全場歡呼。

與「追風」大玩遊戲。

一名「追風」快而準搶答4個造型而勝出，獲得Jay在《She Don’t Love Me Anymore》MV中用過的結他。

Jay更即場親簽送出。

玩遊戲之餘，Jay自彈自唱英文作品《Break Your Heart 》，「追風」大叫encore他即興加唱《Close to the Edge》，全場湧到台前聽歌拍片，如痴如醉。Jay透露即將推出首張全英文歌專輯，「追風」興奮追問推出日期，他搞笑用歌名回答：「『然之後』出！」期間台下大叫靚仔，他沾沾：「我知呀！」好風騷。而在「單對單」環節，「追風」們爭取在30秒內與Jay獨處機會合照和錄打氣說話，更預先將千言萬語寫信親手交給他慢慢睇。大合照時Jay走勻兩邊，照顧後排的「追風」，非常寵粉。

Jay自彈自唱英文作品《Break Your Heart 》。

「追風」大叫encore！

Jay說：「好開心，好難得搞到今次Fan Meet，上次係3年前，我剛做完第一次紅館演唱會之後。今日我好輕鬆，可能佢哋未見過我咁Chill嘅一面。」最令他難忘是單對單環節，他說：「佢哋通常會叫我拍片，錄啲鼓勵說話，我覺得好有意義，可能因為我唱勵志歌畀到佢哋力量，寧願唔影相留返時間拍片。我覺得做歌手，除咗表演時帶畀大家快樂，仲可以發放愛和正能量，好有意義。」

全場大合照

Jay希望除了聚會，更想帶「追風」一齊做善事，「之前我參加咗一個同視障人士跑步嘅慈善活動，希望下次可以同Fans一齊參加，又可以做善事又可以跑步。之前我哋有去老人院派飯、同公公婆婆玩，希望可以同fans一齊做更多不同嘅慈善活動。」

全場大合照

「唱作王子」馮允謙（Jay）周二（7月7號）推出首張全英文歌專輯《ANOTHER SHADE OF BLUE》，同日在黃埔TIDES舉行Music Live，與近千Fans分享新碟所有作品，以及他私心英文歌單。Jay以結他自彈自唱，慢歌時emo到不行，唱開心快歌時就勁風騷，又扮唱片封面側面問Fans：「靚唔靚仔？」突然落台握手派心派飛吻，互動一流。完場Fans意猶未盡，大合唱《How Many Times》。Jay感動並宣布好消息：新碟出「彩膠」！

馮允謙（Jay）推出首張全英文專輯《ANOTHER SHADE OF BLUE》，同日舉行Music Live與近千Fans分享新作。

Jay以結他自彈自唱，慢歌深情，快歌風騷，又落台握手派心，互動一流。

音樂會全企位，觀眾一邊聽歌一邊跟Jay音樂左右擺舞，非常chill。而二樓VIP觀眾席星光熠熠，有來自法國的唱作女歌手Joyce Jonathan、老友梁釗峰、師妹雲浩影（Cloud）、盧慧敏（Amy Lo)、師弟藍奕持（Lester），以及分別在《See Through Ya》和《Break Me Down》MV擔任女主角的「Jay女郎」坂部佩莎和王靖瑩（Charlie）等。

二樓VIP觀眾星光熠熠，法國唱作女歌手Joyce Jonathan、梁釗峰、雲浩影、盧慧敏等好友到場支持。

Jay出場以結他自彈自唱《Break Your Heart》、《Close to the Edge》、《She Don't Love Me Anymore》和《See Through Ya》等作品打頭陣，觀眾非常陶醉。之後他沾沾地說：「今次有啲威，呢張碟嘅曲和詞都係你哋最喜愛嘅我寫。」他坦言在香港做英文歌並不容易，感恩公司和Fans支持，夢想成真推出英文碟並舉行英文歌音樂會。他感謝Band Leader蘇道哲和一眾樂手，還有與他一同創作碟內部份歌曲的孖生細佬Tim，但爆料笑指細佬掛住拍拖甩底。騷後Jay與部份買碟的Fans逐一合照留念，其中不少Fans兩個封面都買齊。

Jay坦言在港做英文歌不易，能推出英文碟並舉行音樂會「好幸運」。

騷後Jay接受訪問時，坦言今次比廣東歌音樂會更大壓力，說：「人生第一個英文歌音樂會，可能係英文，要求自己要唱得更好。雖然今日把聲有少少沙，但係喺個台上玩得好開心，希望所有觀眾都好enjoy。」除了新碟作品，Jay特別挑選演唱對他別具意義的英文歌，其中包括電影《Closer》（誘心人）主題曲《Blower's Daughter》，他說：「呢首歌由我High School時候聽，係一部電影主題曲，特別有feel，一直好想喺自己嘅騷唱到。」

「喺香港做英文歌、出英文唱片好困難，通常會將資源做廣東歌，所以我能夠出英文碟，真係好幸運。而Fans買我嘅碟，兩個封面都撐我，又大合唱我嘅歌，好感動。希望反應好，再出多啲碟。」Jay透露推出「彩膠」，說：「我啱啱知道，好開心，我希望係淺藍色。」

他又透露細佬掛住拍拖甩底，場面搞笑。