佘詩曼打麻雀慘輸「4位數」 「雀友」Edan肥仔阿Dee匿洗手間準備生日驚喜

視后佘詩曼（阿佘）向來人緣極好，相識滿天下，與金像影后吳君如、MIRROR成員Edan（呂爵安）及ERROR成員肥仔（梁業）更是圈中著名的「雀友」，不時相約決戰「四方城」！近日，眾人又齊聚展開激烈的麻雀大戰！

佘詩曼

佘詩曼不時與吳君如、MIRROR及ERROR成員相約打麻雀。

不過好似成日輸......

佘詩曼在IG晒出與吳君如、Edan、肥仔、阿Dee（何啟華）及楊偲泳的合照，並幽默寫道：「見到呢個組合，應該知我哋又開戰喇～」她更自爆被佘媽媽取笑是去「進貢」給肥仔，「我同媽咪FaceTime，佢問我：『你今日去邊呀？』我話同肥仔佢哋打牌囉。媽咪話：『嘩，又去進貢俾肥仔呀！』我信心滿滿咁答佢：『放心，我feel到今日會贏！』阿媽話：『有信心都係好嘅。但係你邊夠人打吖。』（一盤冷水淋過嚟！嗰團火都熄熄哋…）」

 這場「視后VS頂流」的麻雀局激戰到凌晨三點，翌日佘媽媽關心戰果時，佘詩曼無奈承認自己「輸到PK」，「前所未有輸咁多（$xxxx）！跟住佢就話：『吖～嗰個肥仔點解咁勁嘅呢？唉，你唔好再同佢打喇！』我話：『唔緊要啦，當交吓學費囉，名師出高徒吖嘛！』」

佘詩曼IG圖片

雖然輸錢，但佘詩曼都收穫了滿滿的感動，將於5月28日踏入51歲生日的她透露打牌打到一半時，Edan、肥仔和阿Dee突然集體藉口說去洗手間，而且「消失」了很久，「突然間聽到君如哈哈聲大笑，原來準備咗兩個蛋糕！雖然我輸咗金錢，但係贏咗友誼，多謝大家！」

昂坪360二十周年，大推纜車夜航體驗，昨日（7月24日）舉行首航典禮，請來人氣女神佘詩曼（Charmaine）坐鎮，更以超吸睛盛裝閃爆長裙現身，靚到似行紅地氈！她更擔任昂坪360二十周年宣傳大使，聯同一眾主禮嘉賓一同進行亮燈儀式，慶祝為期八晚的「纜車夜航」正式啟航！

佘詩曼主禮昂坪360纜車夜航首航典禮。

憶「封后」年份有共鳴：大家一齊二十周年
活動上播出Charmaine為慶典拍攝的宣傳片，片中與資深演員程可為大演母女情，溫馨滿瀉。巧合的是，20年前昂坪360開幕之年，正是Charmaine首奪「視后」的大日子。Charmaine感觸笑言：「真係有種互相見證成長嘅感覺！ 20年來，我覺得自己嘅演藝路同昂坪360嘅發展好似，大家都係咁拼命尋求進步創新，但又好重視本地文化情懷。」

提到拍攝宣傳片過程，首次夜晚坐纜車，欣賞大嶼山夜景，她極力推介首次體驗的「夜航」：「由高空望住機場、港珠澳大橋同大佛嘅夜景，同日頭完全兩個世界，夜晚多左一份浪漫嘅感覺！ 成個昂坪亮晒燈，好浪漫，適合一家人或者情侶嚟撐枱腳。」

台上憶首奪「視后」撞正纜車開通二十年。

完騷被粉絲逼爆包圍。

纜車前大擺型格POSE  事後訪問變「粉絲見面會」
今次活動，昂坪360首次改裝退役纜車「落地」化身打卡裝置，Charmaine完騷後在退役纜車前接受訪問，未開口已引來數十名粉絲聞風而至，瞬即將現場圍得水洩不通。有人高舉自製應援牌，有人瘋狂尖叫「阿佘你好靚呀！」，場面墟冚。

向來寵粉的Charmine見更主動行近欄杆同粉絲selfie，引來全場暴動，仲同粉絲一齊大合照，氹到粉絲勁開心！

最後亦藉機鼓勵現場人士記得要趁住二十周年慶典期間帶同另一半和小朋友來玩轉「日與夜」，除了體驗今次的纜車夜航體驗，亦可以到昂坪市集欣賞霓虹燈飾，與摯愛親朋留下愉快回憶。

纜車前大擺型格Pose！