Angelababy湊仔之餘做義工 零架子任影任簽名勁親民

藝人楊穎（Angelababy）一向出名係廿四孝媽咪，工作以外幾乎將所有時間都留畀囝囝小海綿。日前她更低調現身兒子就讀的國際學校，親身參與學校賣物會做義工，超親民表現即時成為全場焦點！

小海綿平時主要由媽媽Angelababy照顧。

Angelababy一有時間就會帶囝囝小海綿周圍玩

當日Angelababy戴住Cap帽、身穿露腰短裝，大晒纖幼小蠻腰，打扮輕鬆隨性，只化上淡妝已經狀態極佳，完全遮唔住星味，現場途人一眼就認出她。

Angelababy穿露腰裝到學校做義工

從網上流出的片段可見，Angelababy全程留守攤位幫手，忙於整理飲品、花束等物資，凡事親力親為，完全冇半點明星架子。加上有女神坐鎮，攤位人氣爆燈，吸引唔少家長及學生排隊支持。

忙於整理物資

而Angelababy亦相當Friendly，對於合照、簽名要求幾乎來者不拒，有人更即場拎Cap帽畀她簽名，她都笑容滿面逐一滿足，非常識做。

對於合照來者不拒

活動結束後，不少網民於社交平台晒出合照，大讚Angelababy真人狀態驚人：「真係超後生！」、「完全似18歲女大學生！」、「咁多年個樣完全冇變過！」、「本人瘦到離譜，塊面細到誇張！」

家長大讚Angelababy好後生

楊穎 (Angelababy)早前因睇19禁騷一度在內地娛樂圈被「軟封殺」，雖然近日開始慢慢放寬，但影視工作仍未完全回歸。為尋求新出路，Baby最近似乎轉攻音樂發展，試水溫重新出發。

Angelababy早前因睇19禁騷一度在內地娛樂圈被「軟封殺」

她日前在社交平台晒出一組12宮格靚相，透露自己正在海邊拍MV，仲叫粉絲猜今年新歌會係咩風格，互動感十足。相中見她換上多套清涼造型，包括比堅尼上陣，大晒好身材，在沙灘邊擺Pose影相，狀態依然在線，吸引唔少粉絲留言大讚：「女神依然好正！」

她日前在社交平台晒出一組12宮格靚相

比堅尼上陣，大晒好身材

不過另一邊就有網民分享偶遇Baby食飯的畫面，見她同網紅同枱，明顯「降呢」。有聲音認為她經歷風波後資源大不如前，甚至覺得「身價跌咗」，但亦有人撐她努力搵新方向，覺得無需要過分解讀。

有網民分享偶遇Baby食飯

明顯「降呢」