關心妍（Jade）接受盧世昌、林淑敏主持的新城《銀色旅途》節目錄音訪問，回顧自己21、22歲入行後的高低起伏。她出道僅兩年便踏上紅館舞台，創下女歌手最快登上紅館的紀錄。
關心妍（Jade）接受盧世昌、林淑敏新城《銀色旅途》錄音訪問 。
她坦言當時覺得好夢幻，並指最近才知道，到目前為止，仍未有女歌手能打破這個記錄：「當時冇諗過會係自己，我的年代睇紅館演唱會係睇梅姐(梅艷芳)、哥哥(張國榮)、校長(譚詠麟)呢啲級數，當時覺得『嘩，唔係啩！』一切都來得好快。」當時她抱著既然是公司安排，就繼續衝吧！
點擊看圖輯
關心妍（Jade）接受盧世昌、林淑敏新城《銀色旅途》錄音訪問 。
左起：盧世昌、關心妍、林淑敏
左起：盧世昌、關心妍、林淑敏
急速下坡：半年間的起跌衝擊
這段急速的高峰期，也帶來了沉重的衝擊。短短半年，她由紅館舞台的光芒跌入完全沒有工作的低谷。不同負面新聞亦隨之而來，令她一度迷惘：「唔知自己做錯咗乜嘢，好唔明白。」這段急速的起跌，讓她深刻體會娛樂圈的「天時、地利、人和」與運氣。
信仰支撐：低谷中的力量
因為信仰的支撐，她遇上一班福音義工，開始投入義務服務。第一次探訪臨終病人，她深深感受到自己少許的知名度也能帶來安慰與愛。此後，她走進學校、監獄，甚至第三世界的山區，將歌聲與陪伴化作祝福。
關心妍
鼓勵遇上困境的所有人：經歷艱難才會成長，生命變得豐盛。
從那一刻開始，關心妍立志每週至少兩天做義工，甚至每月完成接近二十宗服務。二十四年來，她從未間斷。2011年，她獲得「傑出義工獎」，翌年更成為「十大傑出青年」，再成立「妍亮生命慈善基金」。她表示以前主力禁毒及戒毒服務，成立基金後，主要服務情緒健康，抑鬱、自閉症、過度活躍症等。
她開心透露基金今年成立十周年。回望過去，關心妍鼓勵遇上困境的所有人：「經歷艱難才會成長，生命變得豐盛。」
關心妍
關心妍日前「衣錦還鄉」，在家鄉佛山南海舉行《聽2026 演唱會》，吸引近5千樂迷買飛支持，全場爆滿，好友張栢芝亦送上花籃恭賀，而女兒楊榮心後台表現雀躍，除帶領祈禱外，更模仿媽媽「化妝set頭」，甚有星二代味道！演唱會開始時，關心妍一口氣唱出多首金曲，更用南海話「自家人」與「鄉里」打招呼！重返「主場」開個唱，Jade一共準備5套服飾， 除大唱金曲外，場外亦有慈善攤位為弱勢社群募捐，非常有善心：「其實我都成日返嚟（佛山），真係好感謝家鄉庇佑，可以每年都喺度開演唱會。真係仲密過香港開騷。其實每次嚟到都有帶心心睇吓，但每次都來去匆匆， 做完 show 第二日又要走，加上佢要返學，所以佢都未好有『家鄉』嘅Concept。 頭先佢都係一路陪我、一路溫 science同數學。其實我平時負責係中文同數學，老公就睇英文同數學， 所以每晚煮飯就會睇晒功課，知道佢陪登台唔影響學業。」Jade表示當地龍舟節最熱鬧，希望未來有機會帶女兒感受一下。
關心妍日前在家鄉佛山南海舉行《聽2026演唱會》，全場近5千樂迷爆滿。
好友張栢芝送上花籃。
關心妍表示今次巡迴個唱的主題由2025年開始，一直希望將個唱帶回香港做終點站：「其實上次紅館20週年開始，已經差不多五年時間，亦就快出道25週年，忽然間嚟到25週年，一直都希望最後站係返香港，我哋都睇下紅館個期批唔批， 希望可以返去紅館， 有機會可以喺紅館做我25週年香港站。」
她一口氣唱出多首金曲，更用南海話與鄉里打招呼，並準備5套服飾，場外設慈善攤位為弱勢社群募捐。
呢晚演唱由女兒楊榮心做「嘉賓」，不過今次拒絕表演側手翻，改為打鼓與媽媽合奏《負擔不起》，令觀眾非常有新鮮感：「因為我好想俾歌迷見吓心心， 唔經唔覺咁大個女，我問佢紅館試過打翻筋斗、合唱、清唱，我覺得佢又長大咗，咁啱佢開始學打鼓，我叫佢練下先， 練到差唔多就幫我打， 佢真係苦練半年！頭先台上我都唔敢望佢，忍住唔好打攪佢，佢好淡定但我就緊張到背脊出汗，依家係佢表演完我鬆一口氣！」Jade笑指未知女兒還有甚麼「秘技」，估計跳舞成下一站的表演項目，而囡囡表演後都到台邊為媽媽拍手打氣，更不時和唱非常投入。
女兒楊榮心今次擔任「嘉賓」，苦練半年打鼓與媽媽合奏《負擔不起》，關心妍緊張到背脊出汗。
心心又帶領祈禱、模仿媽媽化妝set頭，甚有星二代味道。
心心表示現學習單簧管，盼有機會舞台上展示「音樂天賦」：「喺屋企媽咪音樂最叻，跟住就係我，爹哋係最渣！有時我喺屋企都會打鼓、媽咪負責唱歌，爹哋會做和音，不過係唱唔啱嘅和音。」完騷後大會安排「地道」大排檔慶功，Jade毫不介意貼地滿場飛敬酒，她笑言女兒未曾嚐地道風味，今次讓愛女品嚐地道美食。
Jade透露希望25週年能重返紅館做巡演尾站，完騷後更到大排檔慶功，讓愛女品嚐地道美食。
