PER SE享受西九晚霞 夥晚安莉莉打造初夏音樂盛宴

組合 PER SE 將與 特邀嘉賓 晚安莉莉 於 6 月 27 日開騷，假座於 Backyard @ AXA WONDERLAND 舉行《Backyard Live: PER SE NIGHTTIME POEMS FEATURING 晚安莉莉》，PER SE 未開騷先興奮準備，仲講明彈足成日，希望 Fans 聽完夠晒 Chill：「今次畀觀眾其中一個驚喜就會係我哋有一首新歌推出！以依家計劃嚟講，應該係先演唱、再派歌，所以到時嚟嘅觀眾應該係『宇宙第一次』聽呢首歌，同埋始終都係兩隊 band 嘅 show 一定會有驚喜。」

PER SE

PER SE

PER SE 就非常貼心提醒樂迷飲夠水先入場，做足防曬準備享受初夏音樂盛宴：「做戶外 show 最勁就係有風景睇，同埋音樂聲會自然好多。咁呀我哋彈彈吓見到日落、入黑，再入到 night time！」

今次 PER SE 開騷更邀請晚安莉莉做嘉賓，PER SE 就話大家都鍾意日本音樂，台上表演時會更有感覺：「到底我哋會唔會合唱或者 cover，咁真係要嚟睇先知喇。我哋對呢件事都非常之認真，唔會就咁你彈你、我彈我咁樣個狀態啦。同埋今次難得係一個戶外 show 啦，我哋都特別設計咗一個歌單係啱 outdoor 聽。」

晚安莉莉

Backyard Live: PER SE NIGHTTIME POEMS FEATURING 晚安莉莉
Performing Artist | PER SE
Featuring Guest | 晚安莉莉

演出日期｜2026.06.27（Sat）
演出時間｜18:30 pm
演出地點｜Backyard @ AXA WONDERLAND
⸺⸺⸺⸺⸺⸺⸺⸺⸺⸺⸺
門票售價
VIP ｜ $888（企位）包括：
　• PER SE 合照福利（2:10人一張）
　• PER SE 親筆簽名 Poster 一張
GA｜$588（企位）
⸺⸺⸺⸺⸺⸺⸺⸺⸺⸺⸺
公開發售｜2026.06.01（Mon）12:00 nn
票務平台｜KLOOK
主辦單位｜耀榮文化

今年萬聖節，旺角有落！冠君產業信託旗下潮流及文化熱點朗豪坊，於萬聖節正日（10月31日）將商場門外的砵蘭街封街，化身旺角區首個最大型萬聖節街頭派對【旺角有落！朗豪坊萬聖節街頭派對】。本地人氣女團IdG Bubbles及獨立樂隊晚安莉莉一反平日形象，以嘩鬼造型登上砵蘭街主舞台接力演出，與一眾扮鬼扮馬的樂迷在街頭一起唱、一起跳，將萬聖節推向高潮！

旺角區首個最大型萬聖節街頭派對【旺角有落！朗豪坊萬聖節街頭派對】

糖妹

青春活力滿分的IdG Bubbles 7位成員，包括：Cindy、小倬、Anesa、Kathy、Yoyo、夢月、家鑾以 一身嘩鬼造型現身，帶來《春季再遇》及《歌單有我》等多首自家作品，一開場已炒熱全場氣氛。一向熱愛Cosplay的成員們今次終於可以玩盡變裝，成員Cindy興奮表示：「我哋平時都好鍾意Cosplay，今次可以正正式式扮嘩鬼上台，超開心！萬聖節就係要喺街度玩先夠氣氛！見到台下好 多朋友仔都精心打扮，仲有港式紅VAN『旺角妖巴』、『必勝麻雀鬼』同『奶茶鬼』呢啲原創港式 妖怪，真係勁有旺角街頭feel！」飲食擔當家鑾亦大讚派對好玩：「今日個派對真係好好玩！估唔 到我哋除咗可以喺度表演，仲有免費萬聖節特別版軟雪糕食，又有遊戲攤位玩，開心到唔想走 呀！」

IdG Bubbles

晚安莉莉同樣化身嘩鬼登場，在封街後的砵蘭街與樂迷大玩萬聖節！樂隊帶領全場大合唱《當我 們不再說晚安》、《我看見今晚的月色很美，你呢？》等多首熱門歌曲，台上台下一齊扮鬼一齊唱，氣氛熱爆！主唱Sinnie笑說：「上個月先喺旺角麥花臣同大家一齊賞月，今個月就扮埋鬼返嚟旺角開Party，估唔到咁快又見面！今日好開心可以喺砵蘭街唱上月派台嘅《晚．安歌》，仲要成條街嘅朋友都扮晒鬼陪我哋一齊唱，個畫面超正！多謝大家今晚同我哋一齊扮鬼、一齊癲，喺街頭開萬聖節Party真係玩到好盡興！」

晚安莉莉

晚安莉莉

舞台以外，朗豪坊今年更將旺角街頭文化玩出萬聖節新花樣：港式紅VAN「旺角妖巴」搖身一變 成為人氣打卡點，街頭嘩鬼四處出沒，加上萬聖節變裝打卡及面部彩繪等體驗，讓市民一同變身，在封街後的砵蘭街扮鬼扮馬、盡情狂歡，玩轉獨一無二的旺角式Halloween街頭派對！