夫妻肺片｜曹永廉自揭曾收女藝人「踩過界」來電 陳煒親證曾被同劇年輕男演員追求

由曹永廉、蕭正楠、吳若希、車婉婉任主持兼「婚姻求生教練」的TVB全新綜藝節目、一共十集的《K Cash找數王呈獻：夫妻肺片》，將由明天（6月1日）起、逢周一至周五晚10點30翡翠台播映。《夫妻肺片》每兩集便會請來一組星級嘉賓，暢談婚姻生活、拆解夫妻日常「炸彈」，輔助大家邁向永恆恩愛之路。

吳若希、曹永廉、蕭正楠與車婉婉於節目化身「婚姻求生教練」。

陳煒、周家蔚、湯盈盈、Eric Kwok與森美擔任嘉賓。

陳煒、周家蔚、湯盈盈、Eric Kwok與森美擔任嘉賓。

節目環境以懷舊酒樓作布置。

為了更具體點出四位「婚姻求生教練」的特質，製作組為四人起了花朵，分別是「婚姻偵察機」車婉婉、「人妻戰鬥機」吳若希、「人夫教科書」曹永廉及「人夫天花板」蕭正楠。首集嘉賓陣容強勁，女子組陣容是「千依百順型人妻」陳煒、「賢良淑德型人妻」周家蔚、「體貼型人妻」湯盈盈，男子組則是「多嘴型人夫」森美與「唔認錯人夫」Eric Kwok（郭偉亮）。

「賢良淑德型人妻」周家蔚

「體貼型人妻」湯盈盈

「千依百順型人妻」陳煒

「多嘴型人夫」森美

「唔認錯人夫」Eric Kwok

眾星都是Talk得之人，你一句我一句絕無冷場！當討論會否Check另一半電話時，吳若希自然成為被「研究」對象，不過當湯盈盈自揭不止擁有老公手機密碼，甚至連銀行密碼都瞭如指掌時，全場人士都忍不住「嘩」一聲。到底嘉樂為何會將財政大權這麼放心地放給盈盈？就要留意節目。

湯盈盈以「爸爸」稱呼老公。

陳煒講到「老公稱謂」冧到爆，到底佢平時係點稱呼老公嘅呢？

湯盈盈竟然連老公銀行戶口密碼都有，呢啲咪信任咯。

估唔到阿廉咁多艷遇，到底是福是禍呢？

陳煒自揭曾被年輕男拍檔追求。

之後大家正式進入戲肉探討出軌事件兼大派花生！當車婉婉問到在座男士們有否試過離港拍劇時被女藝人敲房門要求「傾劇本」時，曹永廉即想起自己未婚前曾收過女藝人「踩過界」來電話：「佢打嚟，傾傾吓我咪問『你喺邊呀』，『我沖緊涼呀依家』，我就覺得唔係好對路。」席間蕭正楠趁墟大爆曹永廉曾獲一線女藝人主動要求「交換房間」：「（個女藝人）一去到間酒店就敲佢（曹永廉）門，話『我間房有嘢』、『你過嚟我房度睇吓』。」愈講愈開心的阿蕭，還大爆之後發生離奇事件，係咪好想知係咩呢？！另陳煒亦自揭試過拍劇期間，被比自己年輕一大截的男藝人追求：「語言上好多撩你嘅說話」、「我年長過佢好多」。想知陳煒最後如何處理？就要密切留意明晚首播的《夫妻肺片》。

由曹永廉、蕭正楠、吳若希、車婉婉任主持兼「婚姻求生教練」、一共十集的《K Cash找數王呈獻：夫妻肺片》，逢周一至周五晚10點30分翡翠台播映。《夫妻肺片》每兩集便會請來一組星級嘉賓，暢談婚姻生活、拆解夫妻日常「炸彈」，輔助大家邁向永恆恩愛之路。

馬明與譚俊彥都是圈中出名的愛妻號。

梁諾妍、連詩雅、陳敏之都是幸福人妻。

「冇腦型人夫」馬國明

「住家型人夫」譚俊彥

今晚（6月3日）第三集迎來新一組「星級戰友」嘉賓，男子組有「住家型人夫」譚俊彥、「冇腦型人夫」馬國明（馬明），女子組則是「放養型人妻」梁諾妍、「遷就型人妻」連詩雅及「管家型人妻」陳敏之。眾人圍繞「最常講的情話」與「婚後理財」兩大主題展開熱烈討論，驚揭兩位視帝級人夫的驚人寵妻行為。

「放養型人妻」梁諾妍

「遷就型人妻」連詩雅

「管家型人妻」陳敏之

馬明尷尬怕醜講「掛住」，湯洛雯聽到一定好冧。

馬國尷尬冧豬樣講「掛住」勁肉麻
「恩愛實測」環節，眾星大方分享最常講的情話，焦點則落在出名怕醜及天然呆的馬明身上，雖然馬明的情話只有「掛住」兩個字，但由他以「招牌靦腆」樣說出份外「肉麻」，閃盲全場引爆起哄！另一特別位是，梁諾妍即場打長途電話給當時身在巴黎的洪永城Tony，Tony雖然把聲明顯未瞓醒，但仍按著老婆大玩「日常情話」競猜遊戲，搞笑之餘亦盡顯寵妻一面。

今集「夫妻互片」環節探討財政大權話題，而兩位視帝譚俊彥及馬明的寵妻程度絕對可以列入教科書級別！馬明強調自己婚前婚後均「冇乜點使錢」，蕭正楠聞言即爆料指馬明認識老婆湯洛雯前，無論工作或踢波都只孭同一個黑色單邊袋，阿蕭：「突然間有一日，佢換咗袋喎，跟住我就同老婆（黃翠如）講『馬明一定拍緊拖，呢個袋一定係女朋友送畀佢嘅』。後尾真係畀我知佢拍緊拖。所以佢真係唔使錢喺自己身上架。」

譚俊彥亦加入「爆料戰團」，指曾親眼目睹馬明在名店內用 FaceTime幫湯洛雯「代購」，阿譚邊爆料邊模仿馬明當時寵妻語氣：「BB你要唔要呢個呀？BB你鍾意我買畀你吖！」被爆料爆到極尷的馬明，即大拋被現場女士捧為天花板的「人夫語錄」反擊：「老公間唔中送個袋畀老婆，我又覺得好平常。」令全場女士開心到嘩嘩聲，曹永廉即忍不住代天下男人發聲：「你玩皺人哋啲老公呀！」過程爆笑。

洪永城未瞓醒都第一時間接電話兼滿足老婆要求，勁好呀。

蕭正楠爆馬明曾「一袋走天涯」勁慳家。

譚俊彥爆馬明Facetime幫老婆買名牌，仲要全程勁有耐性又勁冧豬。

馬明大拋「天花板人夫語錄」，全場女士聽到嘩嘩聲。

譚俊彥人工畀晒老婆，每個月只係靠老婆分配嘅零用錢作使費，錫老婆錫到哩。

陳敏之自爆陪老公囝囝打機的委屈經歷。

陳敏之自揭打機慘遭老公囝囝輪流埋怨委屈到想喊
另一位「寵妻經典」譚俊彥，則自揭將所有人工上繳老婆，自稱只得一張附屬卡之餘，並自爆每月使費來自老婆配給的一萬多港元家用：「不過我到依家都未見過張（附屬）卡，亦都唔知個密碼。我老婆個個月畀零用錢我，我得一張八達通。」陳敏之聞言好奇問：「如果你喺街見到對鞋好鍾意，你點買呀？」譚俊彥的答案令吳若希反問他平時如何生活，曹永廉則說：「同佢傾偈，我想喊呀！」欲知阿譚答案，記住留意節目。

至於女子組則全員強調Shopping用私己錢，並非常支持老公的嗜好。陳敏之自揭為了陪老公和兒子，專誠逼自己陪二人打機，可惜卻慘遭埋怨，一度委屈到想喊。欲知詳情，一定要睇今晚播映的《夫妻肺片》。