由森美、Eric Kwok（郭偉亮）帶領Plan V成員李茵彤Desta主持、Eric Kwok擔任音樂總監的互動音樂Game Show《AlipayHK呈獻：唱錢》（英文名：Music Money Monster），昨（5月30日）晚播出一集的嘉賓是實力唱將小肥。一向唱Live冇難度、被Eric Kwok譽為「感情澎湃」野馬的小肥，賽前講明用音樂玩遊戲冇信心，並揚言上《唱錢》最大目的是為觀眾謀最大福利，所以幾乎每首歌都要「勒住嚟唱」，結果終順利唱至Level 8，並選擇提款為家庭觀眾爭取一萬港元現金獎。
唱《今期流行》，當然要跳「拜神舞」。
小肥釋放感情唱《今期流行》，愈唱愈低分。
Eric Kwok與李茵彤聽到手郁郁跳「拜神舞」。
險險過關，小肥大嗌：「玩嘢吖嗱！」
小肥被《別怪她》的低音考起。
小肥今集挑戰歌單為Level 1《今期流行》綜合成績：90.1%、Level 2《假使有日能忘記》綜合成績：94.7%、Level 3《餓狼傳說》綜合成績：95.5%、Level 4《別怪她》綜合成績：91.3%、Level 5《寵物》綜合成績：92.1%、Level 6《1874》綜合成績：94.9%、Level 7《螞蟻》綜合成績：90.1%、Level 8《最佳損友》綜合成績：94.6%，值得留意的是，小肥雖然8首歌都獲得90%以上佳績，但仍忍得住選擇提款離開，相當保守！
點擊看圖輯
唱《今期流行》，當然要跳「拜神舞」。
小肥釋放感情唱《今期流行》，愈唱愈低分。
Eric Kwok與李茵彤聽到手郁郁跳「拜神舞」。
險險過關，小肥大嗌：「玩嘢吖嗱！」
小肥被《別怪她》的低音考起。
成功過關，小肥開心到跳起！
唱完首本名曲《寵物》，小肥「虛脫」跪地。
小肥唱《最佳損友》獲讚「如履平地」。
小肥選擇「提款」，為觀眾爭取一萬元現金獎。
小肥試唱Monster歌曲《大大公司》，Fail收場！
若只為自己，小肥必定會挑戰Monster。
小肥呢個「報仇唱」好幽默。
跌咪事件「案發過程」，Desta啲反應勁Cute。
小肥事後坦言，若果獎金是屬於自己而不是觀眾，他會選擇繼續挑戰Monster：「如果呢個節目啲錢唔係為觀眾搵，而係為我搵，我會衝出去。」最終小肥還是試玩了Monster歌曲《大大公司》，並唱了約15秒已跌入危險區，結果小肥捱了約40秒左右宣布失敗，獲Eric Kwok及森美大讚「及早離場」醒目。
成功過關，小肥開心到跳起！
唱完首本名曲《寵物》，小肥「虛脫」跪地。
小肥唱《最佳損友》獲讚「如履平地」。
小肥謙虛自省：要再重新審視吓自己音準問題
搞笑的是，昨晚節目出街後，小肥主動在個人社交網「復仇重賽」高歌《大大公司》，結果引來網民連番好評，小肥逐一回應之餘，還一再謙虛自責：「唉～實在過獎！不過因為呢個節目要再重新審視吓自己音準嘅問題，其實可以小心啲」、「衰咗就衰咗，練得唔熟。」
小肥唱陳奕迅歌曲如履平地
播映了一段時間的《唱錢》，最近出現了一個異象，就是即使多強的參賽者，都會在Level 1遇險，如果撞著是快歌，遇險度更會激增！今次小肥挑戰Level 1 的《今期流行》便同樣出現事故，由於Eric Kwok事前叮囑小肥要「脫韁」地盡情獻唱，但反而令小肥音準驟降跌落黃區，事後小肥不甘大嗌：「玩嘢吖嗱？！」似向Eric Kwok詐型，十分搞笑。與其他高手一樣，小肥是「遇強愈強」系列，他挑戰Level 8《最佳損友》時，獲森美及Eric Kwok激讚「如履平地」。
小肥選擇「提款」，為觀眾爭取一萬元現金獎。
小肥試唱Monster歌曲《大大公司》，Fail收場！
若只為自己，小肥必定會挑戰Monster。
小肥呢個「報仇唱」好幽默。
跌咪事件「案發過程」，Desta啲反應勁Cute。
今集還有一個搞笑小插曲，由於《唱錢》每次挑戰前，都會有招牌拋咪動作，負責人為郭偉亮及「可愛擔當」Desta。昨晚一集其中一關，當大家氣勢如虹嗌完《唱錢》，郭偉亮例牌將咪拋給Desta，不過Desta今次就完全接唔住（之前都試過幾次危危乎），變成「跌咪意外」，尷尷尬尬的Desta只能即時下台執番；與郭偉亮一齊食晒花生的森美，則忍不住笑晒口：「（跌咪）終於都發生喇。」昨晚這個小插曲，在網絡亦氹到不少網民好開心。
