夫妻肺片｜蕭正楠為滿足黃翠如願望求足4次婚 羅力威超浪漫「才華型」求婚過程全公開

由曹永廉、蕭正楠、吳若希、車婉婉任主持兼「婚姻求生教練」的TVB全新綜藝節目，一共十集的《K Cash找數王呈獻：夫妻肺片》逢周一至周五晚10點30分翡翠台播映。《夫妻肺片》每兩集便會請來一組星級嘉賓，暢談婚姻生活、拆解夫妻日常「炸彈」，輔助大家邁向永恆恩愛之路。

吳若希（左起）、車婉婉、曹永廉、蕭正楠一同主持《夫妻肺片》。

星級爸爸陳展鵬（左）和周志康。

星級媽媽雨僑（左）和賴蔚玲。

陳展鵬話自己係「老錢夫」。

「天使與魔鬼型人夫」周志康。

今晚（6月5日）第五集迎來「星級爸媽」嘉賓，男子組有「老錢夫」（意指穩重有錢有內涵）陳展鵬（煎Pan）、「天使與魔鬼型人夫」周志康，女子組則是「二十四孝人妻」雨僑、「依戀兒子型人格阿媽」賴慰玲。

雨僑自稱係「二十四孝人妻」，睇嚟老公羅力威好幸福喎。

賴慰玲話自己係「依戀兒子型人格阿媽」。

今集兩大話題，分別是求婚／被求婚過程，以及佗B時女方和男方的不同視角及特別經歷。先說求婚，不但是4位主持或是4位嘉賓，「求婚過程」均相當特別，而節目抵死之處是，當要求4位嘉賓各自說出自己視角的版本後，會要求二人致電另一半求證，結果先後出現「口供唔夾」及「冧到爆炸」兩種版本。先說「口供唔夾」，代表人物是陳展鵬及單文柔。

大家探討「求婚」話題。

陳展鵬自爆在床上摺戒指求婚被嫌唔夠認真。

單文柔隔空投訴，二人口供唔夾，一度出現爭拗。

陳展鵬自揭自己先是趁單文柔熟睡時，將自己摺的紙戒摺套在對方手上，即遭吳若希取笑：「你係逼人結婚！」陳展鵬又指事後又再到英國補上正式求婚。但搞笑的是，當陳展鵬致電單文柔時，單文柔劈頭第一句是：「你好似冇認真求婚喎」，陳展鵬只能搞笑遮醜：「你唔記得唔好亂嚟，影響我形象喎」，之後二人又出現兩大「口供唔夾」位，更一度出現爭拗，最後單文柔憑一句：「你係咪唔舒服呀，你把聲咁樣嘅，記得飲多啲水喎」，成功引來全場起哄及為二人對話畫上完美句號。對於自己口供與老婆大有出入，陳展鵬事後笑言一額汗。

阿蕭向翠如求過四次婚，二人講電話時恩愛十足，好幸福呀！

羅力威求婚過程好浪漫，雨僑話當時大家都喊晒。

羅力威陪返工，果真係好老公。

賴慰玲被求婚過程原來有晒劇本。

至於「冧到爆炸」代表，則有主持蕭正楠及雨僑老公羅力威。蕭正楠自揭先後在過山車及靚靚教堂求婚，並笑言「過山車求婚」因心理壓力太大導致失敗，事後更被翠如發現不開心。事後當阿蕭致電翠如求證時，翠如爆出一句：「你同我求過咁多次婚，你講邊次呀？」後，還開心自爆：「我強逼你同我求婚吖嘛！」之後更幫阿蕭補充第三次及第四次求婚過程，原來阿蕭之所以求足咁多次婚，全因翠如「鍾意嗰種（被求婚）感覺」，寵妻程度幾近瘋狂。

至於羅力威向雨僑的求婚過程亦相當浪漫，雨僑透露當時去到羅力威屋企發現大門沒有鎖，並聽見琴聲及小提琴聲，之後打開門，雨僑看到地上用蠟燭鋪成了一條路，最終經羅力威準備好的指示，雨僑找到了戒指盒及寫著「可唔可以嫁畀我」的字條，兩人最後感動落淚相擁。雖然過程聽落浪漫到爆，但雨僑卻指出了兩大爆點，第一是羅力威「啲字好核突」，第二是「羅力威著住睡衣行出嚟」，果真是樂壇「估你唔到」表表者。羅力威另一「估你唔到」位，是他原來親臨錄影廠陪雨僑錄影，果真「暖男人夫天花板」。

由曹永廉（阿廉）、蕭正楠（阿蕭）、吳若希、車婉婉任主持兼「婚姻求生教練」的TVB全新綜藝節目《K Cash找數王呈獻：夫妻肺片》，今晚（6月8日）一集四位主持會與陳展鵬（煎Pan）、周志康、雨僑、賴慰玲分成男女子組，討論升呢父親後「男人的感慨」，以及「豬隊友現形記」！

焦點圖片

蕭正楠被踢爆開工成日偷時間同「蕭哈哈」視像

先說男子組，煎Pan、周志康、阿蕭及阿廉一嚟便不約而同感慨升呢爸爸後，在老婆心目中地位變低，當中最誇張的非周志康莫屬。周志康分享曾試過出trip工作期間，被老婆完全無視長達兩日：「佢兩日完全冇搵過我，Message都唔畀我，我心諗：『老婆你可唔可以搵吓我？』」、「呢個關心我都好需要架。」又自揭試過被老婆趕出廳：「我細女好鍾意同我玩，我一喺度佢就難瞓啲，我老婆瞓唔到又會好忟憎，所以我就畀人趕咗出廳。」

周志康、陳展鵬、曹永廉與蕭正楠傾「新手爸爸之苦」傾到忘晒形。

煎Pan則透露婚後「電話愈嚟愈多」，而「抵死孖寶」阿廉則踢爆阿蕭升呢父親後，一有工作空檔就會打給翠如和囝囝「蕭哈哈」視像，阿廉：「佢會係咁喺度哈哈哈」。阿蕭聞言又再「好男人」上身：「我個仔七、八個月時我走咗兩個星期拍嘢，我知道一個女人去湊住一個仔其實好多煩惱，所以都想做多啲嘢。」

阿廉扮阿蕭好冧咁揸住電話同囝囝視像通話。

除了感慨，4位星級爸爸還分享了不少做爸爸的辛酸及驚嚇事件，當中繼續以阿蕭「一枝獨秀」。阿蕭坦言初為人父時，因要兼顧工作、湊B及太太情緒、經常攰到渾渾噩噩，有次沖奶時，竟大懵拿錯大Size奶粉殼，意外為「蕭哈哈」加料：「有次我沖奶，一定係六殼加水嘅，但我攞錯咗個（大）殼，但又唔夠瞓喎就唔覺啦」、「當時個仔飲完第一啖後，係『嗯？』咁望住我…」阿蕭續指由於每次沖完奶，翠如都會問番「操作程序」，當翠如問到：「係咪嗰個殼呀？」阿蕭才猛然醒覺：「咦？唔係嗰個殼喎」，阿蕭：「嗰吓我真係驚，但嗰次我係冇講嘅，過咗幾日之後，我先講番其實我搞錯咗，仲話以後都唔會搞錯架喇。」

阿蕭憶述「沖錯奶」情況。

阿蕭憶述「沖錯奶」情況。

阿蕭畀BB望實，即刻知自己攞錯奶粉殼。

阿蕭畀BB望實，即刻知自己攞錯奶粉殼。

至於煎Pan，則分享了當年拍《鐵拳英雄》時，正值老婆單文柔剛生完女，有天他凌晨四、五點回家，強撐睡意幫手湊女，並以為學過為幫BB包巾便很容易，豈料因為「塊布短咗」，結果搞到朝早七、八點，認真陰公。煎Pan又坦承自當爸後Me time近乎絕迹，但他坦言不但不覺得是犧牲，還笑言好Enjoy：「我以前不嬲鍾意去邊就邊，依家係完全成個節奏變晒，我Enjoy嘅。」

展鵬學過BB包布，點知Size唔一樣即刻被考起。

展鵬學過BB包布，點知Size唔一樣即刻被考起。

雨僑爆囡囡一單獨對住爸爸就喪喊 揭羅力威「驚人」處理女兒爆喊手法

女子組方面亦是七嘴八舌討論湊B搞笑及驚險事，出名是「豬隊友」的羅力威，再被老婆雨僑大爆「豬隊友事件簿」，令身處現場的他極尷，只能以笑遮醜。雨僑除分享了不少人均知道的「亂髮阿女」小學面試事件（之前已分享過），還有阿女對住羅力威的爆喊日常，直指與羅力威結婚是「中晒伏」兼「錯晒」：「開頭覺得呢個男人可付託終身，同埋可以做爸爸，點知錯晒，佢係超級豬隊友嚟，我只要一行開我個女就喊。」 雨僑續指試過沖完涼出來，見到阿女「大字型」攤在地上狂喊，羅力威則直接「放棄」坐在旁邊撳手機，又笑言就連羅媽媽都曾被羅力威的「豬隊友」行為嚇窒，十分爆笑，雨僑：「好想同佢（羅媽媽）講其實佢個仔日日都咁對佢個孫。」

一講「豬隊友」，成班女士超興奮。

雨僑狂數「豬隊友」羅力威。

雨僑狂數「豬隊友」羅力威。

羅力威勁尷尬，以笑遮醜。

至於賴慰玲老公，則獲阿賴激讚是「神隊友」，阿賴驚揭原來兩位小朋友一歲前，都是阿賴老公包辦沖涼，認真靠譜。阿賴：「大仔一歲之前，同埋我細仔一歲幾啦依家，我都冇幫佢哋沖過涼，因為我覺得好Fragile，好驚呀，跟住我老公全部搞掂晒咯！」阿賴續指有次因為貪好玩，意外搞到大仔「鼻血狂流」，當時老公一個淡淡然的反應，令阿賴勁Guilty，到底係乜？

賴慰玲讚老公好識照顧小朋友。

賴慰玲讚老公好識照顧小朋友。

而兩位主持婉婉及吳若希，則輪流分享驚險事，婉婉指阿仔BBQ小時候，曾因食蕉哽親，面色0.1秒變成紫色，令婉婉極度慌亂，礙於當時家裏沒有其他人，婉婉情急之下想出救仔大法，全場為之嘩然，想知係乜？密切留意節目。

車婉婉大爆囝囝哽親的驚險過程，想知咩事就一定要留意節目。

車婉婉大爆囝囝哽親的驚險過程，想知咩事就一定要留意節目。

蕭正楠與陳展鵬原來係小學同級同學 煎Pan揭細個勁奀皮常被打到雙腳開花

今集「夫妻互片」環節主題是「四大長老」，8人輪流拋出對「四大長老」的各樣謎思，吳若希自揭與奶奶是「最佳拍檔」，並自爆與奶奶在家中話晒事：「我奶奶係好叻嘅女人嚟，所以基本上屋企啲嘢都係我哋女人話事」、「同埋我奶奶好識得交位畀我。」而談到上一輩多會「體罰」時，煎Pan自揭小時候常被打到雙腳開花：「我記得小學著短褲，成隻腳都係交叉，幾尷尬呀」、「我細個好曳架，你唔好睇我啲角色呀。」阿蕭聞言即自爆與煎Pan是小學同級同學，並大讚煎Pan「嗰時乒乓球已好叻」。

一講「四大長老」，蕭正楠即戴定頭盔。

阿蕭介紹阿廉：「呢個係我乞兒Friend。」全部人笑到癲咗。

阿蕭介紹阿廉：「呢個係我乞兒Friend。」全部人笑到癲咗。

阿廉即扮乞兒乞錢。

原來阿蕭與展鵬係小學同學。

志康喺兩個女面前狂讚自己靚仔。

志康喺兩個女面前狂讚自己靚仔。

節目尾聲請來輔導心理學家吳芷嫣，指出有研究顯示最嚴重的姻親關係是婆媳糾紛，除分享日本有調查顯示太太覺得與奶奶的「最理想安全距離」，並教授男士們「維繫婆媳關係的三大要訣」。欲知詳情，記得密切留意今晚播出的《夫妻肺片》。

輔導心理學家吳芷嫣

吳芷嫣教大家如何處理婆媳糾紛。