第五屆「香港潮州節」，已於昨日（6月5日）假香港會議展覽中心盛大揭幕，本屆陣容空前鼎盛、星光閃耀，宣傳大使黃宗澤（Bosco）聯同星級嘉賓鄭希怡（Yumiko）與連詩雅（Shiga），不但出席開幕典禮，更參與由香港潮屬社團總會副主席兼第五屆「香港潮州節」籌委會主席楊玳詩與大會司儀林盛斌攜手主持的《名人Chill Time 下午茶》活動，暢談身為「架己冷」的趣事。
黃宗澤（Bosco）、鄭希怡（Yumiko）與連詩雅（Shiga）大談「架己冷」趣事。
楊玳詩首先代表大會感謝三位嘉賓身體力行支持「香港潮州節」，原來Bosco、Yumiko與Shiga都是潮州人，Bosco笑言對潮洲話仍有記憶，尤其某個時刻更大派用場：「講秘密的時候，我就會講潮州話，譬如剛才吃飯埋單幾多錢，不想別人聽到就會講潮州話。」Yumiko表示略懂「自己人」（架己冷）與「好好食」的潮州話，Shiga則笑言只識深入民心的魚旦廣告宣傳語：「好好食、個個食！」本屆「香港潮州節」以「潮味薈萃」為主題，匯聚地道潮汕美食，三位嘉賓參觀各個香味四溢的攤位後，自然忍不住食指大動，Bosco至愛潮州傳統美食「薄殼」，他說：「一見到就流口水，立即準備兩碗飯去『送』！（會揀食橙色或白色？）我又沒有想過，可以吃到已經好開心，不過吃完條脷好易損晒！」
點擊看圖輯
黃宗澤（Bosco）、鄭希怡（Yumiko）與連詩雅（Shiga）大談「架己冷」趣事。
Shiga大爆女兒對哥哥「心心眼」。
都說潮州男人較為強勢，Bosco卻從不認為自己是個大男人，他笑道：「現今世代男女平等，只有在給家用的時候，才自覺有少少地位！」問到找尋另一半，Bosco亦不一定要找潮州女友，如果可以選擇，他笑言寧願揀車、揀狗；活動前一晚Bosco在家親自下廚煮日式咖喱宴請好友，怎料冷氣機卻突然壞了，大家愈吃愈熱，要急急翻出屋內所有風扇，夜深更要開足三把才能入睡，他説：「因為需要訂購冷氣機零件，未來幾天要抵住炎熱天氣，會買部冷風機頂住先！」
Yumiko力證爸爸重女輕男。
身為潮州姑娘的Yumiko，同樣力證爸爸不會重男輕女，反而疼惜女兒多一點，自小爸爸帶她從潮汕搬到上海居住，談到父親節將至，她斷言道：「我會令女兒覺得父親節不重要，母親節比較重要！」女兒「梁浸浸」快將升讀中學，看來已有少女心事，Yumiko會旁敲側擊探問是否有心儀男生，幸好現在仍未拍拖。
Shiga與老公陳家樂的愛女年僅兩歲，暫時還未想像女兒拍拖的問題，先享受目前可愛活潑的美好時刻，Shiga大爆女兒看到比自己年長、大概七至八歲的哥哥會「心心眼」，家樂就會呻醋表示不會儲存這些短片留念，令她啼笑皆非。
Bosco講潮州話有特定時刻。
第五屆「香港潮州節」即日起至6月9日，香港會議展覽中心 Hall 3G 盛大舉行，免費入場。
由周家怡、海兒（Hedy）及李靖筠（Gladys）主持的汽車節目《恨駕女團》今集請來黃宗澤（Bosco）做嘉賓，這次除了是他首次拍攝駕車節目，他更首度借出自己私藏、1968 Ford Mustang Fastback讓節目拍攝，絕對是獨家曝光。
黃宗澤（Bosco）為周家怡、海兒（Hedy）及李靖筠主持的汽車節目《恨駕女團》擔任嘉賓。
Bosco首度借出私藏1968年Ford Mustang Fastback古董車，直言是兒時Dream Car。
Bosco透露，這輛車是兒時Dream Car，「細個睇戲都未知係乜嘢型號，點解呢架車咁靚呢？好似好多電影入面都會出現，跟住自己又做呢行，越嚟越留意呢架車，終於忍唔住買咗返嚟。」可見他對這車相當有感情。他指車款約七年前從澳洲購入，「大約六、七十萬，原本係黃色，加上油漆麻麻哋，結果索性全車拆晒重新整過，整好後冇再計總數幾多錢啦。」講到現時車庫收藏，Bosco坦言共有九架車，對車的熱愛可見一斑。不過話音未落，Hedy即謂：「我都想忍唔住買架Stingray。」Bosco聽完即刻接招，笑住話：「係咩？我下個禮拜去買。海兒老師你係咪鍾意嗰架？（Hedy：記住係1963年。）知道！我即刻去搵。64（年）、68（年）嘅我都唔買，我就係要63（年），哈哈。」Hedy笑到收唔到聲，氣氛即時升溫。家怡指本想邀請Bosco拍reels，但Bosco回應，「我係同海兒老師拍，唔係同你拍㗎喎。同埋我架車係借俾海兒老師揸㗎喎。」搞到Hedy又尷尬起來，「Anyways⋯⋯」十分搞笑。
他透露車庫共有九架車，即場答應為Hedy物色1963年車款，甜到漏。
隨後三人登上古董車，一邊遊車河一邊傾偈，講到感情及擇偶條件，Bosco大方分享自己對另一半的要求。家怡拋出男人及女人「不可能的鐵三角」時，Bosco坦言如果只能選兩樣，他會選好脾氣及能力，「靚女點定義先？我覺得順眼，呢個就係我個type，人哋可以覺得唔係㗎嘛。要相處，有能力同脾氣好，我得緊要過靚女，我自己唔鍾意好嗲，我唔得㗎，我會鍾意比較爽一啲。」說得十分直白，更笑指自己不為「嗲功」所動。
周家怡透露心態轉變，今年覺得可以拍拖。
至於為可至今仍未結婚，Bosco指跟自己單親家庭成長有關，出世不久父母便離婚，小時候完全沒有家庭畫面，所以對「完整」的理解跟一般人不同，反而覺得現在已經十分完整，不需要靠結婚圓滿，「我都係一個人長大，所有嘢都係自己搞掂。如果我生咗細路，我點樣教佢呀？」家怡和議：「係呀，你養隻貓，你教得佢唔好，佢都係打爛你屋企啲嘢，你自己受番；你教個小朋友教得唔好，佢出嚟社會就係為害人間㗎啦喎，或者我生咗個仔出嚟，大個好鍾意溝女，咁佢都令好多女人傷心，我唔知我使唔使有份受㗎嘛。」至於將來點樣用錢，Bosco就話：「臨死之前使晒啲錢佢！使唔晒就送晒俾人，無牽無掛走咁就得㗎啦，呢個世界都帶唔走一蚊。」講到單身生活，家怡指單身都有單身的自由及開心，又分享自己近年心態轉變，「之前係單身咗好耐，但今年開始唔知點解突然間覺得可以拍拖，我之前直程驚㗎，可能因為之前啲經歷都麻麻哋。不過可能同自己都有關係，我覺得我以前唔識拍拖。」
Bosco大爆老友林峯「偶包成噸重」。
畫風一轉，談到「偶包」話題，Hedy指家怡是她們三個（《恨駕女團》主持：周家怡、李靖筠及海兒）當中，完全沒有偶包的一個，Bosco亦指自己沒有，即被家怡調侃，「你本身靚仔，唔驚吖嘛。」Bosco即隨大爆好友林峯「料」，「冇關係㗎，你睇吓林峯！哈哈。個偶包成噸重，成個貨櫃咁大㗎佢！我同佢咁friend唔怕講㗎嘛，我都要爆吓阿峯啲嘢，我哋同埋卓羲做gym係同一個教練，我哋着背心、着條短褲加legging，搵個髮夾夾住頭髮就嚟㗎啦嘛，阿峯唔係，着晒套裝嚟，哈哈，又帽tracksuit咁樣，你睇吓佢幾重偶包！」
Bosco大方分享擇偶條件，笑言「好嗲我唔得，鍾意爽啲」，又坦言因單親家庭成長，自覺生活已完整，不一定要結婚。
