任遊戲節目主持無懼「鐵粉」曾傲棐挑機 陳啟泰：我係「六十後」最Sharp醒嘅主持！

陳啟泰日前現身港鐵總部主持全新遊戲節目《鐵聲之巔：百萬積分爭奪戰》，藝人曾傲棐、YouTuber嘉盈、Jon Jon夥拍資深鐵路迷一較高下，眾人透過日常觀察力、敏銳的聽覺以及全面的鐵路知識解答各種與港鐵有關的「聲音」題目，最終由嘉盈於終極之戰奪冠並獨得100萬MTR分 。

陳啟泰日前現身港鐵總部主持全新遊戲節目《鐵聲之巔：百萬積分爭奪戰》。

藝人曾傲棐、YouTuber嘉盈、Jon Jon夥拍一眾資深鐵路迷一較高下。

最終由嘉盈於終極之戰奪冠並獨得100萬MTR分。

觀看相關影片按連結：https://youtu.be/1Qs2Q_khXCg

久休復出的陳啟泰表示，現時積極運動盼重回巔峰狀態：「好多朋友都知我之前病咗一段時間，當時重到200幾磅，依家都減番去180磅，其實磅數唔緊要，最緊要係冇咁腫、冇咁肥，應該仲有得進步嘅 。」已「登六」的陳啟泰笑言盡享樂悠咭福利，不時乘坐港鐵出入，笑言平時坐車都歡迎街坊與自己合照：「港鐵見到我呢，係非常平常嘅事，自從攞咗樂悠咭之後就兩蚊、兩折！不過我坐車時唔鍾意做低頭族，反而會留意身邊嘅事，我真係超級無聊數過有18下嘅閂門『嘟嘟聲』，有機會都想去試吓做車長廣播！」

陳啟泰

陳啟泰

今次比賽圍繞港鐵熟悉的聲音，陳啟泰表示「無諗過」可以由聲音變成遊戲節目， 今次活動將兩種香港人有共鳴的元素——港鐵聲音同經典遊戲節目crossover，令節目更有話題性與娛樂感。他 表示他自主持《百萬富翁》後，就拒絕參與所有遊戲節目做嘉賓：「因為我自從做咗《百萬富翁》主持之後，我覺得既然做咗一個比較標誌性遊戲節目主持，我就拒絕上所有嘅遊戲節目，其後有啲人邀請過我都婉拒咗。（節目嘅獎品吸引呢？）我後生嗰陣都玩過《掌門人》，當時最恨贏一噸電油，因為當時好鍾意揸車，成日計一噸電油有幾重、可以揸到幾多公里不過今次啲獎品都好吸引，有100萬MTR分可以用嚟換港鐵車飛、商場禮券等，其實我都幾想要 。」

陳啟泰

陳啟泰

陳啟泰與一眾YouTuber齊齊拍節目，但表示沒有看過對方頻道，笑言叫後輩「放馬過嚟」：「我擔心佢哋跟唔到我，因為我係『六十後』最Sharp醒嘅主持嚟㗎嘛，我係主持，佢係參賽者，佢哋越牙尖嘴利，我轉數就越快，成個節目出嚟呢就會越好睇。」

曾傲棐、嘉盈、陳啟泰、Jon Jon

而曾傲棐自認「鐵粉」，講起鐵路歷史越講越興奮，還勾起昔日「情史」：「如果有機會我會想喺車廂中拍MV，因為舊時有個好珍貴嘅回憶，有個女仔每日都係同一班車返學，但從來都唔敢問佢IG 、唔知佢叫咩名，每日返學就係望住囉，即係你大概知係『761P』 第二卡車廂、去到尾呢就會見到佢，好想將Puppy love嘅感覺用MV去記錄低 。」

曾傲棐

曾傲棐

曾傲棐

曾傲棐又表示參與陳啟泰節目感壓力，笑言在前輩面前未敢太自信，因為通常越自信結果越「慘烈」：「因為我同佢坐得最近，一位電視前輩跳咗出嚟，的確有啲緊張嘅。（睇佢節目成長？）我梗係唔夠膽講啦！因為我查番《百萬富翁》播出時，正正係我出生嘅年份，所以係個節目陪我成長！」 曾傲棐仲話自覺對鐵路音效熟悉，但到場後發現資深鐵路迷太厲害，令他「冇自信」撳掣搶答 ！

曾傲棐

曾傲棐、陳啟泰

由棋人香港主辦、英皇娛樂協辦，歌手曾傲棐（Arvin）首個個人演唱會《曾傲棐 Arvin T. 《Lunatique》演唱會》，在延期九個月後，於8月15日假旺角麥花臣場館順利舉行。演唱會以「失眠的夜晚」為主題，帶領觀眾穿梭於內心的恐懼、期盼、夢魘與夢想之間，亦象徵著他的音樂旅程正式邁向全新一頁。

《曾傲棐 Arvin T. 《Lunatique》演唱會》

《曾傲棐 Arvin T. 《Lunatique》演唱會》

《曾傲棐 Arvin T. 《Lunatique》演唱會》

歌手曾傲棐（Arvin）

歌手曾傲棐（Arvin）

歌手曾傲棐（Arvin）

演出序幕由大銀幕上一句「未來雖可怕 過去雖可惜 唯現在可握」揭開，Arvin 隨即以《實物落差協會》及《第三人稱》打頭陣。整晚歌曲編排極具心思，除了演唱多首個人作品如《頭號粉絲》、《單一視覺》及新歌《愛與(不)被愛》外，Arvin 亦彈唱了多首深刻影響他音樂成長的經典歌曲，包括陳奕迅的《月球上的人》、《裙下之臣》、《不如不見》，以及 Beyond 的《聲音》與《時日無多》等。此外，Arvin 特別找來樂隊「晚安莉莉」擔任現場樂隊，帶來極具爆發力的 Band Sound 演出，演繹黃貫中的《阿博二世》及《逃》，將現場氣氛一次又一次推向高潮。而在演唱《密友圈之謎》和《FM520》期間，Arvin 更走下舞台深入觀眾席與歌迷近距離互動，擺心、自拍及握手，引來全場尖叫歡呼。

演唱會以「失眠的夜晚」為主題

演唱會以「失眠的夜晚」為主題

演唱會以「失眠的夜晚」為主題

演唱會以「失眠的夜晚」為主題

唯獨唱歌這件事由中學堅持至今

唯獨唱歌這件事由中學堅持至今

唯獨唱歌這件事由中學堅持至今

當 Arvin 演唱以愛貓命名的作品《蝦餃》時，因想起有朋友的愛貓離世，一度感觸低頭哽咽。事後他謂：「我坐喺梳化旁邊隻貓燈就好似貓咪嘅身影，想起有朋友隻貓剛走……今日狀態已經比尋日好，尋日彩排係完全唱唔到。自己最深嘅感受，唔係樣樣嘢都有第二次，所以要珍惜我哋身邊擁有嘅嘢，希望大家開心。」說罷他隨即唱出 Swing 的《那邊見》，提醒大家擁抱當下。

唱畢林憶蓮的《破曉》後，Arvin 再道出今次演唱會的概念，鼓勵大家放下雜念：「我好多嘢都驚，但驚嘅情緒最唔抵，因為當件事未發生你就驚，會驚一世。我成日諗自己到底驚咩呢？呢個 Show由開始延期到今日，個Rundown 基本無咩點變。《破曉》就係講經歷咗一日喺間房度，驚又好、後悔又好，日子總要過。做人最辛苦係同自己過唔去，所以破曉之時，將所有雜念鎖喺間房度就出門口，好似嚟緊最後呢首《太陽照常升起》。」

來到Encore環節，Arvin 換上一件七年前中學時期寫滿同學祝福字句的校服白襯衫上台，唱出《森林》並道：「點解會揀《森林》？因為中學時夾 Band 能力所限，五年來來去去都係夾《森林》。我中學同學今晚喺度，仲有我音樂老師容 Sir 今晚都喺度。你記唔記得 10 年前 7 月 14 日就係喺麥花臣呢度比賽？冇你，我唔知自己會唔會唱歌。大家睇唔睇到，件衫呢度寫住『還我森林』、『開演唱會』——開緊！多謝我嘅中學同學喺七年前幫我做咗呢件演唱會嘅衫。」

Arvin 直言自己經常「驚青」但又衝動，所以常被媽媽唸三分鐘熱度，唯獨唱歌這件事由中學堅持至今。收到不少歌迷私訊追問如何練歌時，他笑言其實沒有特別練習，純粹是因為熱愛才會持續去做。最後他送上祝福：「希望大家搵到一樣令自己忘記辛苦嘅事。疫情嗰 7 個月我好唔開心，冇出過門口，頭髮長到落膊頭，係呢首歌俾到力量我，希望同樣俾到力量大家。」隨即唱出《致明日的舞》及《時間的碎片》。完場時，大銀幕打出「 過去心已逝 未來心未至 當下心不住」」，與開場字句遙相呼應。正如《Lunatique》的主題理念，月落之時，無論過往的陰晴圓缺如何，把一切放於門後，好好擁抱現在。Arvin 透過這晚的演出，向所有人展現了他對音樂的堅持與成長。