夫妻肺片｜周吉佩相隔逾十年突收前度電話解釋分手原因？譚輝智豪言靠外表吸引老婆即遭否認

由曹永廉（阿廉）、蕭正楠（阿蕭）、吳若希、車婉婉任主持兼「婚姻求生教練」的TVB全新綜藝節目《K Cash找數王呈獻：夫妻肺片》今晚（6月9日）播映的第四集迎來全新一組「星級人夫人妻」友，女子組有「黐身型人妻」何依婷、「人間清醒人妻」支嚳儀（支支）及「爽朗型人妻」莊思敏；男子組則有「我老婆係大佬型人夫」周吉佩（吉吉）及「佛系型人夫」譚輝智。眾人就「另一半最鍾意自己什麼」與「分手後能否與前度做朋友」兩大話題展開熱烈討論，驚揭吉吉的求生存欲最強，現場笑料百出！

焦點圖片

「女子組」何依婷、支嚳儀、莊思敏

「男子組」周吉佩、譚輝智

「黐身型人妻」何依婷

「人間清醒人妻」支嚳儀

「爽朗型人妻」莊思敏

「我老婆係大佬型人夫」周吉佩

「佛系型人夫」譚輝智

「恩愛實測」環節中，兩位「中年好人夫」吉吉與輝智雙雙「炒車」！吉吉自認平時「最就得老婆」，致電老婆求證時，周太起初相當畀面，大讚老公「善良、任勞任怨又唔發脾氣」，正當吉吉沾沾自喜要求老婆「講多次」，周太突然搞笑大叫：「佢讚得多就會囂㗎喇，你啲賤人！」全場隨即爆笑起哄，吉吉唯有笑着表示要趕快收線。至於輝智自信爆棚，聲稱靠「外表」吸引老婆，在場的譚太即時瘋狂擰頭，主持阿廉與阿蕭隨即起哄叫阿嫂「老老實實答喎」、「你鍾意佢啲咩」，譚太甜笑說：「夠悶咯！」被戳爆的輝智即時指著自己塊面「扮嬲」反問老婆：「你有冇望呀？」

四位主持問「另一半最愛你啲乜嘢」。

輝智自認靠外表吸引老婆，但老婆話唔係。

輝智自認靠外表吸引老婆，但老婆話唔係。

輝智自認靠外表吸引老婆，但老婆話唔係。

周太話老公唔讚得，吉吉即刻嗌收線。

「霸氣」莊思敏係鱷魚頭老襯底 對住老公變小鳥依人

「女子組」方面則狂放閃光彈！莊思敏自評性格夠「爽快」，卻被吳若希取笑是「鱷魚頭老襯底No.1」。當莊思敏致電老公時，電話另一端傳來極溫柔的「老婆呀？」一向給人豪邁、強勢的莊思敏瞬間化身小女人露出冧樣，甜笑問：「你鍾意我啲咩？」老公隨即發動情話攻勢：「好多嘢喎」、「可愛、性格好、錫我」，聽得莊思敏非常滿意，在旁的吳若希羨慕得大叫「好Sweet呀」！自認「情商高」兼理性的支支，因老公忙於工作，遂致電兒子代答，豈料囝囝先是沉默，隨後連環拒絕：「我唔知呀、「喂呀」、「拜拜！」遭囝囝無情拒絕的支支極度無奈，並搞笑扮嬲掟手寫板。

莊思敏對住老公秒變小鳥依人。

支支囝囝唔願答問題，支支扮嬲掟手寫板。

支支囝囝唔願答問題，支支扮嬲掟手寫板。

何依婷老公答唔答中呢？

吉吉曾做前度婚禮司儀 莊思敏突破盲點問「成長片段有冇你呀？」

來到「夫妻互片」環節，探討「分手後能否與前度做朋友」的話題，當中以吉吉的「分手史」最震撼！吉吉一開波講已驚到「窒晒偈」：「有唔同…有…人有唔同嘅反應」，全場瘋狂指著他來取笑！吉吉自爆與前度分手十多年、且自己已婚後，突然收到對方致電告知當初「突然消失」的分手原因。現場所有人瘋狂追問原因，吉吉說：「佢解釋就係突然間唔鍾意咯」、「佢話好Guilty，想講番清楚件事，唔想終老有遺憾。」更爆的是吉吉老婆亦認識對方，吉吉更擔任前度的婚禮司儀，莊思敏隨即突破盲點問：「成長片段有冇你呀？」嚇得吉吉尷尬稱「唔係好記得咯」，並承認現在仍與前度有聯絡，最近收到對方短訊：「因為佢問我借錢！」引來全場嘩然！到底吉吉最終有冇借錢畀前度呢？

一講前度，吉吉即刻「窒晒偈」。

吉吉驚爆前度借錢，全場嘩一聲！

譚輝智被「摸杯」動作出賣 遭取笑「緊張的手手」

其餘嘉賓亦各持不同感情觀，輝智表示自己只拍過三、四次拖，與所有前度斷絕來往，但他回答時因不斷摸杯，被眼利的吳若希發現，取笑他是「緊張的手手」。隨後輝智透露間中會收到前度在他的社交平台點讚，眾人隨即啄住不放質問「點解你會咁清楚佢Like你」，錄影廠瞬間變成「八師會審」現場。

輝智拍拖經驗少。

輝智緊張到狂摸杯兼震晒。

輝智緊張到狂摸杯兼震晒。

支嚳儀拋金句：前度令你了解人性，現任令你了解人生！

至於「瀟灑派」的支支則金句王上身：「前度令你了解人性，現任令你了解人生！」並揚言對所有傷害過她的人都會徹底斷絕來往（Clean Cut），更豪言：「如果唔係我老公都變我前度啦！」。相反「大方派」的莊思敏則表明不阻止老公與前度聯絡，只要她知情便可。而「善忘派」何依婷則坦言與前度完全零聯絡：「因為我個人比較善忘」、「分咗手就唔記得呢個人」、「大家都唔好記得大家！」

支支拋「人妻金句」。

之後眾人討論「前度禮物與照片的處置方式」，求生欲爆燈的吉吉表示：「我以前好似冇乜收過禮物，冷頸巾嗰啲咯，嗰啲梗係揼啦！問題係咩呢？咁我老婆織咗啲畀我喇嘛…」但他承認會將舊相Keep在盒內放櫃，亦有幫老婆保留前度的相片，認為是人生經歷的一部分。吉吉話音剛落，何依婷突然情緒激動，罕有以嗌破喉嚨的聲線自爆驚人家事：「我有一日喺屋企執屋，發現我老公床下底有個盒，就係嗰啲相！」她透露當時有問老公：「你啲相你想唔想留低？」究竟何依婷老公點答？求生欲有幾強？欲知詳情，一定要密切留意今晚播映的《夫妻肺片》。

前度親手織嘅頸巾，吉吉掉都掉唔切。

依婷自爆發現老公收埋前度嘅相。

依婷自爆發現老公收埋前度嘅相。

黃偉聲監製、馬焱、麥世龍編審的時裝懸疑法證劇《死有對証》，逢周一至五晚八點半翡翠台播映。主要演員有陳曉華、馬貫東、吳若希、阮浩棕、韋家雄、陳熹潼、王綺琴、王菲、許俊豪、黃嘉雯等。

吳若希用高踭鞋打前男友的片段在網上瘋傳，被封「高踭鞋女殺手」。

吳若希用高踭鞋打前男友的片段在網上瘋傳，被封「高踭鞋女殺手」。

吳若希首日上班便非常姿整，更穿高踭鞋，同事不敢叫她跑新聞，只叫她留在公司打稿或接電話。

吳若希首日上班便非常姿整，更穿高踭鞋，同事不敢叫她跑新聞，只叫她留在公司打稿或接電話。

昨晚（9月10日）《死有對証》劇情講述原本任職美妝和時裝版記者的單佩嘉（吳若希飾），因用客戶的高踭鞋打出軌男友Patrick（袁鎮業飾），被途人拍下兼放上網，她更被封「高踭鞋女殺手」，慘遭公司炒魷。她見新工時屢次碰壁，只能做港聞記者，第一天上班已被前輩詹柏宇（阮浩棕飾）嫌棄！

唔使出去日曬雨淋，吳若希邊化妝邊讚自己叻。

阮浩棕趕往案發現場拍獨家新聞。

昨晚劇情焦點落在吳若希（Jinny）與阮浩棕這對歡喜冤家身上， Jinny就算轉做港聞記者，依然貫徹貪靚作風，繼續「化行妝」、穿短裙和高踭鞋上班，加上「姿整」作風，遭同事單打：「都唔敢勞煩你跑新聞喇，你都係坐低聽吓電話、打吓稿啦！」不過Jinny對這些「單打」完全免疫，甚至樂得清閒，她一邊補妝，一邊得戚地細細聲說：「好彩今朝着咗高踭鞋啫，如果唔係咪要出去跑新聞囉！」最後還不忘自誇：「好叻呀單佩嘉你！」她除了演活港女本色外，更道盡不少打工仔「返工唔想辛苦」的心態。

吳若希抄唔切料，被阮浩棕狂鬧。

吳若希抄唔切料，被阮浩棕狂鬧。

至於阮浩棕飾演的港聞記者非常拚博，為追求獨家新聞，擁有很多「收風」渠道，甚至不惜游走在道德邊緣去攞料，與Jinny的角色形成強烈對比。昨晚一集，阮浩棕收到風得知元朗某工場發生大事，即致電報館通知同事準備寫稿，可惜接聽電話的Jinny。阮浩棕駕駛電單車抄小路趕赴現場，比警車早一步抵達。他拍完死者照片後迅速離開，接着連打五次電話，Jinny才接聽。加上女方慢條斯理地用筆抄寫報料內容，即辣㷫男方。阮浩棕連珠炮發地責罵：「新同事，唔好用手抄，用個腦去記」、「我哋跑港聞分秒必爭㗎」、「打咗五次先畀到你，聽到我電話，又聽唔切我講嘢，公司請個AI好過啦！」不甘捱罵的Jinny隨即反駁：「我今日第一日返工，聽唔切好正常啫！」阮浩棕立刻拋下一句 KO 對方：「你今日辭埋職，唔好嘥大家時間。」說罷便匆匆掛線。Jinny 完全不知道自己錯在哪裏，更嬲爆說：「好冇禮貌呢個人！」

阮浩棕回到報館，得知自己的獨家新聞仍未「出街」，原因竟是Jinny仍未寫好，即叫孟希璘接手，更寸爆Jinny：「你一篇突發寫半日呀？」他強調自己是全公司速度最快、跑得最多突發新聞的記者，並再次指Jinny不適合做突發記者，勸她辭職。

阮浩棕回到公司，知吳若希未寫完稿，即叫孟希璘接手，吳若希大表不滿，反遭阮浩棕寸爆。

阮浩棕回到公司，知吳若希未寫完稿，即叫孟希璘接手，吳若希大表不滿，反遭阮浩棕寸爆。

隨後Jinny到殮房找陳曉華訴苦，無意間撞見工場命案死者的兒子與新抱，但兒子認屍後發現死者並非自己父親。Jinny即致電阮浩棕，可惜對方沒接聽。Jinny趕回公司，得知阮浩棕身在男廁，竟二話不說衝入去報料。她雀躍地說：「原來死者唔係身份證嗰個人，我啱啱喺殮房攞到嘅第一手消息。」不過阮浩棕正在小解，嚇得急急拉上褲鏈：「咁點吖？」Jinny表示覺得是很爆的新聞，不過阮浩棕說：「點爆都唔夠你走入男廁咁爆！」場面惹笑。

阮浩棕飾演「踩界記者」，引起網民熱估他是忠定奸：「真的好難一眼看穿他的角色，這個角色太難定義了」、「他到底為了爆料賺錢，還是背後藏著更大的詭計。」另有不少網民讚他與Jinny合作很有火花：「嘉嘉和大老詹（阮浩棕）又是一對爆笑歡喜冤家，尤其是大老占那張嘴，是真的很毒，看他倆日常鬥嘴，見面就吵很有樂趣」、「今晚驚喜當屬戲份終於多起來的詹柏宇，阮浩棕演得非常出色，這個角色真是很適合他，和吳若希飾演的單佩嘉也特別有火花。」

吳若希於殮房聽到獨家消息，一臉得戚。

吳若希心急下衝入男廁找阮浩棕報料，但反被對方寸變態。

阮浩棕於社交平台留言，自嘲於《死有對証》的角色乞人憎：「或者佢係幾寸幾乞人憎嘅，但唔理，起碼扮晒嘢懶係型咗先。」他接受官方訪問時坦言，擔心角色太囂張令觀眾討厭，所以演出時會找平衡點：「好開心監製睇完都覺得順眼，覺得個角色只係做嘢好認真。」為拍此劇，阮浩棕透露特別染啡頭髮去配合角色，他又稱劇組安排他穿背心很有心思：「着起上嚟好似我哋啲PA（助理編導）同事，但非常合理，因為我個角色要帶好多記憶卡喺身。」

阮浩棕於劇中經常揸電單車追訪新聞，但原來他現實中沒有電單車牌，所有行駛中的畫面都是用替身：「或者一啲近鏡見到我，係有同事喺後面推緊架車，我只係扮嘅啫。」提到他與Jinny首次合作便擦出火花，阮浩棕以「有趣」來形容：「佢個人好直接，所以基本上大家有傾有講都冇乜遮掩嘅。」不用埋位時，兩人有講有笑，合作得很愉快。隨着劇情發展，兩人將由冤家變成情侶，不少網民卻認為頗有姊弟戀的感覺；不過現年35歲的阮浩棕其實比34歲的吳若希年長，他笑言：「佢入行早過我，但我係大過佢。」

阮浩棕有畏高，但為了演出，豁出去坐天台石壆。

原來阮浩棕冇電單車牌，飛車場面由替身上場，近鏡則要工作人員從後推車。

今晚（11日）一集，阮浩棕會坐在天台邊緣的石壆上跟Jinny傾心事，不過原來他畏高，最初想拒絕，更向導演提議坐地下，但最終大家都覺得坐上去比較有型，他便鼓氣勇氣拍攝，結果拍出來的效果非常理想，覺得導演的安排非常正確：「拍嗰時我係好驚！其實導演想我再坐出啲，但我話唔得喇，腳軟頂唔順，所以就坐喺個壆入啲嘅位。」並自爆行商場時無法靠近玻璃圍欄：「譬如時代廣場好高，我唔可以行喺玻璃邊，一定要行正中間嘅，我唔知點解好驚會跌落去。」