香港探秘地圖｜61歲楊玉梅頂「牛角髻」演七彩貴婦大嗌好玩親揭多年保持100磅背後真相！

娛圈事

香港探秘地圖｜61歲楊玉梅頂「牛角髻」演七彩貴婦大嗌好玩親揭多年保持100磅背後真相！

2026年06月10日 15:00 最後更新：15:21

時裝靈異輕喜劇《鼎植口腔呈獻：香港探秘地圖》（以下簡稱《探秘地圖》），本星期一至五晚八點半翡翠台播出結局篇。昨晚（6月9日）一集莊一臣（黎耀祥飾）開始發功「狙擊」龍貴（袁文傑飾），並成功動搖了金夫人（楊玉梅飾）對龍貴的信任，而金夫人愛子金年（關曜儁飾）的生死，將是《香港探秘地圖》結局周最關鍵劇情。

考獲國際瑜伽導師牌

點擊看圖輯

焦點圖片

楊玉梅將啲咁難Carry嘅造型Carry得咁好，厲害！

成日要對住呢個公仔做戲嘅佢，笑言有時望到個公仔都會有啲驚。

呢條紅色褲真係唔係個個著到。

呢條紅色褲真係唔係個個著到

劇照

黎耀祥

Carmen清純得、冷艷亦得，得咗。

在結局周佔戲極重的楊玉梅（士多啤梨），昨晚相當搶戲，皆因飾演貴婦金夫人的她，無論「牛角髻」髮型或是超鮮艷造型均相當Impressive，若細心留意，更不難發現士多啤梨昨晚兩大造型—Satin貼身連身裙，及超貼身紅色褲均相當蝦人著，但現年61歲的士多啤梨卻Carry得相當好，接近零唧肉狀態，弗到漏油，難怪有網民讚她靚女。

談到金夫人，士多啤梨受訪時坦言「好好玩」，並笑言作為演員，就是喜歡嘗試不同類型的造型：「尤其係個髻，呢個髮型既有古裝又有民初Feel，啲衫嘅顏色係難Carry嘅，尤其我哋呢啲年紀，會搞到好誇張咁。但因為我不嬲鍾意colourful啲，我屋企都好多colourful嘅衫，所以我自己試造型時覺得好靚。我覺得演員可以試唔同造型係好開心嘅事。」士多啤梨續指由於「牛角髻」造型set up需時，故她每次都會提早2小時化妝預備：「唔想遲咗要其他人等，相當專業。」

楊玉梅：成日Remind自己要對得住當年選美嘅評判

根據網上資料，士多啤梨至今仍保持100磅以內的完美身材，除了飲食清淡，士多啤梨還有恆常運動，每次持續2小時，並考獲了國際瑜伽導師牌。談到保健養生心得，士多啤梨笑言最緊要開心：「飲多啲水，我不嬲唔煙唔酒唔食藥，我鍾意天然同古法嘅養生同治療。因為我選美嗰陣攞咗最上鏡同埋完美體態，所以我成日Remind自己唔好走樣走得太過份，要對得住當年嘅評判。」談到拍攝趣事，士多啤梨笑言除因頂著誇張造型外出吃飯時惹來「奇異目光」，亦試過在荒山野嶺拍戲時遭蜘蛛網纏身，令她覺得有點恐怖：「但其實工作人員好好架，佢哋喺我哋去拍之前，有專登幫我哋除蟲同埋清咗一浸蜘蛛網。」

三屆視帝黎耀祥極謙虛：都係盡力去做啦

另一位弗到極代表，還有我們的視帝黎耀祥祥哥。昨晚劇情講述一臣因激嬲王秀儀（倪嘉雯飾）另一人格「Sa姐」，遭追足幾條街兼被「Sa姐」死練住唔放，十分刺激；而現年62歲的祥仔，在場口中同時展現了驚人的敏捷身手及跑速，令網民不禁驚嘆演得、跳得兼且跑得的祥哥寶刀未老。

談到昨晚喪跑戲，祥哥謙稱是幕後武指及攝影師功勞，才能他看上去跑速極快：「我都唔係好弗架咋，鏡頭上感覺，因為場口有武指在場，而好多效果都係鏡頭上嘅配合。我平時都有少少運動、有啲底，但都要靠工作人員同鏡頭配合，自己拍嘅時候都係盡力去做啦。」祥仔續指場口難度在於拍攝時下雨，但與Carmen要在又濕又熱的環境、及障礙物頗多的後巷中追逐。

此外，倪嘉雯亦繼續發功搶焦點！昨晚她在劇中激罕以齊蔭黑長髮Look現身，配以天真感滿滿的甜笑，勁Pure勁True，獲網民洗版式大讚「Gfable」；除了「開心少女」樣，Carmen另一「濃妝惡女」造型同樣省鏡，網民亦大讚「黑色卡文好正」，兼讚她「淡妝濃抹總相宜」。

往下看更多文章

倪嘉雯為《香港探秘地圖》苦練外八字跑姿＋眼神一秒變暴戾網民激讚「有演技又有觀眾緣」

由王偉仁（Simon）監製、陳可兒、李昊編審的時裝靈異輕喜劇《鼎植口腔呈獻：香港探秘地圖》（以下簡稱《探秘地圖》），本星期一至五晚八點半翡翠台播出結局篇。

今晚（6月8日）一集，王秀儀（倪嘉雯Carmen飾）受「被掟入棺材」噩夢困擾，經一臣（黎耀祥飾）指點後找「問米婆」巫姑（曾慧雲飾）求助，並透過巫姑與亡母真情對話，因而憶起封塵多年的兒時慘痛往事…未幾，秀儀驚爆有第二人格「Sa姐」，極度暴戾之餘還相當打得，而「Sa姐」所做的一切都是為了保護秀儀…

「Sa姐」的出現確為結局周的《香港探秘地圖》迎來一大高潮，對「好色男」絕不手軟的「Sa姐」，昨晚在回憶片段中，對鹹豬手「Rocky」拳打腳踢之餘，還擸鐵通狂毆兼數度「飛撲擒拿」。之後，劇情驚揭一臣原來曾因目睹秀儀出入醫院精神科，跟縱之下發現「Sa姐」，一臣苦勸「Sa姐」不要太偏激，可惜卻換來怒吼「全部男人都係垃圾」的「Sa姐」一記重拳！

網民封倪嘉雯「最值得欣賞新人」
昨晚場口驚喜位，除了Carmen靈活敏捷好身手及驚人彈跳力，還有難得一見的「窮兇極惡」樣；另在與亡母「對話」場口，Carmen亦將傷心激動演繹得我見猶憐。對於Carmen在一套劇中成功駕馭角色不同情緒及氣場，網民大感驚艷，大讚Carmen是「最值得期待及欣賞新人」，並笑言無綫《Hands Up》是培育人才溫床：「倪嘉雯性格分裂演得好好、好出色」、「演技好，恰如其分」、「近期值得欣賞嘅新人，有演技又有觀眾緣」、「佢會唔會先係成套劇嘅Big Boss」、「佢係咪轉世番嚟報仇？」、「又要讚《Hands up》，點解訓練到咁多好演員？倪嘉雯雙重人格，潘靜文女鬼，陳若思又係演人格演得好出色，仲有Skylar（盧映彤）入女團」，還有網民搞笑指想不到「鐵面陳」（王致狄）唔夠打。

獲黎耀祥教授慳力秘笈
談到要兼顧兩個反差極大人格，首度進軍打女行列的Carmen，受訪時坦言接到劇本時既期待又興奮：「可以初嚐打女滋味當然勁開心，但都會緊張」，並笑言難度在於「王秀儀」造型太Cutie，為了令觀眾容易辨認不同人格，故在眼神、甚至跑姿下了不少功夫：「我擔心自己帶唔出Sa姐嗰種好勁嘅感覺，所以事前都花咗啲功夫喺眼神同埋動作姿勢度」、「好似今晚我追祥哥嗰場戲，我有特別Tune過啲跑姿，盡量外八字咁跑同埋手部動作大啲」，Carmen又謂由於自己打戲經驗淺，故拍攝時用盡全力，幸獲祥哥在旁教授「慳力秘技」。

問Carmen「飛天循地」如此好身手，是否本身運動底很強，Carmen謂：「我有打開網球、做開Gym咁嘅，唔算咩運動底嘅都。（傻笑）我好記得我嗰日打足全日，日頭追完祥哥，夜晚再打致狄，真係由朝打到晚。原來打戲體力消耗都好大，我第二日起身個人散晒，但好神奇嘅係拍嗰陣我係愈拍愈精神，一啲都唔覺得攰，仲覺得自己好有力。」

你或有興趣的文章

香港探秘地圖｜61歲楊玉梅頂「牛角髻」演七彩貴婦大嗌好玩 親揭多年保持100磅背後真相！

香港探秘地圖｜61歲楊玉梅頂「牛角髻」演七彩貴婦大嗌好玩 親揭多年保持100磅背後真相！

焦點圖片