《喜劇開場》「滿分女友」林千渟用十年時間支持阿Dee追夢 Sica愛到朋友家過夜：興起就跟人返屋企

ViuTV新劇《喜劇開場》由6月3日起，逢星期一至五晚上9時30分至10時30分播出。『紅白藍』由望（楊樂文飾）、恭仔（王智德 飾）及桂（何啟華 飾）三人組成，三人憑著一股傻勁，邊打工邊做戲，逐步建立屬於他們的搞笑戲劇組合。十週年將至，阿望與阿桂分別與家人訂下十年之約，若『紅白藍』未能於十年內成為成功組合，便會和平解散。此時，神秘忠粉馬凡（陳漢娜飾）與妹妹素素（許月湘 飾）悄然介入三人的生活，到底『紅白藍』的命運會如何發展……

《喜劇開場》劇照

《喜劇開場》劇照

《喜劇開場》劇照

《喜劇開場》劇照

改編自日劇的同名劇集《喜劇開場》現正熱播，劇中林千渟飾演阿桂女友阿思。她形容阿思是一位「100分女朋友」：「佢哋喺中學時期認識，阿桂當時已經好鍾意做Drama，用咗十年時間去追夢，而我就喺佢追夢嘅過程中一直支持佢，係一個同佢一齊成長嘅角色。」她認為，要成為一個100分女朋友，最重要是體諒，「要識得企喺對方角度諗嘢。我覺得男女之間嘅關係，最緊要係體諒同包容。劇入面佢有啲缺點我都有包容，所以我做到100分女友。」

《喜劇開場》劇照

《喜劇開場》劇照

《喜劇開場》劇照

不過在現實中，她為自己打60至70分：「即係合格啦，唔夠膽話自己好好，但係我好著重溝通，有咩事都唔可以過夜，一定要解決。」她補充指，如果問題被忽略，只會不斷累積，「累積到一個位，就算想解決都未必解決到。」談到情侶相處之道，她認為最重要是坦誠、包容和體諒，「而呢幾樣嘢其實都要睇夠唔夠愛，如果你好愛對方，愛係可以大過晒呢一切。」

至於何洛瑤（Sica）在劇中飾演寧寧，是素素（許月湘飾）的好友，因為某些原因寄居於兩姐妹家中一段時間：「我嘅出現應該係為佢哋嘅人生增添一啲色彩。」她表示今次拍攝過程十分愉快，亦與導演在選曲上有很大溝通空間，其中一首她演唱的歌曲對她意義重大，「我覺得嗰首歌對於呢個故事，或者對於『紅白藍』三個角色都有好深嘅淵源，所以都幾期待唱。」

現實中的Sica亦分享，她很喜歡間中到朋友家中過夜，並強調全部都是同性朋友：「我好鍾意傾傾下計突然之間興起，就跟人返屋企。」她笑言最誇張的一次，是拍片時認識新朋友，「第一日認識，傾傾下就已經去咗對方屋企瞓一晚。」不過她亦坦言未曾試過長期寄居在別人家中，「我係好鍾意突發去人屋企，但長住就真係冇試過，始終最鍾意自己張床，同埋有啲習慣同護膚品，好難帶去人哋屋企長住。」

ViuTV原創劇《地獄大狀》熱播中 何洛瑤與林愷鈴身高差距大 爆對戲時經常要踩apple box 開工獲劇組慶祝生日 ViuTV原創劇《地獄大狀》逢星期一至五晚上9時30分播映。劇集由MakerVille出品，銀河映像製作，幕後團隊包括監製朱淑儀、監製及編審何靜怡、導演黃偉傑。故事講述由林愷鈴（Ashley）飾演的大律師邱蔭蔭有日突然遇襲，她在彌留之間遇上一位已死富翁，並受其委託重返陽間，為他處理遺產！死過翻生幫鬼打官司，邱蔭蔭見證爭產的光怪陸離，親歷活人把死人激到「從棺材彈起」。遺產的意義，到底是祝福，或是詛咒？

何洛瑤在《地獄大狀》中飾演一位實習大律師

何洛瑤是林愷鈴任勞任怨的萬能徒弟

何洛瑤覺得現實中的自己與角色有共同點

何洛瑤與角色一樣，面對不公平的事件，都會有不甘的感受

何洛瑤（sica）在《地獄大狀》中飾演一位實習大律師，是林愷鈴（Ashley）任勞任怨的萬能徒弟。sica介紹劇中角色，笑言自己像是Ashley的經理人：「正常嘅見習律師就要幫大律師處理文件、上court，一路幫手一路學嘢啦，我就有少少唔同，我仲要幫Ashley拎嘢，又要陪佢行街，幫佢買齋啡！」sica亦談到劇中造型，表示今次以較少嘗試的「斜陰」示人，再配上一身職場打扮，角色比她本人斯文許多。

何洛瑤與林愷鈴身高差距大，自爆對戲時經常要踩apple box

被問到與角色有沒有相似之處？sica說：「認識完呢個角色之後，我覺得我地都有一個共同點，當然佢係一個律師，言行都要專業啲啦，不過當佢遇到好多唔公平嘅事情，或者見到身邊嘅人好多離離合合，佢都會有好大感受。而我有時睇劇本，睇睇下都會覺得啲事件好唔公平，內心都會有不甘嘅感覺，我同角色面對呢啲嘢嘅時候，產生嘅感受係一樣。」

sica大爆鏡頭後的小秘密，就是她與Ashley對戲時，經常要用到apple box，她解釋：「因為Ashley生得好高，如果我用實際高度同佢對戲嘅話，個畫面可能淨係見到我個頭殼頂，所以我成日都要踩apple box。」

此外，sica又分享與劇組相處融洽，更獲劇組為她慶祝生日：「我記得頭幾日開工，咁啱係我生日嗰段時間，我冇諗過會收到生日蛋糕。嗰下唔係因為有蛋糕食而覺得好開心，係發現原來大家都好nice，好open去同大家相處。無論係關於劇本或者個人喜好嘅話題，我地都會傾一餐！」