「健康 • 旦呈獻：羅啟豪 & 譚輝智雙聲演唱會 2026 」圓滿完成 大唱經典金曲台上感性對大家表白

「健康 • 旦呈獻：羅啟豪 & 譚輝智雙聲演唱會 2026 」日前圓滿完成，這也是 Ramon和輝智兩人的首次紅館演唱會。演出當晚座無虛席，場面熱鬧，一開場大屏幕上播放Ramon與輝智的特效動畫片為演唱會揭開序幕，及後他倆穿上黑色閃片裝束登場，並唱出特別製作的串燒歌《雙聲七分串》，當中包括《今天等我來》、《想說》、《不要重播》、《敢愛敢做》、《屈到病》、《聽海》、《抉擇》、《我等到花兒也謝了》、《當愛已成往事》、《深愛著你》、《無邊的思憶》、《深深深》、《歸來吧》、《囚鳥》、《心碎了無痕》、《敢愛敢恨》和《一首歌一個故事》等多首廣東及國語金曲。接著二人火速換衫，化身成白馬王子出場獻唱他倆出生年份的《1984年度金曲》，包括《飛躍舞台》、《始終會行運》、《愛在深秋》、《偶遇》、《伴我啟航》、《等》、《你令我快樂過》、《天籟》、《零時十分》和《無敵是愛》等，耳熟能詳的歌詞和旋律令現場觀眾跟着一起合唱。

「健康 • 旦呈獻：羅啟豪 & 譚輝智雙聲演唱會 2026 」日前圓滿完成

「健康 • 旦呈獻：羅啟豪 & 譚輝智雙聲演唱會 2026 」日前圓滿完成

「健康 • 旦呈獻：羅啟豪 & 譚輝智雙聲演唱會 2026 」日前圓滿完成

「健康 • 旦呈獻：羅啟豪 & 譚輝智雙聲演唱會 2026 」日前圓滿完成

接著Ramon自彈自唱陳百強金曲《我的故事》，在唱完《別人的歌》時Ramon感性說：「我等咗今晚等咗好耐，見到大家你哋好！頭先我自彈自唱係為咗今晚，唔知道大家鍾唔鍾意？我仲有另外一樣嘢想知道大家鍾唔鍾意？大家有冇留意我後面嘅螢光幕出現咗好多畫，嗰啲畫係我以前畫㗎，想大家借5秒俾我享受紅館嘅舞台，喺呢5秒前我就係唱住《別人的歌》，但喺呢5秒後我就可以唱自己嘅歌，送俾相信我同埋同我行到今日嘅每一位。」接著Ramon唱出他首支個人單曲《相信相信》，他更走到觀眾席與歌迷握手互動。

演出當晚座無虛席

演出當晚座無虛席

拜神儀式

及後輝智出場獻唱他近期個人單曲《娛初》，他說：「大家好嗎？嘩，真係嚟到紅館，其實我由細到大嚟過紅館好多次，我諗都有50次，但係次次都係坐喺山頂位，好少坐喺前排。山頂嘅朋友，你哋好嗎？呢個係例牌嘅指定動作，我有好多疑問，以前嚟紅館就成日喪嗌，我諗啲歌手其實見唔見到我哋嘅呢？又或者聽唔到我哋講嘢嘅呢？不如證實一下，你哋嗌呀！」現場觀眾即時大叫輝智，「原來係聽到，不如大家大聲嗌，真係好有 Feel 呀，原來紅館係可以咁Crazy！」接下來輝智大展舞技跳唱《熱身要在冧低前》，並發揮幽默本色問在場觀眾：「型唔型啫！大家睇完記得洗眼。」

全晚氣氛最高漲的環節定必定是Ramon與輝智合唱《天命最高》，音樂總監趙增熹當年亦有份參與歌曲製作別具意義。阿熹上台時望向Ramon與輝智笑言：「如果唔係你哋兩個，今晚我都未必喺度，我一集《中年好聲音》嘅評判都冇做過，講起我都算係你哋前輩，我想借大家小小時間送返一兩句說話俾你哋，我其實都係歌唱比賽入行，我19歲幫我朋友參加比賽，我就入咗行，好可惜佢就入唔到，嗰陣時喺我生命裏面有個好重要嘅人，我同佢講入唔入行好，佢就同我講有幾多個顧嘉煇！佢意思就係話入行要求高唔容易㗎！如是者我就喺呢行做咗40年，雖然我做唔到顧嘉煇，但我都係趙增熹。」

Ramon說：「顧嘉煇得一位，趙增熹都係得一位。」阿熹說：「啱啱講呢個好重要嘅人今晚都喺度，我要好鄭重多謝我媽咪，唔知佢今晚坐咗喺邊度，好似係AE行。我將我媽咪嘅呢段說話改裝少少送俾你哋，有幾多個張學友同埋陳奕迅呢？希望你哋將來可以繼續企喺個台上面，好有自信同大家講雖然唔係張學友同陳奕迅，但我係羅啟豪或譚輝智。」接著阿熹彈奏歌曲《GOLDEN》及《阿Lam日記》，讓Ramon與輝智即場大比拼鬥高音及長氣，盡顯兩人歌唱技巧，台下掌聲不斷。及後Ramon與輝智於Dance Medley環節向在場觀眾示範抹窗及游泳手勢，並呼籲觀眾高舉演唱會發光手套齊齊互動，二人緊接勁歌熱舞表演一系列快歌，包括有：《打雀英雄傳》、《忘情森巴舞》、《極速》和《脱掉》等。

輝智深情望向Ramon表示：「我想問你一樣嘢，其實我同你唔算係第一次合作，係第二次，同我合作開唔開心呢？」Ramon：「我等咗呢個機會好耐唔知你知唔知？」輝智續說：「我準備咗一份禮物俾你，我好少送禮物俾人，今次都係第一次，仲要喺個台度送俾你，其實呢份禮物都準備咗成42年。」Ramon：「吓，我都未出世。」輝智：「我喺阿媽個肚裏面已經準備，就係呢一首歌《阿信的故事》。」Ramon則唱出《我有我天地》作回禮，並笑言：「完咗呢個騷你就可以環遊世界。」接着輝智向Ramon提問：「其實你之前有冇諗過有一日可以企喺紅館呢個舞台。」Ramon：「真係冇，我哋兩個40歲先至入行做歌手，點會諗到今日會企喺呢度。」輝智坦言：「其實有少少我覺得變態嘅成份，我睇返我啲相，嗰陣時做緊啲乜嘢，嗰個樣係…」Ramon激動表示：「我以前又有鬍鬚又肥。」輝智續說：「我覺得點會諗到呢個舞台，我覺得好癲呀！我無憾啦！我想講其實夢想係有聲音，呢一把聲音一定係歲月沉澱咗先可以唱到出嚟。」Ramon表示：「我想將今晚呢一份感觸送俾不同年齡，但心中仍然有團火嘅人。」

在最後環節 ，Ramon分享：「我真係有好多說話想講，咁快就去到最後一首歌，覺得呢個夢係咪就嚟要醒呢？但我知道今晚嘅夢同平時嘅夢係唔同，醒咗之後唔會所有嘢都消失，呢一段時間開嘅每一個會，每一次團隊同我哋食飯，仲有企喺個舞台聽到大家嘅歡呼聲同埋掌聲，仲有望到每一位觀眾朋友同埋屋企人，仲有我嘅粉絲豪殼，所有事都印喺我嘅腦海，我知道以後每次遇到挑戰同埋難題嘅時候，只要記得今晚嘅畫面就會俾到力量我，同埋要多謝鼓勵我同相信行到今日嘅你哋。」

輝智說：「我其實好少講啲感性嘢，我個人比大家嘅感覺好似冇嚟正經，Hea Hea 哋，我要為自己做少少平反，我唔係好叻講嘢，但我好珍惜所有嘅粉絲Faiters，每一次見到你哋，我都盡量去記得你哋每一個，都會盡量搵啲方法同你哋傾偈！其實我係冇乜 Friend，個個都知我難搞，好難相處。」Ramon則表示：「你當唔當我係 Friend 先？」輝智直言：「我梗係當你係 Friend，我都有自知之明，識到咁多人對我嘅人生真係形容唔到，其實我都好鍾意自己一個，當然係未認識我老婆之前，多謝你哋，我會珍惜你哋每一位。」最後他倆以一曲《今天等我來》為全晚演唱會畫上完美句號。

Ramon 和輝智完show 後非常感謝「健康•旦」今次對他們兩人的信任和支持，也要多謝包括出品人陳淑芬和馬榮成、演唱會總監蕭潮順、創作總監鄭丹瑞、監製Polly Chung 、音樂總監趙增熹、型像指導及服裝設計陳華國、舞蹈總監 Kato 對他們的教導，能夠在這個星級團隊無私的教導下，完成今次演唱會就如奇蹟般，他們所說的每一句話也讓他倆一身受用，他倆會緊記從大夥兒身上學到的東西，繼續把好音樂帶給大家。

羅啟豪（Ramon）首個紅館演唱會圓滿結束後，歌迷會「豪吧」於昨晚（7月3日）在Heritage 1881 Courtyard 舉行《啟豪．豪殼 United！三週年團聚暨慶功宴》，與一眾「豪殼」一同慶祝歌迷會成立三周年，並藉此回顧三年來陪伴啟豪走過的一個又一個重要里程碑。活動選址 Heritage 1881 Courtyard 別具意義，「健康旦」曾於同一地點拍攝《雙聲演唱會》網上宣傳特輯，如今歌迷會特意回到這個地方舉行慶功宴，希望以「由哪裡開始，就由哪裡作一個圓滿總結」，成為今次活動的概念。

羅啟豪

羅啟豪

自《雙聲演唱會》成功舉行後，Ramon小休了一陣子，除了偕專程自外地回港睇騷的家人共聚之外，又相約好友往深圳按摩與大吃大喝，叉足電的Ramon興奮道：「為咗籌備演唱會，我食咗兩個月青菜同烚雞胸，終於可以放鬆一下，我哋去勻好多好正嘅餐廳，如果公司想開深圳美食攻略節目，隨時可以搵我，大把好嘢推薦！」今次《啟豪．豪殼 United！三週年團聚暨慶功宴》，是紅館演唱會之後首個大型歌迷聚會，「豪殼」反應非常熱烈，但基於場地所限，只能招待一百五十人，提到「豪吧」轉眼已經成立三周年，Ramon笑言：「時間真係過得好快，呢三年以來喺我身上發生咗好多好夢幻嘅事，可以推出個人單曲，諗唔到仲上埋紅館呢個大舞台，喺呢度真係要衷心感謝『豪殼』同一直支持我嘅家人朋友，一齊陪我去行呢條路！」難得連定居新加坡的表姊，這晚亦親臨現場，並正式成為「豪殼」一份子。

羅啟豪

羅啟豪

除了與「豪殼」一同分享喜悅外，Ramon同時邀請多位圈中好友出席今次盛會，包括顏志恒、丁文俊、涂家堯、浪談老事組合（劉威煌、梁浩賢、甘永傑）、馮志豪、區俊傑，並分別作友情對唱，Ramon剖白心聲：「呢班老友真係好唔話得，無論我出歌、做活動都會鼎力支持，《雙聲演唱會》更加係個個自己買飛捧場，所以我一定要請返佢哋嚟食飯，最開心嘅係，今晚仲可以一齊唱歌！」獨唱方面，Ramon特別選唱為演唱會全新編曲的《一萬年》，這首歌是他最喜愛的曲目之一，Ramon說：「我咁鍾意呢首歌，但有啲可惜嘅係演唱會當晚，我覺得表現未算完美，所以希望藉住今次聚會，再一次將心目中更完整嘅演繹，送給一直支持我嘅『豪殼』！」不負眾望，這次果然成功補中，Ramon呈獻最完美的《一萬年》。

繼踏上紅館舞台，Ramon即將迎來事業上另一個新突破，首次偕《中年好聲音》家族成員劉洋、李金凱及王鄭浚仁，推出自傳式著作《中年好聲音之聲情之旅》，抒發參賽前後的改變及心路歷程，Ramon表示：「啱啱同《中聲》戰友講開，雖然我哋仲覺得自己係新人，但原來比賽已經係三年幾前，個感覺已經好似『想當年』咁，加上自己一切嘅轉變實在太大，所以好多謝出版社俾我呢個機會，去為暫時嘅人生作一個比較完整嘅紀錄，諗返當中出現過嘅興奮、挑戰同難關，一切都好值得懷念同感恩！」經理人更於聚會台上分享好消息，透露正策劃為Ramon 及黃博於今年餘下時間登陸內地舉行音樂會，並於十一月飛到加拿大多倫多及溫哥華作華裔小姐嘉賓。Ramon將一如既往全力以赴，努力做好每一項工作，並作出更多新嘗試，以回饋支持自己的歌迷。

羅啟豪