曾先後於《三命》、《COURT!》等劇集演出的中葡混血演員蘇家樂（Ernesto De Sousa），除了是一名演員外，亦經常擔任節目主持，更於節目上教授觀眾葡文，他更笑言自己有機會是教得最多葡文的嘉賓或主持。
《730玩返轉》
《730玩返轉》
《澳門15變》
《澳門15變》
《澳門15變》
蘇家樂於IG分享最近的工作截圖，笑謂：「根據非正式統計 我可能係 @viutv 節目上教得最多葡文嘅嘉賓/主持 圖一二係 《730玩返轉》 圖三、四、五 係《澳門15變》 快啲上網重溫啦 . Thanks @timkwong0707 @dannycha_n #viutv #730玩返轉 #澳門15變 #蘇家樂」
點擊看圖輯
中葡混血演員蘇家樂（Ernesto De Sousa）
中葡混血演員蘇家樂（Ernesto De Sousa）
蘇家樂於《COURT!》飾演Henry
蘇家樂（左）於《COURT!》飾演Henry
中葡混血演員蘇家樂（Ernesto De Sousa）
中葡混血演員蘇家樂（Ernesto De Sousa）
ViuTV原創劇《COURT!》於5月18日起，逢星期一至五晚上9時30分播映。《COURT!》由MakerVille出品，銀河映像製作，幕後團隊包括監製游乃海、朱淑儀，導演吳家偉，以及編審潘漫紅。劇集分為3個單元，講述基於不同觀點角度、難以致信的巧合或為了維護更公平的法律原則，都影響著所有案件在法庭上的細節，令最終「真相」的呈現，面臨著不同挑戰和考驗。
《COURT!》劇照
《COURT!》劇照
《COURT!》劇照
《COURT!》劇照
《COURT!》劇照
《COURT!》劇照
肥腸於《COURT!》劇中飾演余大狀（張達倫 飾）的徒弟，而家樂於劇中則為謝大狀（湯駿業 飾）的徒弟。肥腸指：「我哋最大嘅特別就係我哋嘅對比……」。家樂拍拍大髀笑言：「對髀。」肥腸續說：「我哋出場由啲File話畀大家聽，我啲File係色彩繽紛啲，而家樂嘅就……」家樂補充：「比較灰灰沉沉，穩陣啲。監製形容我係郭靖嚟，所以我個人就好忠忠直直、穩打穩紮。」肥腸指：「我就Smart啲嘅，有時有啲鬼點子、鬼主意。」
二人對真相有不同看法，肥腸認為：「真相係有理說不清嘅嘢，有啲嘢係你一個真相，我一個真相，咁實際嘅真相又係咩呢？」家樂聽後表示：「嘩！好有趣喎！因為我係諗住真相只有一個，只不過係你知唔知個真相係咩，但真相就永遠只係得一個。」肥腸謂：「我哋嘅性格真係好大分別。」
肥腸看畢劇本後覺得很有趣：「佢用幾場官司去呈現咩叫公道，或者咩叫公平、公正，佢就會借呢幾個官司去比喻出嚟，或者叫大家思考。」家樂則覺得：「最有趣嘅位係真相、法律到底係啲咩嚟？法律係咪可以保障到大家嘅權利、權益呢？佢保障到嘅到底係唔係就係嗰個真相呢？呢個係我睇完劇本之後好有反思。」他續說：「我哋今次又係好巴打，其實我覺得真相係好重要嘅，但親情都好重要，有啲嘢就係人同人之間嘅關係一可見會比真相更加重要，希望大家都珍惜當下有嘅嘢。」
而駱振偉指，其角色C朗是一個精英：「C朗同Ah Dee（湯駿業）佢哋一樣係一個律師，係精英之一，但精英嘅層面唔同，我係擦鞋精英中嘅精英，佢哋就係實力嘅精英。擦鞋都有技巧㗎嘛，有咩唔明，問我！」他謂：「其實本身我真人就真係唔係好叻（擦鞋），但我覺得平時其實真係好容易會見到呢啲場面，就算我哋今日拍攝，我哋導演射咗好多球波，射完之後大家都，『嘩！都未見過人射波咁靚㗎！』總之將啲最浮誇嘅嘢講晒出嚟，但係講緊時候要有份真心、真摯，令嗰個人聽落去真係覺得舒服、貼心，嗰個就唔係擦鞋喇，嗰個係真心嘅讚賞，呢啲入咗血喇。」
拍攝煞科戲當天，每位演員都非常拼搏，駱振偉說：「汗係水珠級，大家都真係好拼搏，聽聞Ah Dee仲要收凌晨一點，聽聞佢哋今朝七點幾就開波，都真係唔簡單㗎。場內工作人員都Keep住提大家飲吓啲甜嘅嘢，因為真係未必頂得順，熱情十足！」他認為：「真相我從來都係覺得冇咩絕對㗎，除咗係科學嘅真相，其他都係因人而異，我覺得人從未都係鍾意聽自己想聽到嘅嘢，就算我兜口兜面同你講咗一啲嘢，係一個事實都好，但你唔想聽，你都會聽咗另外一樣嘢為之真相。」
