歐瑞偉遭《聲夢2》Duncan挑釁踏上「復仇之路」 「東張女神」麥詩晴獲欽點演出全因笑容夠甜美

本周五（6月19日）就是端午節啦！TVB 企業傳訊部品牌傳播科（CID）特意打造一條超有節日氣氛的應節宣傳片《6月19日，放馬過來》，找來演得又打得的實力派歐瑞偉、《聲夢傳奇2》唱將侯雋熙（Duncan），以及「東張女神」麥詩晴聯手，上演一段充滿濃厚港味又搞笑的端午節短片。

呢個Shot歐瑞偉勁有氣勢。

呢一幕用AI神還原幾年前網上極Hit嘅「龍舟碰撞」嘅影片。

歐瑞偉嚇到彈醒，更勞氣一拳打爆玻璃。

Duncan寸寸貢個樣好乞人憎。

故事一開場就火藥味十足！歐瑞偉跟隊友練習扒龍舟，怎料疑似遭Duncan率領的龍舟惡意撞擊，歐瑞偉更意外弄傷頸。事後歐瑞偉夢見撞船一幕，嚇到「成個扎醒」，盛怒之下一拳打爆玻璃！正當他怒火中燒之際，抬頭看電視竟見到「罪魁禍首」Duncan受訪時一臉囂張地挑釁：「練習賽嚟嘅啫，唔好意思囉！哈哈哈…」歐瑞偉當場失控大叫！之後歐瑞偉將怒氣化為力量，帶傷展開地獄式特訓，期間獲「東張女神」麥詩晴貼心照顧，親手包糉給他吃，加上隊友們輪流打氣，歐瑞偉展現驚人意志極速康復，終於趕得切在龍舟比賽「大復仇」……帶出「永不言敗」的勵志訊息。

歐瑞偉繼續勞氣，麥詩晴就擔心佢傷勢會惡化。

歐瑞偉繼續勞氣，麥詩晴就擔心佢傷勢會惡化。

麥詩晴炮製美食，當然有應節嘅糉啦。

麥詩晴炮製美食，當然有應節嘅糉啦。

歐瑞偉Mark定「復仇日子」。

Duncan獲讚有潛力做新一代奸角
《6月19日，放馬過來》上周五（12日）在TVB各大平台播出，由於片段以真人＋AI拍攝，AI部分包括落水扒龍舟及打爆玻璃等，全部均像真度極高；當中歐瑞偉扒龍舟一幕更是逼真非常，引起極大迴響；更有目擊拍攝過程的網民盛讚CID製作速度快得驚人，並謂當日見到歐瑞偉一度以為是趕拍《愛．回家之開心速遞》：「上星期先喺碧濤花園跑步見到你哋拍。」對於64歲歐瑞偉身手了得，網民自然讚不絕口，另亦有人笑言近期多演壞人角色的Duncan入型入格，極有潛力成為新一代奸角。

歐瑞偉無視傷勢狂操體能。

呢一幕係麥詩晴好惡咁叫Duncan食晒啲糉，無厘頭得嚟幾好笑。

呢一幕係麥詩晴好惡咁叫Duncan食晒啲糉，無厘頭得嚟幾好笑。

短片導演親揭「極速製作」之謎
談到短片拍攝詳情，CID導演吳鏡輝受訪時透露，想拍一條有別於傳統的端午節宣傳片，因而想起數年前熱爆網絡的「龍舟相撞」短片，便以此作為藍本，務求勾起網民對端午節的「另類回憶」。對於有網民讚他們製作速度快，吳導透露拍這條片之前，率先做好了一條30秒長的全AI Demo：「因為我哋已經砌咗一個完整嘅宣傳片 ，只不過全部係AI，之後先實拍，其實AI嘅Shot，主要係涵蓋一啲太浪費人力資源嘅拍攝部分。」吳鏡輝續指原本想「全真人」拍攝，但礙於時間和安全等問題，最後決定以「95%真人+5% AI」製作短片，並很開心出來效果得到大家認同，並指選麥詩晴飾演歐瑞偉女兒原因，全因笑容夠甜美。

歐瑞偉極速康復參賽，全力以赴做到最好。

雖然近日 TVB 處境劇《愛．回家之開心速遞》驚傳 7 月可能大結局，不過劇中的「KC」歐瑞偉卻未受傳聞影響，日前更撇甩劇中 CP「Min姐」，孖住「蘇姐」馬海倫（Helen姐）到嗇色園主辦可泰耆英鄰舍中心，陪一眾老友記試玩 SMART 跨代虛擬運動遊戲—《體感大激鬥》，齊齊划龍舟、搶包山、爬獅子山、打詠春，場面熱鬧又搞笑，二人更玩到「索氣」，笑言估不到做虛擬運動都可以咁「好玩」。

歐瑞偉、馬海倫

歐瑞偉、馬海倫

歐瑞偉

馬海倫

SMART跨代虛擬運動計劃

大合照

今次活動由利希慎基金贊助、中國香港體適能總會（Fit總）主辦的「SMART跨代虛擬運動計劃」推動，特別走入嗇色園主辦可泰耆英鄰舍中心，邀請一眾長者一齊體驗 4 款虛擬遊戲運動，包括《極速龍舟》、《包山狂熱》、《疾走獅子山》及《詠春木樁對決》，齊齊大玩一輪，感受虛擬運動帶來的新鮮感與動感。

《體感大激鬥》包括包山狂熱、超速龍舟、疾走獅子山、高速單車戰、維港競速游、鴻運舞獅、舞龍王爭霸、輕功水上漂及詠春木樁對決等9大香港特色虛擬運動遊戲。

兩位「愛回家」老戲骨齊出動

活動一開始，教練 Steven 即帶領一眾嘉賓和長者進行熱身及肌力訓練，包括毛巾熱身運動與橡筋帶肌力訓練，隨後正式進入虛擬遊戲運動環節—體感大激鬥。現場所見，馬海倫和歐瑞偉都玩得相當投入，並不時與長者互動打氣，現場氣氛十分高漲。

兩位藝人亦笑言，過往雖然有玩過虛擬遊戲，但今次是第一次和一大班人一齊玩，感覺特別熱鬧，亦因為動得多，整個人都變得更精神。二人更同場分享養生之道，均認為保持規律運動，是維持身心健康的重要一環。

Helen姐：打機運動好新穎

現年77歲的馬海倫表示，今次體驗新穎而特別，認為這類虛擬遊戲運動尤其適合與孫仔孫女一同參與，因為結合了打機與運動，既可一起活動身體，亦能在歡笑中鍛煉心肺。她亦透露，自己平日有跑步，對體能尚有一定信心，惟今次與中心長者較量之下，仍不敵對方，笑言：「估唔到會輸！」她並表示，不能被這班長者拋離太遠，日後亦應增加運動量，以強健體魄。最後，她分享自己的養生之道，指自己一直堅持日常多做運動，除游泳、騎馬、保齡球、滑雪及高爾夫外，近年尤其喜愛行山及跑步，更連續兩年參加10公里渣打馬拉松。她亦提到，自己偶爾跟隨發哥及《愛回家》的演員一同練跑，藉此保持身心健康。

歐瑞偉：與長者同贏比賽感開心

現年64歲的歐瑞偉表示，今次最特別之處在於與蘇姐一同到長者中心探訪，過往類似活動多數只是派發禮物或進行簡單遊戲，這次卻是與老友記一同做運動，猶如一起參與一場虛擬遊戲比賽，感覺新鮮而有趣。他亦指出，原本以為這類虛擬遊戲運動較為輕鬆，實際進行時卻相當耗費體力：「過程中更一度玩到索氣，幸好活動開始前已先進行熱身，包括毛巾熱身及橡筋帶肌力訓練，令我能夠順利完成各項挑戰，最終更與長者一同包辦冠亞季軍，十分開心！」歐瑞偉更分享個人養生之道，表示自己一向重視運動、均衡飲食及充足睡眠，透過嚴格管理健康維持良好體魄，因為他深信，只有擁有健康的身體，才有能力照顧家庭。

呼籲老友記齊齊動起來

活動尾聲，馬海倫同歐瑞偉都呼籲長者一齊加入運動行列：「老友記！一個人做運動太悶？我哋成班人陪你，齊齊嚟做運動啦！」二人亦誠邀大家參加 2026 SMART 跨代虛擬運動大賽，更齊齊約定 6 月 20 日及 21 日到九龍塘創新中心見面，一齊玩、一齊動、一齊笑著運動！