網友曝光「巴士惡男」坐梯間拒讓路激起公憤 撰文者突自揭：全屬AI虛構

網上近日瘋傳一則巴士公審帖文，指控一名男生坐在下層樓梯位置，即使有婆婆要求借過及車長廣播勸喻仍拒絕讓路，態度惡劣，事件迅速引發全城熱議。正當網民群起聲討之際，劇情卻迎來驚人反轉，率先曝光事件的網友突然發文承認，整件事純屬利用AI工具創作的虛構故事，照片中的男生更是其認識多年的朋友，並為事件引發的誤解與困擾致歉。

網上圖片

該名乘客最初於社交平台Threads發文，憶述放學後乘搭98A線九巴時，下層擠迫得「企到冇位」，欲往上層尋找座位，卻見到一名穿黑色上衣的男生坐在下層樓梯位置「堵死條路」。樓主形容，「成個樓梯平台淨係得佢1個人坐，兩條腳大剌剌橫晒攔實整條樓梯，全程顧住整佢個白布袋，個樣本身已經黑口黑面，眼神兇到好似人欠佢幾百萬」。

網上圖片

網上圖片

樓主表示，他禮貌要求「唔該借過，我要上樓」，但男生不但不縮腳，還伸多點出來，抬頭惡狠狠瞪 着他，語氣超差地說「下面咁多扶手企唔到？成日逼住要上2樓做咩，我而家 整緊嘢，唔想郁」。樓主身後陸續有5至6位乘客上 車，包括大叔和學生，「全部堵喺我後面等讓路，冇人敢行過」。有婆婆小聲說「想上2樓坐穩啲」，男生直接將布袋放中間擋着，兇惡地說「講咗唔得就唔得，要上樓全部等埋，唔好煩我」。

《愛回家》劇照

樓主續指，巴士車長透過車廂鏡頭見到後面堵塞，開廣播呼籲在樓梯口的乘客讓開通道，但男生「當聽唔到，低頭繼續摸個袋，偶爾抬眼掃下我哋一班等緊嘅人，眼神超有敵意，完全唔理身後一車人嘅不便」。

網上圖片

然後事件在網上廣傳不斷發酵，樓主突然再發文，承認事件純屬虛構。他解釋，照片中的男生是其認識多年的朋友，「整件內容僅是我單純運用AI工具創作的虛構素材，沒有任何真實事件、真實衝突作為原型，也從未有刻意抹黑、造謠、惡意消費他人的想法」。他續說，「一開始只當作私人趣味創作分享，沒想到會意外擴散、引發大量誤解與討論，甚至 登上新聞，給我的朋友、網路大眾帶來困 擾，這部分我深感抱歉」，並上傳兩張使用AI工具「豆包」要求創作Threads公審帖文的截圖。

近日天氣持續酷熱，不少市民寧願留在家中消暑都唔出街，連寵物都怕熱唔願郁。不過啟德近日就有一隻松鼠狗成為網絡紅人，佢陪住飼主現身Airside等商場時，竟然成日躺平喺地下拒絕前進，即使飼主牽繩拉扯「拖地」都唔肯起身，場面搞笑。正當網民以為松鼠狗係因為天氣太熱先至唔願行，原來背後另有玄機，而且只要飼主講出三個字「密碼」，松鼠狗便會即刻開心彈起奔跑，反差萌爆燈。

threads影片截圖

Threads自7月起就流出此隻躺平小狗相關的照片及影片，片中所見飼主是一名中年男子，幾乎每日都帶住佢去Airside散步，他們更曾到訪荃灣南豐紗廠、新蒲崗Mikiki等地方。不過大部分時間見到小狗都係「躺平」狀態，即使飼主拖行都唔肯起身，因而吸引大批路人及網民將此搞笑場面拍下上載至社交平台分享。

threads影片截圖

threads影片截圖

有網民留言笑稱「見咗佢咁多次，冇一次係用四隻腳嚟行路，每次都趴喺地下唔肯行。然後叔叔就陪佢慢慢拖住咁行，搞笑得嚟又好sweet」、「Airside夜晚一見到有嚿啡色地拖就知係佢了」、「airside多個景點」、「人哋係去放狗，佢係去拖地」、「冇一次係四隻腳行路 笑死」、「我係南豐見過佢地，一樣做地拖，原來係啟德名物」、「地板涼浸浸」、「狗形地拖」、「好cute cute」、「天氣太熱，商場地下涼浸浸」、「原來狗可以咁賴皮」、「唔想返屋企的表現」。

threads影片截圖

正當網民以為松鼠狗純粹因為天氣太熱先至唔肯起身之際，有兩名網民分享影片及與飼主叔叔對話，原來真相係因為佢已經散完步要回家，但松鼠狗唔肯走，結果躺平「賴死唔走」。不過只要飼主同佢講「去玩、繼續行」，佢就會企返起身好活躍。影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑，有網民見狀笑指「平時扮死狗 原來咁得意！」。

影片可見飼主只要說出三個字：「去玩啦」，或者數「一二三」，松鼠狗便會立即彈起身開心地奔跑。threads影片截圖